Salpicón de polo escabechado

15 Xullo, 2015

Salpicón de polo escabechado

Plato

Primeiro prato

Ingredientes

Racións: 1 persona

40 g Cebola
1 g Loureiro
0.5 g Pementa negra
75 g Polo
0.5 g Romeu
10 g Vinagre
10 g Viño branco
30 g Cenoria

Instruccións

Nunha tixola, fritimos os dentes de allo, cando comecen a tomar cor metemos o polo despezado. Deixámolo dourar e retirámolo para metelo nunha pota acompañándoo dunha cenoria enteira pero planada, unha cebola de igual maneira, o loureiro, a pementa negra, o romeu e o viño branco mesturado con vinagre de viño. O polo debe quedar cuberto por completo. Déixase cociñar durante 15 min. Retírase do fogón e déixase macerar desta maneira, durante unha semana. Para preparar o prato, ponse un leito de leituga cortada en xuliana e sobre esta o polo cortado en tiras, ademais servimos a cebola e a cenoria cociñadas co polo e debidamente cortadas. Pódese aderezar co mesmo caldo de escabeche ou poñer unha salseira con algunha salsa diferente.

A carne de polo é unha boa fonte de proteínas. Considérase unha carne magra xa que o seu nivel de graxas non é moi elevado e esta atópase principalmente na pel. Contén vitaminas predominantemente do grupo B. A vitamina B3 transforma os alimentos en vitaminas. A vitamina B6 intervén na formación de glóbulos vermellos. Prevén a anemia grazas a cantidade de ferro e ácido fólico que posúe. É unha carne de doada dixestión e presenta unha baixa cantidade de colesterol.

Sardiñas en escabeche

Plato Primeiro prato

Ingredientes

Racións: 1 persona

10 g Aceite de oliva
5 g Allo
3 g Fariña
0.5 g Loureiro
0.5 g Pemento doce
90 g Sardiña
0.5 g Tomiño
10 g Vinagre

Instruccións

Rebozamos en fariña e fritimos as sardiñas, despois reservámolas nunha fonte de barro. Preparamos un refogado co aceite da fritura anterior (se o desexamos) para o que empregaremos allos, tomiño, loureiro, pemento e vinagre. Bañamos coa mestura as sardiñas da cazola e servimos a temperatura ambiente.

A carne da sardiña é escura, máis ben graxa e saborosa. A sardiña é o peixe que máis cantidade de vitamina A e D contén. Unha forma de preparación habitual é en escabeche ou enlatada. É fonte de calcio e fósforo e pódese presentar como prato principal ou entremés.

Sardiñas fritidas

Plato Primeiro prato

Ingredientes

Racións: 1 persona

5 g Aceite de oliva
90 g Sardiña

Instruccións

Fritir as sardiñas en aceite quente.

A sardiña é un peixe azul que podemos atopar ao longo de toda a costa española. A mellor época para a súa captura é entre xullo e novembro pero está dispoñible todo o ano. As sardiñas teñen un bo sabor e elevado rendemento alimenticio: conteñen o 21% de proteínas, o 4% de graxas e o 75% de auga, ademais de incluír vitaminas A, D, B, B2 e minerais moi diversos, como o sodio, o potasio, o calcio, o magnesio, o ferro, o fósforo e o xofre. Constitúe unha fonte natural de ácidos graxos omega 3 que contribúen a previr enfermidades cardiovasculares e accidentes cerebrovasculares.

Cogomelos ao viño

Plato Primeiro prato

Ingredientes

Racións: 1 persona

3 g Caldo de verdura
40 g Cebola
3 g Manteiga
1 g Perexil
0.20000000298023224 g Pementa negra
0.20000000298023224 g Sal
125 g Cogomelo
25 g Viño branco

Instruccións

Limpar os cogomelos e cortalos en tiras, non moi finas. Dóuranse lixeiramente nunha tixola coa manteiga. Engádeselles a cebola cortada en láminas moi finas, o viño, o caldiño e a pementa. Cocíñanse a lume medio uns 10 min. Corríxense de sal. Colócanse Nunha fonte prequentada e sérvense co perexil picado por encima.

Hoxe en día é moi habitual atopar cogomelos como prato principal ou como gornición na gastronomía. En tempos pasados non acontecía o mesmo posto que a poboación galega xunto coa grega e a inglesa temían mesmo tocalos. Os cogomelos teñen un baixo contido en calorías xa que conteñen grandes cantidades de auga polo que son adecuados para dietas de adelgazamento. Teñen unha alta porcentaxe proteica. Debido ao seu contido en celulosa, a súa dixestión faise un pouco pesada. Están desaconselladas para persoas que padecen gota e exceso de ácido úrico polo seu contido en purinas.

Sopa de ameixas

Plato Primeiro prato

Ingredientes

Racións: 1 persona

15 g Aceite de oliva
1.5 g Allo
21 g Ameixa
1 g Azafrán
150 g Cebola
15 g Fideo
1 g Loureiro
1 g Perexil
1 g Sal

Instruccións

Poñer ao lume unha pota con auga, sal, loureiro e ameixas. Unha vez cocidas, retirar a auga e lavar as ameixas para eliminar os restos de area. Ao mesmo tempo, facer un rustrido con aceite, cebola picada e allo, ao que lle engadimos perexil cando a cebola estea dourada. Poñer a ferver o litro da auga na que se coceron as ameixas, vertemos na auga o rustrido, as ameixas e un pouco de azafrán. Cando a auga empece a ferver engadir a pasta de fideos.

A protagonista desta sopa é a ameixa que presenta un baixo contido calorífico e de colesterol, o que a fai idónea para incluír en dietas de adelgazamento. As ameixas teñen un gran valor nutritivo e proporcionan proteínas de alto valor biolóxico. Teñen ferro e vitamina C, esta última facilita a absorción do ferro. A súa riqueza en selenio fai que sexan un bo antioxidante e protexan do envellecemento celular. Os fideos que acompañan ás ameixas teñen moita enerxía polo seu contido en hidratos de carbono.

Noticias

Archivos