Pombiños ao espeto

15 Xullo, 2015

Pombiños ao espeto

Plato

Segundo prato

Ingredientes

Racións: 1 persona

3 g Allo
80 g Castaña
10 g Manteiga
160 g Pombiño
0.5 g Sal

Instruccións

Úntanse os pombiños con manteiga e un dente de allo. Engádeselles sal e ásanse ao espeto. Como gornición, acompáñanse de castañas asadas ou cocidas.

A carne de pombiño está constituída maioritariamente por auga, proteínas e graxa. Se se trata dun exemplar novo ten unha maior cantidade de auga e menos graxa e proteínas. Apenas contén hidratos de carbono. Por outra banda, é rica en vitaminas do grupo B. Ademais, as castañas considéranse un bo acompañamento da carne de caza, como é neste caso o pombiño. As castañas conteñen moi poucas calorías e polo seu gran contido en hidratos de carbono son moi enerxéticas.

Pementos recheos de carne

Plato Primeiro prato

Ingredientes

Racións: 1 persona

15 g Aceite de oliva
5 g Allo
30 g Cebola
20 g Filete de porco magro
20 g Filete de tenreira
30 g Ovo
5 g Leite desnatado
0.20000000298023224 g Noz moscada
10 g Pan
10 g Pan relado
1 g Perexil
0.20000000298023224 g Pementa negra
150 g Pemento vermello
0.5 g Sal
40 g Tomate
10 g Viño branco
30 g Cenoria

Instruccións

Nunha tixola con aceite fritimos a cenoria, o tomate e a cebola. Unha vez que isto colla cor, agregamos o viño branco e o pan relado e deixamos cocer a lume suave. Mentres, limpamos os pementos, eliminando o rabo e as sementes, e cortámolos pola metade. Douramos o perexil co resto da cebola e botámoslle a carne picada, o sal, a noz moscada e a pementa. Utilizamos o miolo de pan bañado en ovo e leite para encher o fondo dos pementos. Despois, cortamos en círculo o resto do pemento para utilizalo de tapa uníndoo cun escarvadentes. Unha vez que estean fritidos os pementos, colocámolos nunha tarteira de barro e engadímoslles o caldo con viño branco que preparamos ao principio.

O pemento vermello presenta un baixo nivel de calorías pero contén unha gran cantidade de fibra e vitaminas C que ten función antioxidante e A que prevén enfermidades oculares. A carne que enche os pementos danlle ao prato proteínas, cun contido graxo e de calorías baixo, así como vitaminas do grupo B, destacando a B1, indispensable no funcionamento do sistema nervioso. Ademais contribúe no crecemento e no mantemento da pel. A carne tamén é unha boa fonte de ferro que axuda a previr a anemia.

Potaxe de coresma

Plato Primeiro prato

Ingredientes

Racións: 1 persona

5 g Allo
20 g Arroz
20 g Cebola
45 g Garavanzo
60 g Ovo
1 g Loureiro
25 g Pataca
1 g Pemento doce
40 g Repolo
20 g Tomate

Instruccións

Empezamos botando os garavanzos nunha cazola e deixámolos que cozan un anaco, pasados uns minutos engadimos o repolo cortado en anacos. Cando rompa a ferver, botamos unha folla de loureiro, os dentes de allo e a cebola enteira sen pel. Separamos a cebola e cando estea ben feita tallámola. Cocemos un ovo e, en canto arrefríe, separamos a clara da xema. Engadimos aos garavanzos e ao repolo, unha vez que estean a media cocción, un tomate maduro torado, o arroz, as patacas sen pel e cortadas en anacos e o sal. Coa cebola que tiñamos separada e tallada, fritimos nunha tixola xunto con pemento, uns dentes de allo en láminas, engadimos outra cebola máis e tamén lle engadimos uns cantos garavanzos da cocción. Despois botamos na tixola as xemas de ovo que foran separadas e un pouco de caldo da cocción. Engadimos todo á cazola, onde están os garavanzos e o repolo, deixamos un anaco máis e xa está lista a potaxe.

Como o seu nome indica, este prato consumíase na vixilia de Coresma. Non leva ningunha clase de carne e este feito facía que fose pouco apreciado polos galegos e galegas que valoraban todos os pratos que incluísen carne de porco. O feito de que se consumise potaxe en Coresma debíase a que o peixe escaseaba e non había demasiados menús que elixir.

Polo asado con mazás con patacas asadas

Plato Segundo prato

Ingredientes

Racións: 1 persona

10 g Aceite de oliva
3 g Allo
10 g Manteiga
90 g Mazá
90 g Pataca
2 g Perexil
110 g Polo
0.5 g Sal

Instruccións

Adóbase o polo co perexil, co allo e co sal machados no morteiro, cóbrese de manteiga e ponse a forno moderado coas mazás e coas patacas lixeiramente fritas en anacos grosos.

O polo é unhas das carnes máis consumidas a nivel mundial, tanto polas súas excelentes propiedades nutricionais coma pola súa textura e sabor suave. Pertencen ao grupo das aves de curral e ten a carne branca aínda que pode presentar unha cor amarelenta se se alimentou con millo. A súa versatilidade na cociña permite cociñalo de múltiples formas e acompañalo de case calquera gornición.

Porros gratinados

Plato Primeiro prato

Ingredientes

Racións: 1 persona

4 g Caldo de verdura
15 g Fariña
100 g Leite desnatado
10 g Manteiga
0.5 g Pementa negra
70 g Porro
15 g Queixo parmesano

Instruccións

Poñer os porros a cocer, unha vez cocidos facémolos anacos. Faise una bechamel refogando a manteiga coa fariña engadindo pouco a pouco o leite, sen esquecer o caldiño, ata conseguir unha crema uniforme. Engadir á bechamel o queixo relado parmesano e a pementa negra moída. Colocar nunha fonte refractaria os porros, a bechamel enriba e volver a poñer queixo relado por enriba. Meter ao forno para que se gratine. Esta receita serve tamén para outras verduras segundo gustos.

O cultivo do porro remóntase ao antigo Exipto. O porro ten un gran contido en auga e o seu contido en calorías é moi baixo polo que é idóneo para dietas de adelgazamento. Proporcionan gran cantidade de fibra. Teñen tamén propiedades hipotensoras, axeitado para persoas que sofren hipertensión arterial. Son bos para o tratamento de catarros e problemas bronquiais. Destaca a súa cantidade de vitamina C que cobre a metade da cantidade diaria recomendada. Grazas á súa cantidade de potasio evita a retención de líquidos.

Noticias

Archivos