Crema Dubarry (de coliflor, pataca e porro)

15 Xullo, 2015

Crema Dubarry (de coliflor, pataca e porro)

Plato

Primeiro prato

Información nutricional:

Kcal: 189,5
Proteínas: 14,4%
Hidratos de carbono: 38,5%
Lípidos: 47,2%

Ingredientes

1/2 vaso (120 mL) auga
1/2 vaso (120mL) leite desnatado
70 g coliflor
50 g pataca
20 g porro
1 cullerada (10mL) aceite oliva
ceboliño
sal ao gusto

Instruccións

Tempo preparación: De 30 a 40 minutos

Refogar suavemente no aceite de oliva o porro cortado en dados sen que tome cor. Incorporar a pataca en láminas e a continuación engadir o leite e a auga. Incorporar a coliflor, cocer lentamente durante 20-30min. Pasar por túrmix e coador chinés. Poñer a punto de sal. Decorar con ceboliño.

Vantaxes:
Aporta moi pouco valor calórico, polo que é adecuado en dietas de adelgazamento. A coliflor é unha boa fonte de fibra e vitaminas, entre as que destacan os grupos B ou C. Estas particularidades convértena nun bo alimento para incluílo na dieta de mulleres embarazadas, xa que favorece o crecemento e desenvolvemento do feto. Tamén aporta boas cantidades de minerais como potasio, magnesio ou fósforo. As súas propiedades diuréticas eliminan o exceso de líquidos polo que proporcionan beneficios para a hipertensión e redución do ácido úrico. As altas porcentaxes de elementos fitoquímicos (glucosinolatos, isotiocianatos, indoles e fibra) favorecen a prevención de enfermidades dexenerativas coma o cancro.

Carne ao caldeiro

Plato Segundo prato

Información nutricional:

Kcal: 347,2
Proteínas: 36,9%
Hidratos de carbono: 24,2%
Lípidos: 38,9%

Ingredientes

120 g faldra tenreira
1 (100g) pataca
5 g unto
1 cullerada sopeira (10mL) aceite oliva
pementón doce
pementón picante
sal ao gusto

Instruccións

Tempo preparación: De 30 a 40 minutos

Cortar a carne en anacos e poñer en auga fría a cocer cun anaco de unto. Cando a carne estea branda, retirar da auga e cocer a pataca en anacos grandes.Servir a pataca cocida coa carne á beira e condimentar co sal o pementón mesturado (doce e picante ao 50%) e o aceite de oliva virxe extra.

Vantaxes:
A Tenreira Gallega é a primeira carne de vacún con control integral e certificado de garantía. A carne procedente do vacún é un alimento completo e esencial para unha dieta sa e equilibrada, e destaca polo seu elevado contido proteico. Estas proteínas son altamente dixeribles e de gran valor biolóxico. Ademais, é rica en vitaminas do grupo B e en minerais como fósforo, magnesio e ferro.

Guiso de melva con froitos do mar en salsa verde

Plato Segundo prato

Información nutricional:

Kcal: 628,5
Proteínas: 42,9%
Hidratos de carbono: 15,9%
Lípidos: 41,2%

Ingredientes

150 g melva
1 (100g) pataca
1 vaso (200mL) caldo peixe
40 g berberecho
25 g mexillóns
25 g gambas
20 g cebola
1 cullerada sopeira (10mL) aceite oliva
perexil
caiena

Instruccións

Tempo preparación: De 40 a 50 minutos

Cortar a melva en anacos sen espiña. Nunha pota refogar no aceite quente a cebola picada sen que tome cor, engadir a caiena. Agregar a pataca en anacos cortados e refogar uns minutos. Engadir o caldo suficiente de peixe para que cubra e deixar cocer as patacas 10 minutos a lume lento. Ó cabo deste tempo engadir a melva e os mariscos, deixando cocer uns minutos máis. Cubrir con perexil abundante.

Vantaxes:
A melva é un peixe azul. Como tal é un alimento cun elevado valor nutricional, debido ó seu contido en proteínas de alto valor biolóxico, aporte vitamínico e o seu contido en ácidos graxos insaturados omega-3, que preveñen das enfermidades cardiovasculares e cancro.

Torta de augardente trufada

Plato Sobremesa

Información nutricional:

Kcal: 601,9
Proteínas: 6,9%
Hidratos de carbono: 47%
Lípidos: 46,1%

Ingredientes

50 g biscoito
100 g crema pasteleira
25 g nata
25 g chocolate negro
2 g chocolate branco
5 g azucre
2 mL augardente

Instruccións

Para facer o biscoito: se baten os ovos co azucre ata que esponxe o triple do volume inicial, para que isto suceda os ovos deben estar a temperatura ambiente ou máis ben templados. Engadirlle durante o batido a raidura de cortiza de medio limón. Engadirlle o batido anterior á fariña tamizada misturandoa a man e suavemente para que no se baixe o batido. Extender o batido sobre unha placa de forno forrada con papel antigraso dandolle unha altura de 1,5 cm aprox. Introducir no forno a 180ºC durante 5-8 min. Retirar do forno e sacarlle o papel. Cortar dous cadrados de 5 x 4 cm. Para facer a torta: emborrachar co xarope de aguardente. Encher de crema pastelera.Tapar co outro anaco de biscoito e cubrir de trufa; ferver a nata, e fora do lume engardille o chocolate e remover ata que se desfaga. Espolvorear a torta coa trufa e decorar con chocolate branco pola superficie. (As cantidades do bizcoito: 1 ovo, 25 gr de azucre, 25gr de fariña, raiadura de medio limon.)

Potaxe de garavanzos

Plato Primeiro prato

Información nutricional:

Kcal: 617
Proteínas: 11,1%
Hidratos de carbono: 29,2%
Lípidos: 59,7%

Ingredientes

60 g garavanzos
40 g febra de porco salgada
40 g espinacas
25 g pataca
20 g cebola
1 dente (5g) allo
1 cullerada sopeira (10mL) aceite oliva
loureiro
pementón doce
sal ao gusto

Instruccións

Tempo preparación: De 30 a 40 minutos

Ferver auga e introducir os garavanzos (previamente remollados 12h). Engadir a carne desalgada e cortada en dados. Cando os garavanzos e a carne comecen a estar cocidos, engadir as patacas cortadas e as espinacas. Deixar cocer 10-12 minutos máis. Mentres, preparar un rustrido en aceite con allo e cebola picados, pementón doce e engadilo á potaxe case ó final. Comprobar de sal.

Vantaxes:
O nutriente principal dos garavanzos son os hidratos de carbono, dos cales o amidón é o máis abundante. Presenta un bo aporte proteico, pero sen diferenzas respecto dos demais legumes secos; ademais, son proteínas incompletas por falta de metionina (un aminoácido esencial). O contido que presenta de lípidos é maior que no resto de legumes, destacando a presenza de ácidos insaturados como son o ácido oleico e linoleico. Os garavanzos presentan un elevado contido de folatos e tiamina, e minerais como calcio, fósforo, ferro, potasio e magnesio; ademais aportan unha gran cantidade de fibra.

Noticias

Archivos