Xurelo á prancha con patacas e pementos

15 Xullo, 2015

Xurelo á prancha con patacas e pementos

Plato

Segundo prato

Información nutricional:

Kcal: 330,8
Proteínas: 31,0%
Hidratos de carbono: 28,0%
Lípidos: 741,0%

Ingredientes

150 g xurelo
1 (100g) pataca
10 g cebola
10 g pemento verde
10 g pemento vermello
15 g tomate
1 cullerada (5mL) aceite oliva
sal ao gusto
perexil
loureiro

Instruccións

Tempo preparación: De 20 a 30 minutos

Cocer as patacas en rebandas acompañadas dos pementos, cebola, tomate (cortado todo en xuliana), sal e loureiro. Limpar os xurelos e filetear. Marcar na prancha. Colocar enriba das patacas e verduras escorridas.

Vantaxes:
O xurelo clasifícase como peixe azul debido ó seu contido en lípidos. Na súa composición destacan minerais como ferro, iodo e magnesio, e vitamina D, que intervén na absorción e utilización de calcio e fósforo, e cobalamina, que participa na maduración dos glóbulos vermellos e favorece a absorción de ferro.
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e C. Estas substancias son beneficiosas para o organismo, xa que melloran as doenzas relacionadas cos riles ou cistite, ademais é aconsellable o seu consumo, debido á súa acción diurética e depuradora.

Acelgas con taquiños de xamón

Plato Primeiro prato

Información nutricional:

Kcal: 227,1
Proteínas: 12,7%
Hidratos de carbono: 17,1%
Lípidos: 70,2%

Ingredientes

200 g acelgas
20 g xamón serrano
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Limpar as acelgas e cortar ó ancho, incluíndo a penca. Cocer en auga abundante e escorrer. Á parte, refogar en aceite o xamón cortado en taquiños e engadir a acelga. Remover e servir quente.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Branqueta de ave con arroz

Plato Segundo prato

Información nutricional:

Kcal: 373,4
Proteínas: 45,5%
Hidratos de carbono: 17,2%
Lípidos: 37,3%

Ingredientes

150 g peituga polo
100 g arroz
40 g champiñóns enteiros lata
40 g cebola
50 mL leite desnatado
20 g chícharos
6 g fariña
1 cullerada (6mL) aceite oliva
perexil
pementa branca
sal ao gusto

Instruccións

Tempo preparación: De 20 a 30 minutos

Cocer a peituga de polo en auga. Escorrer e cortar en dado (de 25 g cada un aproximadamente). Para preparar a salsa (como unha brechamel), refogar no aceite a cebola picada sen que tome cor, engadir a fariña, posteriormente o leite quente e a misma cantidade de auga de cocer a peituga. Dar o punto de sal e pementa. Introducir as peitugas de novo na salsa e engadir os chícharos cocidos e os champiñóns. Acompañar de arroz branco ó forno.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B e tamén é rica en minerais. O compoñente maioritario do arroz é o amidón (70-80%). O arroz é un alimento positivo para a prevención e avance dalgunhas patoloxías, como a hipertensión e a hipercolesterolemia, debido ó seu baixo contido en sodio.

Inconvenientes:
No proceso de refinamento e pulido do arroz, pérdese ata o 50% do seu contido en minerais e o 85 % das vitaminas do grupo B, quedando convertido nun alimento sobre todo enerxético.

Crema Parmentier (porro e pataca)

Plato Primeiro prato

Información nutricional:

Kcal: 210,2
Proteínas: 11,3%
Hidratos de carbono: 45,3%
Lípidos: 43,4%

Ingredientes

1/2 vaso (100 mL) auga
1/2 vaso (100mL) leite desnatado
1 pequena (75g) pataca
50 g porro
1 cullerada sopeira (10mL) aceite oliva
sal ao gusto
ceboliño

Instruccións

Tempo preparación: De 20 a 30 minutos

Refogar en aceite o porro e a pataca en láminas sen que colla cor. Engadir o leite e a auga, deixando cocer 15 min. Triturar e pasar por coador chino. Dar punto de sal e cubrir con ceboliño.

Vantaxes:
Recoméndase o consumo de porro polo seu alto contido en sales minerais (potasio, fósforo e calcio). Ademais é aconsellable cando se padece de reuma e anemia, e é un gran axente depurativo para o sangue. O leite presenta numerosas vantaxes como o gran aporte en vitaminas A, C, e do grupo B, minerais como ferro, calcio, e proteínas.

Perca á bilbaína

Plato Segundo prato

Información nutricional:

Kcal: 217,5
Proteínas: 50%
Hidratos de carbono: 2,5%
Lípidos: 47,5%

Ingredientes

150 g filetes perca
1 dente (5g) allo
1 cullerada sopeira (10mL) aceite oliva
vinagre
perexil
caiena

Instruccións

Tempo preparación: De 15 a 20 minutos

Salgar e marcar os filetes de peixe na prancha. Dourar o allo fileteado en aceite, poñer caiena, engadir o vinagre e verquer sobre o peixe. Adornar de perexil e introducir no forno 10 min. Suxerencia: servir con ensalada de leituga, tomate e cebola.

Vantaxes:
A perca é un peixe branco, cun baixo contido lipídico; non presenta unha porcentaxe elevada de proteínas, pero as que contén son dun alto valor biolóxico. Ademais, contén vitaminas do grupo B e A, e minerais como potasio, fósforo, magnesio e ferro. Por outra parte, o allo presenta numerosas propiedades medicinais. Desde unha acción depurativa e tonificante do organismo a propiedades vitalizadoras. Tamén se lle atribúen propiedades antirreumáticas e antigotosas; ademais son expectorantes e anticatarrais.

Inconvenientes:
Inconvenientes do allo: mal sabor de boca que deixa o seu consumo, aínda que se pode contrarrestar mascando unha rama de apio ou perexil fresco, ou preparando unha enxaugadura bucal con auga morna e zume de limón.

Noticias

Archivos