Noticias

Noticias y actualidad del Grupo Cuevas

Archivos

Callos á galega

15 Xullo, 2015

Callos á galega

Callos á galega

Información nutricional:

Kcal: 661,5
Proteínas: 28,9%
Hidratos de carbono: 38,5%
Lípidos: 32,7%

Ingredientes

  • 100 g garavanzos
  • 75 g tenreira tripa
  • 50 g pata tenreira
  • 15 g orella porco
  • 15 g pata porco
  • 25 g cebola
  • 1 dente (5g) allo
  • 5 g fariña
  • 1 cullerada sopeira (10mL) aceite oliva
  • pementón doce
  • pementón picante
  • 1 comiños moídos
  • colorante alimentario
  • pementa branca
  • sal ao gusto

Instruccións

Tempo preparación: Más de 2 horas minutos

Remollar os garavanzos en auga morna con sal 12h. Cocelos en pota a presión sen que despellexen. Noutra cazola limpar as tripas e patas cortando todo en anacos non moi grandes. Cocer coa orella e a pata de porco lentamente (de 2 a 2 e 1/2 h). Xuntar cos garavanzos e engadirlle un rustrido de allo, cebola e pementón. Dar o toque de cominos e sal, así como de colorante.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior ca no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Bacallau en salsa verde

Bacallau en salsa verde

Bacallau en salsa verde

Información nutricional:

Kcal: 366,7
Proteínas: 62,4%
Hidratos de carbono: 32,5%
Lípidos: 5%

Ingredientes

  • 150 g bacallau
  • 1 (100g) pataca
  • 1/2 vaso (100mL) caldo pescado
  • 30 g cebola
  • 1 dente (5g) allo
  • 10 g espárrago branco
  • 20 g chícharos
  • 5 g fariña
  • perexil
  • sal ao gusto

Instruccións

Tempo preparación: De 30 a 40 minutos

Preparar unha salsa verde: refogar en aceite o allo e a cebola picados sen que tome cor. Engadir un pouco de fariña e caldo de peixe. Deixar cocer 10 min e engadir perexil picado. Cocer o bacallau 5 minutos ao vapor e logo introducir na salsa cocendo 5 minutos máis. Acompañar dunhas patacas redondas cocidas, chícharos e espárrago.

Vantaxes:
O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais. O bacallau salgado contén importantes cantidades de sodio, pero cando se pon a remollo esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.

Arroz á mariñeira

Arroz á mariñeira

Arroz á mariñeira

Información nutricional:

Kcal: 375,2
Proteínas: 39,6%
Hidratos de carbono: 27%
Lípidos: 33,4%

Ingredientes

  • 70 g arroz
  • 1/2 vaso (100mL) caldo pescado
  • 40 g luras
  • 40 g gambas
  • 40 g mexillóns
  • 1 dente (4g) allo
  • 10 g cebola
  • 10 g pemento vermello
  • 10 g salsa tomate
  • 1 cullerada sopeira (10mL) aceite oliva
  • colorante alimentario

Instruccións

Tempo preparación: De 30 a 40 minutos

Nunha paelleira ou similar refogar en aceite o allo, a cebola, o pemento e a lura en tiras. Engadir o arroz e a continuación o tomate e o caldo coloreado. Cando comece a ferver, engadir as gambas e os mexillóns. Meter no forno 18 minutos a 180ºC e repousar 5min. servir no mesmo recipiente. Cubrir perexil picado.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Brócoli ao gratén

Brócoli ao gratén

Brócoli ao gratén

Información nutricional:

Kcal: 241,1
Proteínas: 24,2%
Hidratos de carbono: 22,4%
Lípidos: 53,3%

Ingredientes

  • 175 g brócoli
  • 20 g xamón serrano
  • 1/2 vaso (100mL) leite desnatado
  • 6 g fariña
  • 5 g queixo relado gratinar
  • 1 cullerada (6mL) aceite oliva
  • pementa branca
  • noz moscada
  • sal ao gusto

Instruccións

Tempo preparación: De 30 a 40 minutos

Cocer o brócoli ao vapor sen pasar en exceso. Preparar un salsa bechamel: quentar o aceite e engadir a fariña removendo sen cesar. Engadir o leite quente e sen parar de remover. Dar o toque de pementa e noz moscada. Engadirlle uns tacos de xamón. Cubrir o brócili coa salsa. Gratinar con queixo.

Vantaxes:
O brócoli é un alimento con alto contido de antioxidantes e betacarotenos. Igualmente posúe un elevado aporte de vitaminas A, B2 e C, con propiedades diuréticas e depuradoras do sangue. Este vexetal está composto, ademais, por unha elevada cantidade de auga (80-90%). Aporta gran cantidade de fibra dietética e ácido fólico. Con respecto ós minerais, subministra cantidades significativas de potasio, fósforo, ferro e calcio, o que lle confiren importantes propiedades antianémicas.

Ragut de tenreira ao viño tinto

Ragut de tenreira ao viño tinto

Ragut de tenreira ao viño tinto

Información nutricional:

Kcal: 650
Proteínas: 33,3%
Hidratos de carbono: 22,7%
Lípidos: 44,0%

Ingredientes

  • 120 g tenreira guisar
  • 1 (100g) pataca
  • 1 vaso (200mL) caldo carne
  • 60 mL viño tinto
  • 50 g salsa tomate
  • 30 g cebola
  • 30 g cenoria
  • 25 g pemento vermello
  • 25 g chícharos
  • 20 g porro
  • 20 g champiñóns laminados
  • 1 dente (5g) allo
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 30 a 40 minutos

Cortar a carne en anacos non moi grandes, salgar e dourar nunha tixola nun pouco de aceite moi quente. Pasar a unha pota. Nesa tixola dourar as verduras picadas en dados non moi pequenos. Engadir viño á carne e deixar reducir. Engadir as verduras e o tomate. Mollar co caldo e cocer ata que a carne estea tenra. As patacas córtanse en dados e frítense lixeiramente para engadir ao final á carne. Agregar champiñóns laminados e chícharos ao final da cocción.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.