Lentellas estufadas con verduras

15 Xullo, 2015

Lentellas estufadas con verduras

Plato

Primeiro prato

Información nutricional:

Kcal: 239,8
Proteínas: 21,3%
Hidratos de carbono: 58,4%
Lípidos: 20,3%

Ingredientes

50 g lentellas
1 vaso (200mL) auga
25 g cebola
25 g cabaciño
25 g cenoria
15 g arroz
1 dente (3g) allo
1 cullerada (8mL) aceite oliva
comiño
pementón doce
sal ao gusto

Instruccións

Tempo preparación: De 30 a 40 minutos

Introducir en auga fría as lentellas, a cebola e a cenoria e cocer lentamente. Engadir á media hora de cocción o cabaciño en dados e o arroz e continuar a lume lento ata que estea todo cocido. Dar o punto de sal e engadir un rustrido de allo en aceite con pementón e cominos.

Vantaxes:
As lentellas son fonte natural de proteínas. A riqueza proteica e de ácidos nucleicos favorece a loita fronte ó envellecemento celular. As lentellas posúen un alto contido en hidratos de carbono, pero as legumes teñen a capacidade de controlar a glucosa que se incorpora no sangue. Ademais, as lentellas conteñen unha alta porcentaxe de potasio, que favorece a eliminación de líquidos do organismo. Son ricas en vitaminas do grupo B, ácido fólico e ferro.

Inconvenientes:
O ferro de orixe vexetal é de máis difícil absorción que o ferro de orixe animal.

Polo á caseira con alcachofas

Plato Segundo prato

Información nutricional:

Kcal: 753,7
Proteínas: 40,9%
Hidratos de carbono: 15,1%
Lípidos:44,0%

Ingredientes

150 g zancos polo
1 vaso (200 mL) caldo polo
1/2 vaso (100mL) viño branco
110 g champiñóns enteiros
50 g salsa tomate
50 g alcachofas
50 g chícharos
40 g cebola
20 g xamón serrano
1 cullerada sopeira (10mL) aceite oliva
loureiro
sal ao gusto

Instruccións

Tempo preparación: De 30 a 40 minutos

Salpementar e dourar os xamonciños na tixola para que se douren. Preparar a salsa a parte refogando en aceite, loureiro, a cebola picada co xamón e o tomate. Verter sobre o polo e engadir o viño branco deixando reducir un pouco o alcol. Cubrir de auga ou caldo de polo. Cando estea tenro, engadir os champiñóns, chícharos cocidos. Servir acompañado das alcachofas e cubrindo coa salsa.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo. O potasio e a fibra son dous dos nutrientes máis abundantes nas alcachofas. Tamén destaca polo seu alto contido en magnesio, fósforo e calcio. Na súa composición atopamos a cinarina, que ten efecto colerético, é dicir, que estimula a función do fígado e facilita a dixestión de graxas. Posúe, tamén, esteroles, que teñen capacidade para limitar a absorción do colesterol no intestino.

Pescada en salsa de piperada

Plato Segundo prato

Información nutricional:

Kcal: 311,7
Proteínas: 37,1%
Hidratos de carbono: 41,9%
Lípidos: 21,0%

Ingredientes

150 g lombo pescada
1 (100g) pataca
1/2 vaso (100mL) caldo pescado
30 g cebola
30 g pemento amarelo
30 g pemento vermello
30 g pemento verde
25 g salsa tomate
5 g fariña
1 dente (5g) allo
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Preparar unha salsa refogando en aceite o allo, a cebola e os pementos, cortado todo en dados. Engadir un pouco de fariña e a continuación a salsa de tomate e o caldo de peixe quente e perexil picado, deixando cocer uns minutos. Separadamente, o lombo de pescada márcase na prancha e colócase nunha fonte de forno, cóbrese con salsa e fornea 10 min. a 180ºC. Acompañar dunhas patacas cocidas a parte.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12), pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Coello con verduras

Plato Segundo prato

Información nutricional:

Kcal: 726,7
Proteínas: 34,4%
Hidratos de carbono: 18,5%
Lípidos: 47,1%

Ingredientes

150 g coello
1 (100g) pataca
1 vaso (200mL) caldo polo
80 mL viño branco
50 g cenoria
50 g salsa tomate
25 g cebola
25 g chícharos
3 culleradas (15mL) aceite oliva
perexil
pementa
sal ao gusto

Instruccións

Tempo preparación: De 30 a 40 minutos

Cortar o coello en anacos, salpementar, rustrir para dourar e reservar. Nunha cacerola refogar en aceite a cebola, o allo e a cenonria (todo en dados). Engadirlle o coello e o viño branco deixando reducir o alcol uns instantes. Engadir a salsa de tomate e cubrir con caldo. Deixar cocer suavemente ata que estea tenro, a metade de cocción engadirlle os chícharos crus e as patacas en dados previamente fritidas.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Lombo de porco con piña

Plato Segundo prato

Información nutricional:

Kcal: 649,7
Proteínas: 33,3%
Hidratos de carbono: 30,1%
Lípidos: 36,6%

Ingredientes

150 g agulla porco
1 (100g) pataca
1/2 vaso (100 mL) zumo piña
1 vaso (200mL) caldo carne
50 g piña
50 mL viño branco
10 g cenoria
10 g cebola
10 g porro
5 g maicena
1 cullerada (5mL) aceite oliva
sal ao gusto

Instruccións

Tempo preparación: De 30 a 40 minutos

Colocar a agulla de porco nunha placa de forno e acompañar dunha bresa de hortalizas (cenoria, cebola, porro). Introducir no forno e asar ata que estea tenro dando a volta a metade de cocción e engadindo viño branco e zume de piña. Retirar do forno e coar a salsa por un chinés engadindo caldo de carne. Ferver e espesar con maicena se fose necesario. Acompañar de puré de pataca e unha rebanda de piña á prancha. Cubrir coa salsa.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Noticias

Archivos