Abadexo á vizcaína

15 Xullo, 2015

Abadexo á vizcaína

Plato

Segundo prato

Información nutricional:

Kcal: 354,2
Proteínas: 34,1%
Hidratos de carbono: 37,3%
Lípidos: 28,6%

Ingredientes

150 g abadexo
1 (100g) pataca
25 g pemento chouriceiro
25 g cebola
75 g tomate
15 g pan de molde
1 dente (5g) allo
1 cullerada sopeira (10mL) aceite oliva
pementón doce
sal ao gusto

Instruccións

Tempo preparación: De 20 a 30 minutos

Refogar a cebola e o allo en aceite, engadir o pemento chouriceiro previamente hidratado. Agregar o pementón doce e a continuacón o tomate. Engadirlle o pan de molde fritido. Deixar cocer 20 minutos. Triturar e pasar por chinés. Salgar os lombos e cubrir coa salsa. Metelos no forno sobre 15min. Acompañar dunha ou dúas patacas redondas cocidas.

Vantaxes:
O abadexo é un peixe branco cun baixo contido lipídico. É rico en vitaminas A, D e B12. Aporta proteínas de gran valor biolóxico e graxas insaturadas do tipo omega 3 que protexe ó corazón. Ademais contén cantidades moderadas de substancias antioxidantes, favorables fronte ó envellecemento celular.

Coello ao chilindrón

Plato Segundo prato

Información nutricional:

Kcal: 656,6
Proteínas: 32,5%
Hidratos de carbono: 18,1%
Lípidos: 49,4%

Ingredientes

150 g coello
1 (100g) pataca
50 g salsa tomate
50 g pemento vermello
75 mL caldo carne
25 g cebola
10 g xamón serrano
1 dente (5g) allo
3 culleradas (15mL) aceite oliva
pementa
perexil
sal ao gusto

Instruccións

Tempo preparación: De 30 a 40 minutos

Cortar en anacos o coello. Salpementar e fritir ata dourar. Á parte, nunha pota rustrir en aceite o allo, a cebola e o pemento en xuliana. Deixar pasar sen que tome cor. Engadir o xamón en dados, a salsa de tomate e o caldo. Incorporar o coello e deixar cocer ata que estea tenro. Cortar as patacas en dados grandes e dar un frito exterior e logo deixalas cocer na salsa do coello uns minutos.

Vantaxes:
Pola súa composición está recomendado en caso de seguir dietas baixas en graxa e colesterol e en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota. É magra e branda, polo que resulta fácil de mastigar. Contén proteínas de boa calidade en cantidades similares ó resto de carnes. En canto ós minerais, destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión. A carne de coello presenta vitaminas do grupo B, especialmente B3 (niacina) e B12 (cobalamina).

Inconvenientes:

Pescada en salsa verde

Plato Segundo prato

Información nutricional:

Kcal: 360,6
Proteínas: 48,7%
Hidratos de carbono: 33,1%
Lípidos: 18,2%

Ingredientes

150 g lombo pescada
1 (100g) pataca
1/2 vaso (100mL) caldo pescado
30 g cebola
20 g chícharos
10 g espárrago branco
5 g fariña
1 dente (5g) allo
1 cullerada (5mL) aceite oliva
perexil
sal ao gusto

Instruccións

Tempo preparación: De 20 a 30 minutos

Preparar a salsa verde: refogar en aceite o allo e a cebola picados sen que tomen cor. Engadir un pouco de fariña e caldo de peixe. Deixar cocer 10 min e engadir perexil picado. Cocer o lombo de pescada ó vapor e cubrir coa salsa. Acompañar dunhas patacas redondas cocidas, chícharos e espárrago.

Vantaxes:
A pescada é un peixe branco, é dicir, baixo en graxas; é rica en proteínas de alto valor biolóxico e posúe diferentes vitaminas e minerais. Destaca o seu contido en vitaminas do grupo B (B1, B2, B3, B9, B12), pero, a cantidade destas vitaminas presentes na pescada non é relevante se se compara coa que conteñen alimentos ricos nestes nutrientes (cereais integrais, legumes, verduras de folla verde, fígado e carnes en xeral). En relación ós minerais, a pescada posúe potasio, fósforo e magnesio, aínda que todos eles están presentes en cantidades medias se se comparan coas contidas na maior parte dos peixes.

Arroz con chícharos

Plato Primeiro prato

Información nutricional:

Kcal: 656,6
Proteínas: 32,5%
Hidratos de carbono: 18,1%
Lípidos: 49,4%

Ingredientes

80 g arroz
1/2 vaso (150 mL) caldo polo
5 g salsa tomate
50 g pemento vermello
40 g chícharos
1 dente (4g) allo
colorante alimentario
perexil
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Nunha paelleira refogar o allo, a cebola, o pemento en dados. Engadir o arroz e rustrir un minuto; agregar un pouco de tomate e a continuación o caldo quente e coloreado en dobre volume que de arroz, deixar que levante fervor e poñer os chícharos. Dar o punto de sal e fornear 18 min. Acompañar da salsa de tomate restante.

Vantaxes:
O arroz é rico en almidón, contén vitaminas do grupo B, fósforo e potasio. É un alimento positivo para a prevención e mellora de algunhas patoloxías como a hipertensión e a hipercolesterolemia, debido ao seu baixo contido en sodio. A súa excelente dixestibilidade, ligada a unha acción astrinxente (debida a carencia de fibra), fan do arroz un alimento indicado para recuperar a mucosa intestinal tras unha gastroenteritis.

Costeletas de porco en “piperada”

Costeletas de porco en "piperada"

Plato Segundo prato

Información nutricional:

Kcal: 603,3
Proteínas: 17,9%
Hidratos de carbono: 6,8%
Lípidos: 75,3%

Ingredientes

150 g costeleta porco
75 g tomate
150 g salsa tomate
25 g pemento vermello
25 g pemento verde
25 g cebola
25 mL caldo carne
1 dente (4g) allo
1 cullerada sopeira (10mL) aceite oliva
perexil
pementa
sal ao gusto

Instruccións

Tempo preparación: De 20 a 30 minutos

Cortar as costeletas e salpementar. Pasar por fariña e fritir ata dourar. Separadamente, preparar a salsa refogando en aceite o allo, a cebola e os pementos (todo en xuliana), e engadirlle a salsa de tomate. Verter sobre as costeletas ó caldo e fornear 15 minutos a 180ºC. Acompañar da mesma salsa.

Vantaxes:
A carne de porco contén todas as substancias minerais esenciais para o organismo, excepto o calcio. Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que a carne de vaca ou de cordeiro, sendo o seu consumo pouco adecuado para nenos e persoas maiores. Tampouco é aconsellable para os hipertensos e para aqueles que padecen de exceso de colesterol. Polo seu elevado índice de graxa aconséllase un consumo prudente e medido, xa que o abuso de proteínas de orixe animal e de graxas saturadas ten repercusións nocivas na saúde.

Noticias

Archivos