Entrecote de tenreira con pementos bañados

15 Xullo, 2015

Entrecote de tenreira con pementos bañados

Plato

Segundo prato

Información nutricional:

Kcal: 323,4
Proteínas: 36,9%
Hidratos de carbono: 16%
Lípidos: 47,1%

Ingredientes

150 g entrecot de tenreira
1 (100 g) pemento vermello
20 g cebola
1 dente (5g) allo
1 cullerada sopeira (10mL) aceite oliva
pementa negra
sal ao gusto

Instruccións

Tempo preparación: De 20 a 30 minutos

Cortar o pemento en tiras e saltealo coa cebola e o allo nunha tixola con aceite. Adubar o entrecot e facelo á prancha. Servir todo xunto.

Vantaxes:
A Tenreira Gallega é a primeira carne de vacún con control integral e certificado de garantía.
A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Melocotón en xarope

Plato Sobremesa

Información nutricional:

Kcal: 139,2
Proteínas: 1,7%
Hidratos de carbono: 98,3%
Lípidos: 0%

Ingredientes

160 g melocotón en xarope

Instruccións

É unha forma de consumir unha sobremesa diferente, que conserva algunhas das excelentes propiedades saudables dos melocotóns.

Vantaxes:
Aínda que o melocotón presenta un sabor doce, non é das froitas con maior aporte en hidratos de carbono e enerxía. Destaca o seu contido en fibra e potasio, e en menor medida magnesio e iodo. Ademais o melocotón presenta propiedades dietoterapéuticas debidas á presenza de carotenos.

Inconvenientes:
As froitas en xarope presentan un elevado contido en azucre. Para a súa elaboración se engaden azucres simples (sacarosa e glucosa), aumentando ó dobre o seu valor calórico con respecto á froita fresca.

Crema de cabaza

Plato Primeiro prato

Información nutricional:

Kcal: 127,1
Proteínas: 16,5%
Hidratos de carbono: 56,8%
Lípidos: 26,7%

Ingredientes

1/2 (45 g) pataca
1 pequena (45g) cenoria
1/2 vaso (150 mL) auga
1/2 vaso (75 mL) leite
50 g cabaza
20 g porro
20 g perexil
sal ao gusto
1 cullerada (4mL) aceite oliva

Instruccións

Tempo preparación: De 40 a 50 minutos

Refogar en aceite o porro, a cenoria, a pataca e a cabaza pelada e sen sementes, cortados en dados durante 4 minutos. A continuación engadir leite e auga, e cocer lentamente durante 20-30 minutos. Pasar por turmix e un coador chino. Poñer a punto de sal. Cubrir con perexil.

Vantaxes:
Debido a que a auga é o principal compoñente da cabaza e que presenta un baixo contido en hidratos de carbono, este alimento faise indispensable na dieta. A cabaza é un bo regulador de azucres en sangue, contén beta-carotenos, actúa como expectorante e presenta propiedades antioxidantes.

Brócoli con tiras de xamón

Plato Primeiro prato

Información nutricional:

Kcal: 263
Proteínas: 16,8%
Hidratos de carbono: 26,9%
Lípidos: 56,4%

Ingredientes

200 g brócoli
1/2 (60 g) pataca
20 g xamón serrano
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer o brócoli ó vapor. Á parte cocer as patacas. Nun pouco de aceite de oliva refogar o xamón serrano cortado en tiras e poñer por enriba do brócoli.

Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.

Pescada á galega

Plato Segundo prato

Información nutricional:

Kcal: 463,4
Proteínas: 26,5%
Hidratos de carbono: 33,1%
Lípidos: 40,4%

Ingredientes

150 g pescada
1 (150g) pataca
40 g chícharos
20 g cebola
2 dentes (10g) allo
2 culleradas (20mL) aceite oliva
sal ao gusto
pementón doce
loureiro

Instruccións

Tempo preparación: De 20 a 30 minutos

Limpar e cortar a pescada en rebandas. Poñer a cocer en auga con laurel as patacas cortadas en rebandas grosas. Ós 8 min. engadir o peixe e cocer de 5 a 8 minutos máis. Á parte preparar unha salsa co aceite, allo e pemento picante. Servir a pescada enriba das patacas acompañado por chícharos cocidos á parte e a salsa de allo por riba.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12). Pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Noticias

Archivos