Lombo de corzo á prancha

15 Xullo, 2015

Lombo de corzo á prancha

Plato

Segundo prato

Ingredientes

Racións: 1 persona

10 g Aceite de oliva
140 g Corzo
120 g Pataca

Instruccións

Maceramos, unicamente en aceite, os medallóns de lombo non moi grosos. Unha hora e media despois botámolos na prancha quente. Recoméndase non salgar antes desta operación senón facelo ao darlle a volta aos medallóns.

O corzo cázase nas zonas montañosas, sobre todo na provincia de Ourense e Lugo, xa que no resto de Galicia a súa presenza diminúe. A época de caza vai desde outubro ata xaneiro. A carne de corzo é magra polo que a súa cantidade de calorías é baixa; non obstante, contén cantidades elevadas de colesterol. Contén ferro e fósforo e importantes cantidades de magnesio e potasio. É un alimento especialmente indicado para as persoas que padecen anemia.

Lombo de porco ao azafrán

Plato Segundo prato

Ingredientes

Racións: 1 persona

10 g Aceite de oliva
1 g Azafrán
50 g Cebola
1 g Loureiro
120 g Lombo de porco
90 g Pataca
0.5 g Sal
20 g Viño branco

Instruccións

Douramos o lombo de porco cortado en anacos pequenos, previamente adobado con sal e allo en po. Reservamos o lombo de porco e, no aceite sobrante, fritimos a cebola ben picada. Pelamos e cortamos as patacas en anacos pequenos e fritímolas. Engadimos ao lombo de porco unha folla de loureiro, o viño e o azafrán e mesturámolo todo. Botámoslle as patacas e deixamos facer ata que perda parte do líquido e nos quede a salsa.

O lombo de porco polo seu baixo contido graxo considérase unha carne magra polo que é adecuado para incluír en dietas de adelgazamento que requiran cantidades de proteínas. É rico en vitamina B1. É recomendable en períodos de embarazo ou de convalecencia, xa que hai maior desgaste desta vitamina. Cabe destacar o seu contido en antioxidantes e ácidos graxos omega 3 polo que axuda a previr enfermidades cardiovasculares. As patacas proporcionan enerxía ao prato grazas aos seus hidratos de carbono e debido ao nivel de potasio que teñen. Son beneficiosas en casos de hipertensión arterial. Tamén destaca o seu contido en fósforo que intervén na formación e no mantemento dos ósos e no desenvolvemento dos dentes e en magnesio que favorece a relaxación, por iso se recomenda en tratamentos de estrés e depresión.

Robaliza con escamas douradas

Plato Segundo prato

Ingredientes

Racións: 1 persona

15 g Aceite de oliva
5 g Allo
180 g Robaliza
1 g Manteiga
100 g Pataca
1 g Perexil
0.5 g Pementa branca
1 g Sal
10 g Viño fino (Xerez, Manzanilla)

Instruccións

Filetear a robaliza separando os lombos da cabeza, das espiñas e da cola. Preparar un caldo limpo de peixe cocendo as partes do peixe que separamos cun pouco de cebola, cunha folla de loureiro, cun pouco de viño fino e cun pouco de sal. Pasar o caldo de peixe por un coador. Fritir, parcialmente, a pataca en toros tras engadir á tixola uns allos para que tome sabor a pataca. Dispoñer nunha fonte de asar, untada en manteiga, os lombos de robaliza, lixeiramente salgados, coa pel cara á fonte. Despois, cubrilos completamente coas patacas case fritidas ordenadas coma se se tratase das escamas. Por último, engadir ao conxunto o caldo limpo de peixe e asar ata que as patacas estean ben douradas.

A robaliza é un peixe moi apreciado polo seu suave sabor e as súas escasas espiñas. Ten un contido en graxa baixo polo que se pode considerar un peixe magro. Constitúe unha fonte importante de minerais como o ferro (en menor contido que na carne), cinc e fósforo. En canto a vitaminas, destaca o contido en vitamina B3 ou niacina que participa no metabolismo dos hidratos de carbono, lípidos e proteínas. A pataca destaca polo seu alto contido en hidratos de carbono, minerais como o potasio e a auga. Os hidratos de carbono son de absorción moi lenta o que provoca maior sensación de saciedade no noso organismo e atribúe unha gran cantidade de enerxía.

Robaliza en branco

Plato Segundo prato

Ingredientes

Racións: 1 persona

15 g Aceite de oliva
50 g Cebola
200 g Robaliza
150 g Pataca
0.5 g Sal

Instruccións

Cocemos as patacas xunto coa cebola e co sal. Xusto 5 min antes de que a pataca estea no seu punto, botamos á cazola a robaliza. Esperamos ese tempo, apagamos, escorremos un pouco, e botamos aceite de oliva antes de servir.

A robaliza habita no Atlántico e no Mediterráneo. É un dos peixes con menor contido en graxa, por iso esta sinxela forma de preparalo é idónea para dietas hipocalóricas e ademais permite apreciar mellor a finura da súa carne. Contén ácidos graxos omega 3 que contribúen á prevención das enfermidades cardiovasculares. As vitaminas do grupo B son as máis significativas na composición das robalizas, en concreto a B12. Os minerais en maior cantidade son o potasio, o fósforo, o ferro, o sodio e o magnesio. Trátase de compoñentes que interveñen na regulación do sistema nervioso, na actividade muscular, no equilibrio de auga na célula, na formación de ósos e nos dentes; nos procesos de obtención de enerxía e no sistema dixestivo.

Mazá asada

Plato Postre

Ingredientes

Racións: 1 persona

5 g Azucre
150 g Mazá

Instruccións

Coa axuda dun coitelo cortamos arredor do rabo da mazá deixando un oco que encheremos de azucre. Enfornamos ata que esta tome cor caramelo, sacamos do forno e servimos.

A existencia da mazá remóntase á prehistoria e introducírona en España os romanos e os árabes. A estación da mazá vai desde setembro a xuño. A mazá posúe fibra e é unha eficaz reguladora da actividade do intestino groso. Tamén é antioxidante polo que contribúe a reforzar as defensas do organismo. Neste caso a mazá asada é unha sinxela forma de preparación dunha sobremesa.

Noticias

Archivos