Noticias

Noticias y actualidad del Grupo Cuevas

Archivos

Polbo á brasa

15 Xullo, 2015

Polbo á brasa

Polbo á brasa

Ingredientes

Racións: 1 persona

  • 10 g Aceite de oliva
  • 5 g Allo
  • 150 g Polbo
  • 4 g Sal

Instruccións

Cortar o polbo en dúas metades lonxitudinais (catro metades se é moi grande), condimentar con sal gordo e botámolo enriba das brasas xa preparadas. Bótaselle, unha vez listo, o aceite cos allos previamente dourados.

Esta sinxela forma de preparar o polbo fíxose moi habitual nos últimos anos en numerosos restaurantes. En Portugal esta receita coñécese como "polbo a mestre lagareiro", ou sexa, polbo ao estilo do bodegueiro xa que era un prato típico en época de vendima cando as cuadrillas se recollían e a cea tiña que ser potente con proteínas para poder traballar ao día seguinte.

Polbo estilo illa

Polbo estilo illa

Polbo estilo illa

Ingredientes

Racións: 1 persona

  • 9 g Aceite de oliva
  • 140 g Pataca
  • 1 g Pemento doce
  • 250 g Polbo
  • 0.5 g Sal

Instruccións

Botamos nunha cazola auga e, cando rompa a ferver, metemos o polbo. Engadímoslle as patacas toradas tras media hora de cocción. Cortamos o polbo cunhas tesoiras, salgámolo e presentámolo coas patacas cocidas e coa allada.

Como o seu propio nome indica, este xeito de preparar o polbo é típico das illas de Ons e de Arousa. Este prato consumíase con frecuencia polas persoas mariñeiras e a diferenza co famoso "polbo á feira" é que as patacas se cocen xunto co polbo. O polbo contén iodo que axuda a regular o funcionamento da hormona tiroidea e calcio, que axuda os ósos a ter rixidez e fortaleza e a regular o nivel de colesterol en sangue. O seu contido en colesterol é baixo. As patacas pola súa parte proporcionan enerxía polo seu contido en hidratos de carbono e vitamina C que a posúen en cantidade comparable coa que conteñen moitas froitas e hortalizas.

Torta de requeixo galega

Torta de requeixo galega

Torta de requeixo galega

Ingredientes

Racións: 1 persona

  • 10 g Azucre
  • 2 g Coñac
  • 30 g Fariña
  • 10 g Ovo
  • 15 g Leite desnatado
  • 2 g Fermento
  • 1 g Limón
  • 2 g Manteiga
  • 35 g Requeixo
  • 16 g Iogur

Instruccións

Batemos nun recipiente, enerxicamente, os ovos con azucre de maneira que consigamos que o volume inicial se multiplique por dous, momento no que engadiremos o iogur e o leite. Continuamos batendo a mestura durante un par de minutos. Engadimos no recipiente a fariña co fermento e a rela dun limón. Deseguido, botamos o requeixo e un chorriño de coñac que achegará á torta un sabor e un aroma característico. Volvemos bater a mestura, esta vez xa case completa, para evitar a creación de grumos que poidan afectar a aparencia e a textura do produto final. Vertemos nunha fonte, previamente untada con manteiga e cuberta de fariña, e enfornamos a unha temperatura de 190 ºC.

Esta é unha torta moi típica en Galicia. Tamén se chama torta de requeixo. Ten un suave sabor a queixo e agradable ao padal. O ingrediente principal da torta é o requeixo que se obtén ao callar o leite. É un alimento proteico moi completo, ideal para o crecemento polo seu alto contido en calcio e tamén para épocas de esforzo polo fósforo que contén. O requeixo é ben tolerado por toda clase de persoas xa que contén poucas graxas.

Queixo galego

Queixo galego

Queixo galego

Ingredientes

Racións: 1 persona

  • 25 g Pan
  • 60 g Queixo do país

Instruccións

Cortamos un anaco de queixo e servímolo cunha rebanda de pan.

A elaboración de produtos lácteos derivados ten unha longa tradición en Galicia, sobre todo nas provincias de Lugo e Coruña, xa que contan co gando vacún e cos pastos necesarios para a súa produción. O queixo galego do país contén calcio e fósforo que intervén na formación e no mantemento dos ósos e no desenvolvemento dos dentes, necesario para a formación e crecemento dos ósos, así como proteínas e materia graxa polo que a súa contribución de calorías é elevada.

Queixo de cóengo

Queixo de cóengo

Queixo de cóengo

Ingredientes

Racións: 1 persona

  • 30 g Améndoa torrada
  • 30 g Azucre
  • 0.5 g Canela

Instruccións

Cocemos azucre nun pouco de auga ata acaramelar, parcialmente, para conseguir un xarope non moi denso. Neste xarope, cocemos a améndoa moída e reducida a unha pasta. Damos, con axuda dun molde, forma á mestura. Esparexemos con canela e servimos.

Tamén se coñece en Galicia esta sobremesa como amendoado de cóengo. Ten, como o seu nome indica, de ingrediente principal a améndoa. O uso da améndoa en Galicia para a repostaría atribúese a conventos e mosteiros. Tamén a consumían as clases altas. As améndoas conteñen altos niveis de ácidos graxos insaturados, o máis importante é o ácido oleico que axuda a diminuír os niveis de colesterol "malo" mentres que aumentan o colesterol "bo". A súa cantidade de proteínas tamén é elevada. Destaca o contido en vitamina E que fai que a améndoa sexa un bo antioxidante de modo que pode xogar un papel importante na prevención de enfermidades coronarias e cancro. A améndoa, tamén, destaca polo seu contido en fibra, calcio, magnesio, potasio, cobre, fósforo e cinc.