Noticias

Noticias y actualidad del Grupo Cuevas

Archivos

Torrada de brandada de bacallau

15 Xullo, 2015

Torrada de brandada de bacallau

Torrada de brandada de bacallau

Información nutricional:

Kcal: 267,2
Proteínas: 35,2%
Hidratos de carbono: 45,8%
Lípidos: 19%

Ingredientes

  • 75 g bacallau en migas
  • 1 (100g) pataca
  • 25 g porro
  • 20 g pan de molde
  • 1 cullerada (5mL) aceite oliva
  • perexil
  • sal ao gusto

Instruccións

Tempo preparación: De 20 a 30 minutos

Desalgar as migas de bacallau polo menos 24h. Cocer as patacas en anacos coma se fosen para puré. No aceite de oliva refogar o branco do porro sen que tome cor, engadir o bacallau e as patacas cocidas. Triturar en turmix. Torrar a rebanda de pan e estender a brandada. Decorar con perexil ou ceboliño picado.

Vantaxes:
O bacallau é un peixe branco, polo que posúe un baixo contido graxo. É rico en proteínas de alto valor biolóxico e ademais posúe gran variedade de vitaminas e minerais. O bacallau salgado contén importantes cantidades de sodio, pero cando se pon a remollo esta cantidade diminúe considerablemente, polo tanto, as persoas que padezan hipertensión ou con problemas de retención de líquidos poden consumilo perfectamente, sempre que o proceso de desalgado sexa adecuado.

Escalopíns de tenreira á cervexa

Escalopíns de tenreira á cervexa

Escalopíns de tenreira á cervexa

Información nutricional:

Kcal: 570,9
Proteínas: 33,7%
Hidratos de carbono: 20,2%
Lípidos: 46,2%

Ingredientes

  • 150 g tenreira tapa
  • 1/3 vaso (75 mL) caldo carne
  • 10 g fariña
  • 1/2 vaso (100 mL) cervexa
  • 1/3 (50 g) cebola
  • 50 g arroz
  • 1 cullerada (5mL) aceite oliva
  • pementa branca
  • sal ao gusto

Instruccións

Tempo preparación: De 20 a 30 minutos

Salgar os filetes, pasar por fariña e fritir lixeiramente. Nunha pota rustrir a cebola en aceite, engadir a cervexa e deixar reducir. Mollar con caldo de carne. Cubrir a carne coa salsa e poñer no forno 30 minutos a 175ºC. Acompañar de arroz ao forno.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta san e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Dourada en salsa mariñeira

Dourada en salsa mariñeira

Dourada en salsa mariñeira

Información nutricional:

Kcal: 387,2
Proteínas: 46%
Hidratos de carbono: 32,8%
Lípidos: 21,2%

Ingredientes

  • 150 g dourada
  • 1 (100g) pataca
  • 1/2 vaso (100mL) caldo pescado
  • 30 g cebola
  • 25 g salsa tomate
  • 20 g chícharos
  • 1 dente (5g) allo
  • 5 g fariña
  • 1 cullerada (5mL) aceite oliva
  • perexil
  • colorante alimentario

Instruccións

Tempo preparación: De 20 a 30 minutos

Preparar unha salsa mariñeira: refogar en aceite o allo e a cebola picados, engadir un pouco de fariña e caldo de peixe, lixeiramente coloreado, engadir a salsa de tomate e perexil picado deixando cocer uns minutos. Separadamente, marcar o lombo limpo de dourada na prancha e colocar nunha fonte de forno, cóbrese coa salsa e fornear 10 min. a 180ºC. Acompañar dunhas patacas cocidas e chícharos cocidos á parte tamén.

Vantaxes:
A dourada contén proteínas de alto valor biolóxico e niveis relativamente baixos de graxa, polo que o seu valor calórico é reducido. Destaca o seu contido en vitaminas do grupo B (niacina e cobalamina), A e E. Os minerais máis abundantes neste peixe son o potasio e o fósforo.

Rissoto de verduras

Rissoto de verduras

Rissoto de verduras

Información nutricional:

Kcal: 643
Proteínas: 26%
Hidratos de carbono: 20,7%
Lípidos: 53,3%

Ingredientes

  • 75 g arroz
  • 50 g cabaciño
  • 40 g cenoria
  • 25 g pemento vermello
  • 20 g cebola
  • 20 g chícharos
  • 1 dente (5g) allo
  • 1 vaso (175 mL) caldo polo
  • 25 mL nata
  • 5 g queixo relado
  • 1 cullerada sopeira (10mL) aceite oliva
  • sal ao gusto

Instruccións

Tempo preparación: De 40 a 50 minutos

Cortar as verduras en dados e refogar en aceite. Engadir o arroz e refogar un minuto. Mollar con caldo de polo quente en dobre volume que de arroz, pero ir engadindo en tres veces, removendo un pouco para que solte a fécula. Antes de retirar, poñer a nata, cubir co queixo e gratinar se é posible.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Pincho moruno

Pincho moruno

Pincho moruno

Información nutricional:

Kcal: 371,2
Proteínas: 36,7%
Hidratos de carbono: 24,5%
Lípidos: 38,8%

Ingredientes

  • 150 g carne de porco (agulla)
  • 1 (100g) pataca
  • 15 g pemento verde
  • 15 g cebola
  • 1 cullerada brandy
  • 1 dente (3g) allo
  • 1 cullerada (5mL) aceite oliva
  • perexil
  • ourego
  • pementa
  • pementón doce
  • sal ao gusto

Instruccións

Tempo preparación: De 20 a 30 minutos

Cortar a carne en dados grandes e deixar en adobo polo menos 24h co aceite, sal, pementón, ourego, allo picado e brandy. Inserir a carne na espetada intercalando con pemento verde e cebola. Facer na prancha por ambas caras. Acompañar de pataca dado.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que a carne de vaca ou de cordeiro, sendo o seu consumo pouco adecuado para nenos e persoas maiores. Tampouco é aconsellable para os hipertensos e para aqueles que padecen de exceso de colesterol. Polo seu elevado índice de graxa aconséllase un consumo prudente e medido xa que o abuso de proteínas de orixe animal e de graxas saturadas ten repercusións nocivas na saúde.