Sopa de millo con cabezas de pescada

15 Xullo, 2015

Sopa de millo con cabezas de pescada

Plato

Primeiro prato

Ingredientes

Racións: 1 persona

3 g Aceite de oliva
5 g Allo
50 g Cebola
0.5 g Loureiro
60 g Mazaroca de millo
30 g Pescada
0.5 g Pementa negra
0.5 g Sal

Instruccións

Débese usar o millo en mazaroca, non de lata. Nunha cazola, poñemos as cabezas de pescada xunto cunha cebola, cun allo, con loureiro e co sal e cando comece a ferver baixamos o lume e deixamos cocer, a lume lento, durante media hora. Retiramos o peixe e reservamos o seu centro limpo. Coamos o caldo e cocemos o millo cortado en anacos, cun ancho aproximado de dous dedos. Unha vez que estea o millo brando, servimos o caldo xunto co millo e a carne da pescada recuperada da cabeza.

O millo presenta un elevado contido en hidratos de carbono. É de doada dixestión. Ademais, produce saciedade polo que é moi axeitado para levar unha dieta de adelgazamento. Tamén destaca o seu contido en magnesio e en fibra que contribúe a reducir o colesterol. O millo é uns dos alimentos con maior contido en vitamina B1 necesaria para transformar os alimentos en enerxía. A pescada é unha importante fonte natural de ácidos graxos omega 3. Ademais, é moi axeitada para persoas con obesidade ou sobrepeso xa que o seu contido en graxas é moi baixo.

Sopa de mariscos

Plato Primeiro prato

Ingredientes

Racións: 1 persona

5 g Aceite de oliva
5 g Allo
8.600000381469727 g Ameixa
1 g Azafrán
50 g Cebola
49.349998474121094 g Cigala
0 g Espinas de pescado
3 g Fariña
1 g Loureiro
30 g Mexillón
16.5 g Nécora
1 g Pemento doce
1 g Sal
40 g Tomate

Instruccións

Dóuranse as espiñas de peixe nunha cazola cun chorro de aceite, unha vez douradas engádeselles a cebola pelada, o tomate e a auga co loureiro. Déixanse ferver durante 20 min. Unha vez fervido este caldo cóase, engádeselle ao marisco que xa contén o azafrán e déixase cocer uns 10 min a lume lento. Por último sálgase ao gusto. Mentres se deixa cocer, prepárase un rustrido coa cebola picada, co allo, co aceite, cunha culler de fariña e cun chisco de pemento que se engadirá ao caldo. Deixarase 5 min a lume alto.

A sopa de marisco é unha receita popular e moi coñecida. No seu caldo concéntranse multitude de vitaminas especialmente do complexo B, A e D. Minerais como o fósforo, o potasio, o calcio, o ferro, o magnesio e o iodo. As sopas son unha boa opción para calquera época do ano e resultan ademais moi doadas de dixerir. Nos meses fríos son un alimento moi reconfortante. O peixe e o marisco son unha das posibilidades máis lixeiras e nutritivas de preparar unha sopa. Proporciona proteínas de boa calidade e un contido en calorías baixo.

Tenreira asada

Plato Segundo prato

Ingredientes

Racións: 1 persona

10 g Aceite de oliva
200 g Agulla de tenreira
5 g Allo
30 g Cebola
150 g Pataca
25 g Pemento vermello
25 g Pemento verde
20 g Porro
1 g Sal
50 g Salsa de tomate
40 g Viño branco
30 g Cenoria

Instruccións

Cortamos as hortalizas en dados grandes e colocamos na placa de forno con aceite, dispoñemos a carne enriba, previamente aderezada con sal e pementa e introducimos no forno a 170 ºC, na metade de cocción regamos con viño branco e enfornamos aproximadamente unha hora. Faremos unhas patacas fervidas en caldo de carne, salsa de tomate e un pouco de colorante para obter a cor amarela.

Este prato reservábase para grandes celebracións en Galicia, festas ou vodas. Facíase con carne de tenreira, coa parte da agulla ou do xarrete. A carne de vacún maior presenta certa cantidade de graxa intramuscular o que fai que sexa moi zumarento. Esta graxa caracterízase polo seu elevado contido en ácidos graxos saturados que axudan a previr enfermidades cardiovasculares. Destaca pola súa riqueza en ferro hemo de doada absorción para combater anemias. En canto ao resto de minerais que contén preséntanse en cantidades moderadas como son o iodo, o manganeso, o cinc e o selenio.

Torta de Santiago

Plato Postre

Ingredientes

Racións: 1 persona

32 g Améndoa torrada
20 g Azucre
15 g Fariña
18 g Ovo
2 g Fermento
4 g Manteiga
0 g Rela de limón

Instruccións

Para facer a masa mesturamos o azucre e os ovos. Batemos enerxicamente ata conseguir unha textura esponxosa. Engadimos a fariña e a manteiga e batemos todo ben. Finalmente, agregamos as améndoas moídas e a casca dun limón relada. Botamos nun recipiente para enfornar a temperatura alta e cando colla cor retirámola. Se se desexa pódeselle esparexer azucre glass.

Como o seu propio nome indica, esta torta ten a súa orixe en Santiago de Compostela. O ingrediente principal desta torta é a améndoa moída. Hai constancia da súa existencia no século XVI e entón chamábase torta real. A característica cruz que a adorna na súa superficie é moi posterior. Na primeira metade do século XX, a compostelá Casa Mora comeza a adornala con esta cruz. A súa compoñente principal, a améndoa, é un froito seco moi recomendable debido ao seu gran contido en proteínas. Tamén é rico en graxas, a maior parte delas insaturadas que nos axudan a manter controlados os niveis de colesterol. Ten un alto valor enerxético polo que as persoas obesas ou aquelas que estean a seguir unha dieta de control de peso deben ter especial coidado.

Torta de queixo ao forno

Plato Postre

Ingredientes

Racións: 1 persona

9 g Azucre
10 g Fariña de trigo
15 g Ovo
1 g Fermento
1 g Manteiga
20 g Queixo de untar light
34 g Iogur

Instruccións

Mestúranse os ovos e o azucre e bátense ata conseguir que resulte do batido unha escuma superficial. Engádese a esta mestura a fariña co fermento, o queixo e os iogures. Vólvese pasar polo batedor antes de vertelo nun molde que, previamente, untamos con manteiga. Enfórnase a 175 ºC durante 40 min aproximadamente.

A torta de queixo é un das sobremesas máis comúns e máis antigas do mundo. A orixe desta torta sitúase en Grecia, no ano 776 a. de C., onde era parte da dieta dos deportistas dos primeiros xogos olímpicos. Posteriormente, elaboraríase con multitude de queixos diferentes en diferentes países como, por exemplo, en Italia que se elabora con requeixo. Tamén hai constancia de que a primeira torta de queixo elaborada con queixo fresco data dos anos vinte en Nova York.

Noticias

Archivos