Acelgas con gambas á crema

15 Xullo, 2015

Acelgas con gambas á crema

Plato

Primeiro prato

Información nutricional:

Kcal: 199,1
Proteínas: 37,5%
Hidratos de carbono: 32,8%
Lípidos: 29,7%

Ingredientes

150 g acelgas
50 g gambas
1/2 vaso (100mL) leite desnatado
5 g fariña
1 cullerada (5mL) aceite oliva
pementa branca
noz moscada
sal ao gusto

Instruccións

Tempo preparación: De 20 a 30 minutos

Preparar unha salsa bechamel con aceite, fariña e leite quente. Separadamente, refogar as gambas nun pouco de aceite, engadirlle as acelgas cocidas e quentar todo xunto. Engadir a bechamel e mesturar todo.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Bertorella en salsa verde

Plato Segundo prato

Información nutricional:

Kcal: 467,9
Proteínas: 47,2%
Hidratos de carbono: 29,1%
Lípidos: 23,7%

Ingredientes

150 g bertorella
1 (100g) pataca
1/2 vaso (100mL) caldo pescado
30 g cebola
20 g chícharos
10 g espárrago
5 g fariña
1 dente (5g) allo
1 cullerada (5mL) aceite oliva
perexil
sal ao gusto

Instruccións

Tempo preparación: De 30 a 40 minutos

Preparar unha salsa verde: refogar en aceite o allo e cebola picados sen que tome cor. Engadir un pouco de fariña e caldo de peixe. Deixar cocer 10 min. e engadir perexil picado. Cocer a bertorella ao vapor e cubrir coa salsa. Acompañar dunhas patacas redondas cocidas, chícharos e espárrago.

Vantaxes:
A brótola ou bertorella, nome polo que se coñece comercialmente a esta especie, é un peixe branco, aínda que dependendo da época e do seu tamaño tamén se lle pode considerar peixe semigraxo. Os peixes brancos son baixos en graxas; ricos en proteínas de alto valor biolóxico e posúen diferentes vitaminas e minerais. Destacan polo seu contido en vitaminas do grupo B (B1, B2, B3, B9, B12). En relación aos minerais, os peixes brancos posúen potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Potaxe de garavanzos con fideos

Plato Primeiro prato

Información nutricional:

Kcal: 505,8
Proteínas: 10,3%
Hidratos de carbono: 28,6%
Lípidos: 61,1%

Ingredientes

40 g garavanzos
40 g touciño porco desalgado
30 g fideo groso perla
20 g pataca
20 g cebola
1 dente (5g) allo
1 cullerada sopeira (10mL) aceite oliva
loureiro
pementón doce
sal ao gusto

Instruccións

Tempo preparación: De 40 a 50 minutos

Poñer auga a ferver e introducir os garavanzos (previamente remollados 12h.). Engadirlle a carne cortada en dados e desalgada. Cando os garavanzos e a carne comecen a estar cocidos, engadir as patacas rotas e os fideos. Deixar cocer 10 minutos máis. Mentres se prepara un rustrido en aceite con allo e cebola picados, pementón doce e engádeselle ao potaxe case ao final. Comprobar de sal.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior que no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Lombo de porco refogado con verduras

Plato Segundo prato

Información nutricional:

Kcal: 462,8
Proteínas: 39,1%
Hidratos de carbono: 18,8%
Lípidos: 42,1%

Ingredientes

150 g lombo porco
50 g puré pataca
50 mL caldo carne
50 g feixón verde
40 g pemento vermello
40 g cenoria
40 g cebola
1 dente (5g) allo
1 cullerada (5mL) brandy
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Cortar o lombo de porco en anacos cadrados de 20 gr. aprox. e deixar en adubo con allo e aceite unhas horas. Cortar tamén en dados a cebola, a cenoria e o pemento vermello. Nunha tixola a lume forte dourar o lombo exteriormente e reservar. Nesa mesma tixola refogar as verduras. Cando estean tenras engadir o lombo dourado, o brandy e os feixóns verdes cocidos cortados en dados e un pouco de caldo. Acompañar dun pouco puré de pataca.

Vantaxes:
La carne de cerdo contiene todas las sustancias minerales esenciales para el organismo (excepto calcio). Destaca el su aporte de hierro hemo, facilmente absorbible. La carne de cerdo no aporta vitaminas liposolubles, fuera de las vísceras como el hígado, rico en vitamina A y D. Sí contiene vitaminas del complejo B, excepto el ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Repolo refogado con chourizo

Plato Primeiro prato

Información nutricional:

Kcal: 220,7
Proteínas: 19,0%
Hidratos de carbono: 27,0%
Lípidos: 53,9%

Ingredientes

125 g repolo
50 g pataca
25 g chourizo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Poñer a quentar nunha pota auga abundante con sal e cando comece a ferver introducir o repolo limpo cortado en anacos non moi pequenos. A pataca é mellor cocela a parte para que non se rompa ao ir en rebandas. Mentres, preparar un rustrido co aceite e o chourizo en rebandas finas. Cando todo estea cocido, escorrer o auga e servir as patacas debaixo do repolo e o rustrido enriba.

Vantaxes:
O repolo destaca pola elevada presenza de auga na súa composición. Este alimento aporta ó organismo potasio, magnesio, calcio e vitaminas. Contén boas cantidades de fibra e hidratos de carbono, fundamentais para a recuperación de enerxía e resistencia físicas. Ademais, o repolo presenta betacaroteno ou provitamina A, vitamina C, E, niacina e folatos. A transformación do betacaroteno en vitamina A axuda á visión, ó bo estado das mucosas, cabelo, pel, ósos e ó bo funcionamento do sistema inmunolóxico.

Inconvenientes:
Aínda que presenta proteínas de gran valor biolóxico, debemos moderar o consumo de chourizo debido ó seu alto contido enerxético e graxo.

Noticias

Archivos