Dourada con pisto

15 Xullo, 2015

Dourada con pisto

Plato

Segundo prato

Información nutricional:

Kcal: 276,5
Proteínas: 33,4%
Hidratos de carbono: 15,0%
Lípidos:51,6%

Ingredientes

150 g dourada
20 g cabaciño
25 g berenxena
25 g cebola
25 g salsa tomate
20 g pemento verde
20 g pemento vermello
10 g piñóns
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Limpar o peixe e filetealo. Preparar un pisto con todas as verduras cortadas en dados e o tomate, así como os piñóns torrados. A dourada márcase na prancha e colócase enriba do pisto. Decorar con perexil.

Vantaxes:
A dourada contén proteínas de alto valor biolóxico e niveis relativamente baixos de graxa, polo que o seu valor calórico é reducido. Destaca o seu contido en vitaminas do grupo B (niacina e cobalamina), A e E. Os minerais máis abundantes neste peixe son o potasio e o fósforo.
Os piñóns son ricos en calcio, magnesio e ferro, polo que son recomendables en persoas con osteoporose e descalcificación. Os seus ácidos graxos mono e poliinsaturados son moi adecuados para combater o colesterol e as enfermidades cardiovasculares.
A combinación de pemento verde e vermello, tomate, cebola, berenxena e cabaciño, aporta ó organismo importantes cantidades de vitaminas do grupo B, A e C; e minerais, tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte ós radicais libres que provocan o envellecemento celular.

Cardo refogado con xamón

Plato Primeiro prato

Información nutricional:

Kcal: 194,1
Proteínas: 11,1%
Hidratos de carbono: 11,0%
Lípidos: 77,8%

Ingredientes

150 g cardo
20 g xamón en taquiños
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Limpar o cardo de fíos e terra, e cortar ao ancho. Introducir en auga con limón e fariña (unha cullerada). Cocer ata que estea tenro e escorrer. Separadamente, refogar en aceite o allo picado e o xamón cortado en taquiños e engadir a hortaliza. Remover e servir quente.

Vantaxes:
A composición nutricional do cardo é similar á da alcachofa. Presenta un modesto contido en hidratos de carbono, dos cales a maior parte é inulina, un tipo de fibra soluble; e o seu aporte en proteínas e lípidos é pouco significativo. En relación aos minerais, o cardo contén maior cantidade de calcio e ferro que outras verduras. O cardo presenta propiedades coleréticas, hepatoprotectoras e diuréticas, entre outras, debido ao seu contido en cinarina e inulina, substancias que tamén se atopan na alcachofa.

Ragut de polo

Plato Segundo prato

Información nutricional:

Kcal: 478,1
Proteínas: 39%
Hidratos de carbono: 25,5%
Lípidos: 35,5%

Ingredientes

125 g peituga polo
1/2 vaso (125 mL) caldo polo
85 g puré pataca
50 mL viño branco
40 g salsa tomate
25 g cebola
25 g cenoria
20 g pemento vermello
20 g chícharos
15 g champiñóns laminados
1 dente (5g) allo
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 30 a 40 minutos

Cortar a peituga en anacos non moi grandes, salgar e dourar nunha tixola nun pouco de aceite moi quente. Pasar a unha pota. Nesa tixola dourar as verduras picadas en dados non moi pequenos. Engadir pementón doce e viño á carne e deixar reducir. Engadir as verduras e o tomate. Mollar co caldo e cocer ata que a carne estea tenra. Acompañar de puré de patacas champiñóns laminados e chícharos cocidos engadidos ao final da cocción.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Pemento do piquillo reenchido de bacallau

Plato Primeiro prato

Información nutricional:

Kcal: 363
Proteínas: 48,9%
Hidratos de carbono: 21,3%
Lípidos: 29,9%

Ingredientes

60 g pemento piquillo
20 g bacallau
1/2 vaso (100mL) leite desnatado
12 g fariña
25 g salsa tomate
10 g cebola
1 cullerada sopeira (10mL) aceite oliva
pementa branca
noz moscada
sal ao gusto

Instruccións

Tempo preparación: De 30 a 40 minutos

Preparar unha bechamel; quentar o aceite nun cazo e engadir a fariña. Remover con variña e engadir o leite quente. Continuar removendo ata que ferva e espese. Engadir sal, pementa e noz moscada ao gusto. Picar o bacallau previamente desalgado e cortado en anacos pequenos e engadilos á bechamel e remover. Con axuda dunha culler ou manga pasteleira reencher os pementos. Quentar no forno sobre unha salsa de tomate.

Vantaxes:
Os hidratos de carbono son o compoñente maioritario dos pementos. Tamén teñen un elevado contido en auga e o seu contido en lípidos é moi escaso, isto fai que o seu valor calórico sexa baixo. É un dos alimentos máis ricos en vitamina C, incluso proporciona o dobre desta vitamina que a laranxa. Pero tamén é rico en carotenos, como o beta-caroteno ou provitamina A. Ademais, como as verduras en xeral, os pementos son ricos en fibra. E en canto ós minerais, contén, principalmente, fósforo, potasio, magnesio e calcio.

Salmón ás finas herbas

Plato Segundo prato

Información nutricional:

Kcal: 468,6
Proteínas: 35,5%
Hidratos de carbono: 24%
Lípidos: 40,5%

Ingredientes

150 g salmón
1 (100g) pataca
1/2 vaso (100mL) caldo pescado
60 g cebola
5 g fariña
1 cullerada (5mL) aceite oliva
perexil
estragón
ceboliño
sal ao gusto

Instruccións

Tempo preparación: De 20 a 30 minutos

Limpar o peixe e cortar en lombos. Sazonar con sal e marcar lixeiramente na prancha. Facer a salsa velouté: refogar a fariña no aceite sen que se torre e engadir o caldo de peixe quente. Salgar, debe quedar como unha bechamel lixeira. Engadir as herbas picadas finamente. Cocer pataca en rebandas a parte, e colocar o salmón sobre a pataca e cubrir coa salsa .

Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. A súa riqueza en graxa fai que o salmón conteña cantidades interesantes dalgunhas vitaminas como A e D, ademais de ser fonte de magnesio e iodo.

Inconvenientes:
Ó igual que os demais peixes azuis o salmón presenta o inconveniente de conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.

Noticias

Archivos