Noticias

Noticias y actualidad del Grupo Cuevas

Archivos

Refogado de arroz tres delicias

15 Xullo, 2015

Refogado de arroz tres delicias

Refogado de arroz tres delicias

Información nutricional:

Kcal: 281,1
Proteínas: 28%
Hidratos de carbono: 35,8%
Lípidos: 36,2%

Ingredientes

  • 70 g arroz
  • 60 g gambas
  • 20 g xamón cocido
  • 20 g millo doce
  • 20 g chícharos
  • 1 cullerada (5mL) salsa soia
  • 1 cullerada (8mL) aceite oliva
  • sal ao gusto

Instruccións

Tempo preparación: De 30 a 40 minutos

Nunha cacerola con abundante auga fervendo cocer o arroz 20 min. e a continuación escorrer e refrescar. Nunha tixola ou wok refogar en aceite as gambas, engadir o xamón cortado en dados, o arroz, os chícharos cocidos e o millo doce. Dar o toque de soia con coidado de non pasarse polo sal que ten. Servir quente.

Vantaxes:
O arroz é rico en amidón, contén vitaminas do grupo B, fósforo e potasio. É un alimento positivo para a prevención e a mellora dalgunhas patoloxías como a hipertensión e a hipercolesterolemia, debido ó seu baixo contido en sodio. A excelente dixestibilidade do arroz, ligada a unha acción astrinxente (debida a carencia de fibra), fan do arroz un alimento indicado para recuperar a mucosa intestinal tras unha gastroenterite.

Coello en salsa de améndoas

Coello en salsa de améndoas

Coello en salsa de améndoas

Información nutricional:

Kcal: 845
Proteínas: 34,7%
Hidratos de carbono: 14,1%
Lípidos: 51,2%

Ingredientes

  • 150 g coello
  • 1 (100g) pataca
  • 1 vaso (200mL) caldo carne
  • 80 mL viño branco
  • 50 mL brandy
  • 25 g cebola
  • 20 g améndoa
  • 1 dente (5g) allo
  • 3 culleradas (15mL) aceite oliva
  • perexil
  • pementa
  • sal ao gusto

Instruccións

Tempo preparación: De 30 a 40 minutos

Cortar o coello en anacos, salpementar e fritir para dourar, reservar. Nunha cacerola refogar en aceite a cebola e o allo. Engadirlle o coello e flambear con brandy. Engadir o viño branco deixando reducir o alcol uns instantes. Cubrir con caldo. Deixar cocer suavemente ata que estea tenro, á metade de cocción engadirlle as améndoas torradas e maceradas en mortero. Adicionar as patacas en dados previamente fritidas.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Brócoli á galega

Brócoli á galega

Brócoli á galega

Información nutricional:

Kcal: 174
Proteínas: 13,9%
Hidratos de carbono: 34,4%
Lípidos: 51,7%

Ingredientes

  • 150 g brócoli
  • 50 g pataca
  • 1 dente (5g) allo
  • 3 culleradas (15mL) aceite oliva
  • pementón doce
  • loureiro
  • sal ao gusto

Instruccións

Tempo preparación: De 30 a 40 minutos

Cocer o brócoli en auga fervendo con sal e reservar. Preparar unha salsa allada: quentar o aceite, engadir o allo ata que se doure, retirar do lume e engadir o pementón doce, procurando que non se queime. Deixar repousar e coar. Cocer a pataca. Presentar o brócoli coa pataca á beira e cubrir coa allada.

Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.

Guiso de xarda con fideos

Guiso de xarda con fideos

Guiso de xarda con fideos

Información nutricional:

Kcal: 442,6
Proteínas: 34,3%
Hidratos de carbono: 18,8%
Lípidos: 46,8%

Ingredientes

  • 150 g xarda
  • 1/2 vaso (130 mL) caldo peixe
  • 55 g fideo groso perla
  • 25 g pemento vermello
  • 25 g cebola
  • 25 g cenoria
  • 15 g porro
  • 1 dente (5g) allo
  • 1 cullerada sopeira (10mL) aceite oliva
  • colorante alimentario
  • pementón doce
  • perexil
  • sal ao gusto

Instruccións

Tempo preparación: De 30 a 40 minutos

Limpar a xarda e fileteala. Cortar en tiras de 1 cm. de ancho aprox. Refogar en aceite o allo e as verduras en tiras. Engadir o pementón e o caldo de peixe coloreado. Engadir os fideos e aos 5 min. a xarda. Deixar terminar de cocer lentamente e cubrir de perexil antes de servir.

Vantaxes:
A xarda é un peixe azul, e como tal é fonte moi importante de ácidos graxos omega-3. Estes ácidos axudan a controlar a presión arterial, melloran a función cardíaca e reducen o impacto doutros factores de risco cardiovascular. Este peixe contén proteínas de gran valor biolóxico, vitaminas do grupo B (pero en menor proporción que noutros alimentos), e debido ó seu contido en graxa, presenta excelentes niveis de vitaminas liposolubles (A, D, E). En canto ós minerais destacan o potasio, fósforo, iodo, magnesio, ademais do ferro (aínda que en menor medida que nas carnes).

Inconvenientes:
O inconveniente da xarda é o seu contido en purinas, que o organismo transforma en ácido úrico, polo que se desaconsella en caso de hiperuricemia ou gota.

Crema de feixóns pintos

Crema de feixóns pintos

Crema de feixóns pintos

Información nutricional:

Kcal: 281,8
Proteínas: 20,4%
Hidratos de carbono: 58,0%
Lípidos: 21,5%

Ingredientes

  • 65 g feixóns pintos
  • 1 vaso (235 mL) auga
  • 20 g pataca
  • 20 g porro
  • 1 cebola
  • 15 g cenoria
  • 1 cullerada (6mL) aceite oliva
  • sal ao gusto

Instruccións

Tempo preparación: De 30 a 40 minutos

Refogar nunha cazola con aceite de oliva, a cebola, o porro, a cenoria e a pataca (todo cortado en anacos desiguais). Cubrir con auga abundante e engadir os feixóns remollados 12 h. previamente. Cando os feixóns estean tenros, pasar pola túrmix e o chinés. Se está demasiado espesa alixerar con auga. Dar o punto de sal.

Vantaxes:
Os feixóns caracterízanse polo seu baixo aporte calórico, fundamentalmente polo seu escaso contido en graxas e á súa riqueza en fibra; son pobres en sodio e conteñen vitaminas como a vitamina A e B6 (piridoxina).