Cazola de garavanzos ao pobre

15 Xullo, 2015

Cazola de garavanzos ao pobre

Plato

Primeiro prato

Información nutricional:

Kcal: 504,9
Proteínas: 13,2%
Hidratos de carbono: 45,2%
Lípidos: 41,6%

Ingredientes

70 g garavanzos
15 g touciño
50 g óso espiñazo
80 g pataca
40 g cebola
1 dente (5g) allo
1 cullerada sopeira (10mL) aceite oliva
loureiro
pementón doce
sal ao gusto

Instruccións

Tempo preparación: De 30 a 40 minutos

Poñer auga a ferver e introducir os garavanzos (previamente remollados 12h). Engadirlle o touciño e o óso. Cando os garavanzos e a carne comecen a estar cocidos, engadir as patacas rotas. Deixar cocer 10-12 minutos máis. Mentres, se prepara un rustrido en aceite con allo e cebola picados, pementón doce e engádeselle ao potaxe case ao final. Comprobar de sal.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Chipiróns na súa tinta

Plato Segundo prato

Información nutricional:

Kcal: 435,4
Proteínas: 38,9%
Hidratos de carbono: 30,2%
Lípidos: 30,9%

Ingredientes

125 g chipirón
1/2 vaso (100mL) caldo pescado
50 g arroz
50 mL viño branco
50 g cebola
25 g salsa tomate
10 g fariña
1 dente (5g) allo
1 cullerada sopeira (10mL) aceite oliva
tinta lura
caiena
pementón doce
sal ao gusto

Instruccións

Tempo preparación: De 20 a 30 minutos

Limpar os chipiróns, salgar, pasar por fariña e fritir lixeiramente e reservar. Nunha cazola refogar o allo, a cebola e caiena en aceite sen que tomen cor. Engadir o pementón, o tomate e o viño. Engadir os chipiróns e o sobre de tinta. Cubrir co caldo de peixe e deixar cocer 30 min. aprx. Acompañar de arroz branco ao forno.

Vantaxes:
O aporte enerxético do chipirón é baixo e non presenta cantidades significativas de hidratos de carbono. Posúe proteínas de alto valor biolóxico e é rica en minerais como o fósforo e sodio, este último non beneficia ás persoas con hipertensión arterial. Tamén posúe vitaminas como a B3, a B12, vitamina A e D, pero todas en cantidades baixas. O chipirón non é apropiado para persoas que teñan o colesterol elevado, xa que este alimento posúe cantidades altas desta substancia; tampouco se recomenda en persoas con hipertensión arterial.

Espinacas con champiñóns e xamón á crema

Plato Primeiro prato

Información nutricional:

Kcal: 232,3
Proteínas: 26%
Hidratos de carbono: 21,1%
Lípidos: 52,9%

Ingredientes

150 g espinacas
1/2 vaso (100mL) leite desnatado
20 g xamón serrano
25 g champiñóns laminados
6 g fariña
1 cullerada (6mL) aceite oliva
noz moscada
pementa branca
sal ao gusto

Instruccións

Tempo preparación: De 20 a 30 minutos

Cocer as espinacas en auga abundante, refrescar e escorrer. Separadamente, preparar unha bechamel; quentar o aceite nun cazo e engadir a fariña. Remover con variña e engadir o leite quente. Remover ata que ferva e espese. Engadir sal, pementa e noz moscada ao gusto. Agregar os taquiños de xamón e os champiñóns deixando cocer todo xunto uns minutos máis.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese mais facilmente que o presente nos vexetais. Por tanto, para un bo aporte de ferro é necesario o consumo de alimentos de orixe animal.

Peituga de pavo á pementa verde

Plato Segundo prato

Información nutricional:

Kcal: 440,1
Proteínas:40,6%
Hidratos de carbono: 16,1%
Lípidos: 48,3%

Ingredientes

150 g peituga pavo
75 mL caldo carne
50 g arroz
25 mL nata
1 dente (5g) allo
1 cullerada sopeira (10mL) aceite oliva
pementa branca
pementa verde en gran
sal ao gusto

Instruccións

Tempo preparación: De 20 a 30 minutos

Salpementar a peituga, cortar en escalopíns de 75gr aprox. Marcar na pranca e reservar. Dourar o allo en aceite engadir a nata e despois o caldo de carne. Dar o punto de pementa branca e sal. Cubrir a peituga coa salsa e deixar cocer 15 minutos, espallar uns grans de pementa verde por riba. Acompañar de arroz branco ao forno.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. Ademais presenta menor contido en graxas saturadas e menor valor calórico.

Xarrete de tenreira guisado

Plato Segundo prato

Información nutricional:

Kcal: 741,9
Proteínas: 30,1%
Hidratos de carbono: 20,7%
Lípidos: 49,2%

Ingredientes

150 g xarrete tenreria
1 (120g) pataca
1/2 vaso (150 mL) caldo carne
60 mL viño branco
40 g cebola
20 g pemento vermello
20 g salsa tomate
1 dente (5g) allo
6 g fariña
1 cullerada sopeira (10mL) aceite oliva
pementa
colorante alimentario
perexil
loureiro
sal ao gusto

Instruccións

Tempo preparación: Más de 1 hora minutos

Dourar o xarrete nunha tixola con aceite e retirar. Refogar nese aceite as verduras picadas, engadir a fariña removendo ben para evitar grumos. A continuación engadir o viño branco deixándoo reducir e para rematar o caldo de carne; levar a ebullición. Nun recipiente adecuado para forno mesturar o xarrete coa salsa e fornealo a 180 ºC durante unha hora aproximadamente. Nun recipiente a parte poñer as patacas con caldo de carne, salsa de tomate, mollo do xarrete, colorante alimentario e sal, levar primeiro a ebullición e despois asar no forno a 180 ºC durante 25 minutos.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Noticias

Archivos