Xudías verdes con xamón

15 Xullo, 2015

Xudías verdes con xamón

Plato

Primeiro prato

Ingredientes

Racións: 1 persona

15 g Aceite de oliva
100 g Cebola
25 g Xamón curado
164 g Feixó
1 g Perexil
0.5 g Sal

Instruccións

Douramos a cebola cuns tacos de xamón. Engadimos as xudías xa cocidas á mestura. Servimos, tras uns poucos minutos, con perexil por enriba.

Este prato é apto para persoas que seguen dietas de adelgazamento xa que a súa cantidade de calorías é moi baixa, ademais posúen gran cantidade de fibra e conteñen un 90% de auga, hidratos de carbono, proteínas, nada de graxa e poucos lípidos. Teñen ferro e por iso se recomendan para persoas que sofren anemias. Tamén conteñen calcio que diminúe os niveis de colesterol en sangue e fortalece os ósos. Os feixóns verdes teñen efectos diuréticos e depurativos, ao ser ricas en potasio e pobres en sodio.

Xurelo con loureiro

Plato Segundo prato

Ingredientes

Racións: 1 persona

5 g Aceite de oliva
10 g Allo
140 g Xurelo
1 g Loureiro
100 g Pataca
1 g Pementa branca
0.5 g Sal
1 g Tomiño

Instruccións

Para preparar esta receita elaboraranse catro compartimentos con papel de aluminio ou papel untado de graxa, en cada un deles colocarase cada xurelo, se pode ser coas espiñas eliminadas e cortados en filetes. Incorporarase a cada xurelo unha folla de loureiro, un dente de allo, un chisco de pementa, sal e unha rama de tomiño e, finalmente, engadiráselle un pouco de aceite a cada compartimento e introducirase no forno xa prequentado a lume medio-alto durante 20 min.

O xurelo é un peixe azul. É rico en graxas e estas conteñen ácidos graxos omega 3 que axudan a reducir o nivel de colesterol e previr enfermidades cardiovasculares. Destaca o seu contido en vitamina D para fortalecer a pel e os ósos, o sistema inmunitario e axuda, ademais, a previr certos tipos de cancro. Tamén contén vitamina B6, que fai que este alimento sexa moi recomendable en casos de diabete, depresión, asma e, ademais, axuda a previr enfermidades cardíacas.

Xurelos en escabeche

Plato Primeiro prato

Ingredientes

Racións: 1 persona

20 g Aceite de oliva
10 g Allo
120 g Xurelo
1 g Loureiro
1 g Pemento doce
1 g Sal
10 g Vinagre
10 g Viño branco

Instruccións

Poñemos a fogo lento durante uns poucos minutos unha cazola con aceite, vinagre, viño branco, allo e pemento. Deixamos que tempere e vertemos sobre os xurelos fritidos xa fríos, que repousan noutra cazola colocados por capas. Entre capa e capa depositamos algunhas follas de loureiro.

O xurelo habita no Atlántico e é máis abundante no verán, de xuño a outubro. Este foi o motivo do que xurdiu en tempos pasados a súa preparación en escabeche para que estivese dispoñible todo o ano, xa que na tempada de inverno non era posible o seu consumo. O xurelo é un peixe graxo englobado dentro do grupo dos peixes azuis pola súa alta cantidade de ácidos graxos omega 3 que contribúen a diminuír as enfermidades cardiovasculares. Este peixe proporciona á dieta vitamina A que beneficia a vista e B1, B2 e D3 que protexen o organismo do raquitismo, entre outras doenzas, e o ácido fólico.

Lacón con grelos

Plato Segundo prato

Ingredientes

Racións: 1 persona

65 g Chourizo
70 g Grelo
120 g Lacón
115 g Pataca

Instruccións

Cocer o lacón previamente desalgado en auga abundante. Nesa mesma auga, unha vez retirado o lacón, cócense as patacas, os grelos e o chourizo.

O consumo de lacón tivo grande arraigamento en Galicia. No inicio, este prato consumíase durante o Carnaval xa que é a época dos grelos. Na actualidade, consómese durante todo o inverno, desde novembro ata febreiro, pero estivo moi ligado en moitas zonas de Galicia a datas moi especiais como o día de Noiteboa ou o domingo de Carnaval.

Lacón asado

Plato Segundo prato

Ingredientes

Racións: 1 persona

10 g Aceite de oliva
5 g Allo
200 g Lacón
3 g Ourego
100 g Pataca
5 g Pemento doce
20 g Viño branco

Instruccións

Elabórase un adobo para cubrir o lacón composto de allos picados, ourego, sal, pemento doce e aceite. Co fin de que o lacón se impregne mellor deste adobo fánselle unhas perforacións ata o nivel do óso. Despois déixase repousar unhas horas e métese no forno prequentado, déixase asar durante unha hora. Cando pase media hora de asado engádeselle un vaso de viño branco.

É un prato venerado en toda Galicia pero o lacón de Lugo entra na categoría de excepcional. Esta pata dianteira do porco ten, na actualidade, indicación xeográfica protexida en Galicia pero xa na antigüidade se consideraba un manxar que se reservaba para ocasións especiais. O lacón asado, polo xeral, sérvese en rebandas e con patacas, e goza da apreciación popular.

Noticias

Archivos