Patacas á importancia

15 Xullo, 2015

Patacas á importancia

Plato

Primeiro prato

Ingredientes

Racións: 1 persona

15 g Aceite de oliva
5 g Allo
0.5 g Azafrán
50 g Cebola
30 g Ovo
150 g Pataca
2 g Perexil
0.5 g Pementa negra
0.5 g Sal

Instruccións

Pelamos e cortamos as patacas en toros algo anchos, seguidamente rebózanse en fariña e ovo para fritilas en aceite. Á parte, faise un rustrido coa cebola, o allo machucado e o perexil. Botamos o refrito sobre as patacas xa colocadas nunha cazola de barro e sazonamos con pementa e azafrán. Botamos auga ata cubrir as patacas e cócense a lume lento ata que queden tenras.

Esta é unha receita clásica onde as patacas deixan de ser unha recorrida gornición para se converter en prato principal. A pataca contén hidratos de carbono e proteínas de gran valor biolóxico cun contido en graxas e calorías moi baixo, pero nesta receita increméntanse polo rebozado. É rica en vitaminas B e C. Destaca o seu contido en potasio que xunto ao seu baixo contido en sodio as fai idóneas para persoas coa presión arterial elevada.

Pato ao estilo Ribadeo

Plato Segundo prato

Ingredientes

Racións: 1 persona

5 g Aceite de oliva
10 g Caldo de verdura
3 g Manteiga
50 g Nabo
5 g Laranxa
120 g Pato
0.5 g Pementa negra
0.5 g Sal
10 g Viño branco
10 g Vodka

Instruccións

Douramos o pato cortado con manteiga, despois poñémolo a cocer en caldo ata alcanzar a redución en forma de salsa e reservamos. Para a elaboración da salsa de laranxa, primeiro acaramelamos o azucre, despois engadimos o vodka e flambamos ata que alcance un ton alaranxado, momento no que engadimos o zume de laranxas amargas, previamente espremido, con algunha casca. Esparexemos o pato coa salsa de laranxa e servimos acompañado de nabos, tal como suxiren algúns autores.

Crese que esta receita é a que deu orixe ao que posteriormente foi o famoso pato á laranxa. Este prato preparábase nas casas burguesas da vila de Ribadeo, na fronteira entre Lugo e Asturias ata mediados do século XX. Facíase nesta vila xa que na ría de Ribadeo abundaban os patos e, nese val, había grandes plantacións de laranxeiras.

Patacas recheas

Plato Primeiro prato

Ingredientes

Racións: 1 persona

10 g Aceite de oliva
5 g Allo
40 g Cebola
30 g Filete de porco magro
10 g Fariña
4 g Limón
30 g Pan relado
160 g Pataca
1 g Perexil
0.5 g Sal
5 g Touciño
20 g Viño branco
30 g Xema de ovo

Instruccións

Mesturamos co pan relado un picado de carne, touciño e cebola. Engadimos á mestura a xema de ovo, sal, pementa, limón e perexil. Damos forma de bóla á mestura. As patacas córtanse en dúas metades e baléiranse coa axuda dunha culleriña, despois énchense e untamos a parte na que se vexa a carne con clara de ovo ben batida e pasámola pola fariña. Fritimos. Colocamos as patacas nunha cazola, colocadas de maneira que o recheo quede cara arriba. Fritimos uns allos e unha cebola. Cando comecen a tomar unha cor dourada botamos sobre estes a fariña diluída cun pouco de auga e viño branco. Deixamos que ferva e vertemos sobre as patacas. Sazonamos e déixanse cocer ata que estean tenras.

As patacas son unha das hortalizas que mellor se prestan para encher calquera tipo de alimento. Neste prato combínanse os hidratos de carbono en forma de amidón das patacas coas proteínas que contén a carne de porco picada. O ovo que se engade á carne picada, contribúe á cantidade de proteínas de elevado valor biolóxico xa que conteñen todos os aminoácidos esenciais. A xema de ovo tamén é unha excelente fonte de ferro idónea para previr anemias e, ademais, contén vitaminas do grupo B.

Patacas con queixo

Plato Primeiro prato

Ingredientes

Racións: 1 persona

10 g Aceite de oliva
5 g Fariña
54 g Ovo
5 g Pan relado
70 g Pataca
0.5 g Perexil
20 g Queixo do país
0.5 g Sal

Instruccións

Nunha tarteira mediana engadimos auga e sal. Unha vez que ferva a auga introducimos as patacas coa pel. Cando as patacas xa estean cocidas, pelámolas e realizámoslles un pequeno burato que, posteriormente, encheremos con pan relado, queixo e perexil. Por último, rebozámolas con ovo e fariña antes de fritilas.

A pataca introduciuse na península Ibérica na primeira metade do século XVI, traída desde América onde era o sustento dos indios. En Galicia, comezou a cultivarse masivamente no século XVII, substituíndo á castaña que ata entón era un alimento básico para a poboación galega.

Parrulo con puré de abelás e salsa de arandos

Plato Segundo prato

Ingredientes

Racións: 1 persona

2 g Allo
25 g Arando
20 g Abelá
10 g Cebola
5 g Limón
5 g Manteiga
25 g Nata
50 g Pataca
100 g Pato
0.5 g Perexil
0.5 g Pementa negra
0.5 g Sal

Instruccións

En primeiro lugar, preparar a salsa tras poñer a cocer, por unha parte, os arandos cun pouco de limón e, por outra, dourar a cebola picada cun pouco de manteiga. Mesturar todo o conxunto. Seguidamente, preparar o puré de abelás tras engadir as abelás finamente picadas a un puré de patacas preparado con manteiga e nata líquida. Finalmente, poñer á grella as peitugas de parrulo adobadas con allo e perexil ata que estean ben douradas por ambas as dúas partes. Presentar o prato dispoñendo os tres ingredientes un ao lado do outro sen mesturalos.

A carne de pato caracterízase polo seu elevado contido en graxas polo que a súa cantidade de calorías tamén é elevada. Debido a estas características non é moi axeitado para persoas obesas ou que seguen unha dieta de adelgazamento. Posúe gran cantidade de proteínas, ferro e fósforo. A carne de pato combina moi ben cos froitos secos, neste caso as abelás que teñen unha gran cantidade de graxas, ademais son unha boa fonte de magnesio, cobre e vitamina E. Os arandos son ricos en fibra e vitamina C. Tanto as abelás como os arandos son bos antioxidantes.

Noticias

Archivos