Paella de marisco

15 Xullo, 2015

Paella de marisco

Plato

Segundo prato

Ingredientes

Racións: 1 persona

10 g Aceite de oliva
15 g Agulla de tenreira
3 g Allo
65 g Arroz
35 g Berberecho
2 g Lura
5 g Cebola
50 g Cigala
5 g Gamba
10 g Chícharo
10 g Feixó
30 g Lombo de porco
45 g Mexillón
10 g Pemento vermello
60 g Polo
1 g Sal
15 g Tomate
20 g Viño branco

Instruccións

Sofritimos os ingredientes de xeito escalonado. Primeiro o pemento xunto co tomate, despois engadimos as carnes de tenreira e polo e seguidamente as luras. Finalmente, botamos os mexillóns e os berberechos previamente cocidos. Deixamos que se sofrita todo xunto 5 min máis. Engadimos ao rustrido o arroz xunto co sal e co colorante alimentario. Tras uns minutos, procedemos a bañar a mestura coa auga de cocción (preferiblemente usaremos aquela auga procedente de cocer os mexillóns e os berberechos). Unha vez que comece a ferver colocamos o marisco en forma de adorno enriba de todo o anteriormente dito. O prato estará listo tras 20 min a lume medio.

O protagonista principal deste prato é o arroz, boa fonte de carbohidratos e base ideal que combina perfectamente con outros alimentos. É moi doado de dixerir, xa que a diferenza doutros cereais carece dunha proteína chamada glute que ocasiona serios trastornos dixestivos nalgunhas persoas (enfermidade celíaca). Os mariscos que acompañan ao arroz proporcionan poucas graxas e estas presentan ácidos graxos omega 3 moi beneficiosos para a saúde cardiovascular. Tamén conteñen ferro, calcio e fósforo.

Pastel de castañas

Plato Postre

Ingredientes

Racións: 1 persona

39 g Azucre
0.5 g Canela
35 g Castaña
8 g Chocolate
5.5 g Clara de ovo
0 g Licor doce (Anís)
3 g Mel

Instruccións

Cocemos as castañas. Despois, coas castañas facemos un puré e engadímoslle o anís, o azucre, o mel e o chocolate relado. Cocemos a lume baixo. Vertemos o puré, unha vez temperado, sobre un molde de compota e dámoslle forma piramidal. Para rematar, botamos encima as claras de ovo batidas a punto de neve e esparexemos con azucre e canela.

As castañas foron parte da alimentación humana e dos animais domésticos desde tempos inmemoriais. Hoxe en día utilízanse para elaborar multitude de sobremesas. A castaña é o froito seco que menos contido graxo posúe. O seu constituínte principal son os hidratos de carbono, polo que son moi enerxéticas cando están secas, mentres que en fresco polo seu gran contido de auga, o seu valor calorífico é baixo. Destaca a presenza de potasio que favorece as persoas que sofren retención de líquidos e en ferro que axuda a previr a anemia. O seu alto contido en ácido fólico e antioxidantes convérteas nun alimento cardiosaudable.

Pastel de coliflor gratinada

Plato Primeiro prato

Ingredientes

Racións: 1 persona

100 g Coliflor
15 g Fariña
60 g Ovo
15 g Jamón de York
3 g Manteiga
15 g Nata
0.5 g Noz moscada
0.5 g Pementa negra
15 g Queixo emmental
0.5 g Sal

Instruccións

Limpar a coliflor, retíraselle a masa e ponse a cocer con auga e un pouco de sal durante 20 min. Derreter a manteiga nunha cazola, agregar a fariña e, despois, pouco a pouco, a nata sen deixar de remover. Engadir a noz moscada e a pementa. Bater os ovos e incorporalos á salsa xunto co xamón. Escorrer ben a coliflor, mesturala coa salsa e engadir o queixo cortado en anaquiños. Engraxar e forrar unha fonte redonda de forno e verter a mestura. Alisar a superficie e poñer no forno a 190 ºC, uns 40 min. Retirar do forno, deixar repousar un pouquiño e verter sobre unha fonte.

O coliflor contén moi poucas calorías e é unha boa fonte de fibra e vitamina C, beneficiosa para a vista, pel, oído e aparato respiratorio. En canto ao seu contido en minerais, destaca a presenza de potasio e fósforo. Por outro lado, o ovo que leva este pastel dános proteínas de moi alto valor biolóxico. O ovo é tamén unha fonte importante de minerais como o selenio, potasio, fósforo, iodo, cobre, manganeso, fluor e cinc. O queixo emmental que se engade proporciona unha elevada cantidade de proteínas necesarias para o desenvolvemento muscular. Tamén contén calcio, cinc e fósforo.

Patacas con pementos e ovo frito

Plato Primeiro prato

Ingredientes

Racións: 1 persona

15 g Aceite de oliva
54 g Ovo
100 g Pataca
120 g Pemento verde
0.5 g Sal

Instruccións

Vertemos as patacas, previamente cortadas en toros, nunha cazola con auga. Unha vez cocidas, fritimos os pementos e o ovo nunha tixola con aceite. Para finalizar, servimos no prato todo xunto.

O ovo é un dos alimentos que máis proteínas teñen. A xema do ovo contén vitamina B, minerais e fósforo. A acción antioxidante dalgunhas vitaminas e oligoelementos do ovo axudan a protexer o noso organismo de procesos dexenerativos diversos así como das enfermidades cardiovasculares. A pataca é unha boa fonte de enerxía. Ao ser consumida como alimento básico tamén contén unha proporción alta de folato, vitamina C, tiamina (B1), potasio e ferro. Á vez contribúe de xeito importante á inxestión de proteínas. O pemento proporciona unha boa fonte de fibra, ademais ten vitamina C que ten función antioxidante. Pola súa riqueza en potasio e escaseza de sodio, son adecuados para persoas hipertensas, e que padezan gota, xa que teñen acción diurética.

Patacas con chourizo

Plato Segundo prato

Ingredientes

Racións: 1 persona

9 g Aceite de oliva
100 g Cebola
69 g Chourizo
120 g Pataca
1 g Sal

Instruccións

Nunha cazola douramos a cebola picada e, cando estean transparentes, botamos as patacas sen pel e picadas en anacos pequenos, o chourizo cortado en toros e a auga. Agregamos o sal e deixamos a lume suave.

A pataca ten a súa orixe en América. En Europa non se empezou a consumir ata o século XVII. A pataca é rica en hidratos de carbono, en forma de amidón, polo que non é moi recomendable para persoas que seguen dietas de adelgazamento e tampouco para as persoas diabéticas. Son moi ricas en potasio polo que son adecuadas para persoas hipertensas. Tamén destaca a súa cantidade de fósforo que intervén na absorción da glicosa e no almacenamento de enerxía entre outras funcións. Pola súa parte, o chourizo posúe unha gran cantidade de calorías e destaca o seu gran contido en sodio polo que non está recomendado o seu consumo para persoas con hipertensión. Contribúe a combater a anemia polo seu contido en ferro.

Noticias

Archivos