Fabas con ameixas

15 Xullo, 2015

Fabas con ameixas

Plato

Primeiro prato

Ingredientes

Racións: 1 persona

10 g Aceite de oliva
3 g Allo
45 g Ameixa
30 g Cebola
70 g Faba fresca
1 g Pemento picante
1 g Sal

Instruccións

Nunha cazola con auga abundante poñemos a cocer as fabas coa cebola, co allo, co sal ao gusto, un pouco de pemento e aceite. Mantemos o lume, lento, durante unha hora. Cando as fabas estean tenras, engadimos as ameixas. Rectificamos de sal e pemento a mestura, e deixámola que coza todo ata que as ameixas estean abertas.

As fabas son unha boa fonte de proteínas, o que favorece o desenvolvemento muscular. Tamén son recomendables para persoas hipertensas polo seu contido en potasio. Son ricas en fibra, o que favorece o tránsito intestinal. As fabas, ao ser un alimento rico en fósforo, axudan a manter os nosos ósos e os dentes. Por outra, parte as ameixas constitúen un bo acompañamento polo seu excelente sabor e reducido contido en calorías. Ao ser elevado o seu contido en sodio, as persoas pacientes hipertensas deberán consumir este marisco con precaución. Destaca o seu alto contido en ferro que axuda a combater a anemia.

Xabaril con castañas

Plato Segundo prato

Ingredientes

Racións: 1 persona

5 g Aceite de oliva
5 g Allo
50 g Castaña
50 g Cebola
6 g Fariña
140 g Xabaril
0.5 g Loureiro
20 g Touciño entrefebrado
0.5 g Pementa negra
0.5 g Romeu
0.5 g Sal
0.5 g Tomiño
20 g Vinagre
30 g Viño tinto
30 g Cenoria

Instruccións

Adobamos o xabaril, previamente torado, durante polo menos un día nunha mestura de pementa de Caiena e pementa negra, herbas, loureiro, allos e viño tinto. Douramos o xabaril. Unha vez que tome algo de cor poñémolo nunha cazola, salpimentámolo, refogarémolo con touciño entrefebrado, cebola e vertemos, ademais, parte do adobo anterior para potenciar o sabor. Cocemos a lume lento durante case 2 h. As castañas que engadiremos ao guiso media hora antes do seu punto óptimo, serán castañas peladas e asadas ao forno previamente. Recoméndase, antes de asar, mantelas en remollo durante algunhas horas.

Na actualidade, o aprecio pola carne deste animal vai en aumento. O xabaril acompañado de castañas cocidas forma unha excelente combinación xa que o xabaril ten un sabor bastante forte e contrasta co das castañas que é máis suave. A castaña cocida ten un sabor especial, é doce. É un froito seco moi próximo ao cereal pola súa composición e baixo en calorías. Engaden un toque alimenticio que confiren a este estufado o cualificativo de prato moi equilibrado. O estufado de xabaril non está aconsellado para persoas enfermas de gota nin con afeccións hepáticas ou renais. Tampouco para aquelas persoas cuxas dietas non conteñan proteínas.

Feixóns verdes con allada

Plato Primeiro prato

Ingredientes

Racións: 1 persona

5 g Aceite de oliva
5 g Allo
60 g Ovo
125 g Feixó
2 g Pemento doce
1 g Sal

Instruccións

Preparamos unha allada, en aceite quente, con allo, pemento e auga da cocción dos feixóns. Vertemos a allada e mais un ovo cocido sobre os feixóns cocidos. Servímolos quentes.

Na antigüidade non constituía un prato por si mesmo senón que servía como gornición. Este prato ía acompañado de carne de porco, touciño ou chourizo, fritos na tixola previamente. Na época de Coresma substituíase por ovos cocidos enteiros, aínda que tamén se podía acompañar de peixe. Os feixóns debido ao seu baixo contido en calorías son moi recomendables para incluír en dietas de adelgazamento. Son moi remineralizantes, doados de dixerir e moi pobres en sodio, o que os fai ideais para persoas hipertensas.

Xurelos ao forno

Plato Primeiro prato

Ingredientes

Racións: 1 persona

10 g Aceite de oliva
5 g Allo
50 g Cebola
160 g Xurelo
0.5 g Limón
120 g Pataca
0.5 g Sal
30 g Tomate
10 g Viño branco

Instruccións

Poremos na base dunha fonte para forno un leito de cebola, allo e tomate picado. Cortaremos uns toros de patacas finas que poremos sobre o anterior. Os xurelos poñerémolos ao final de todo. Salgamos e levamos ao forno. As condicións de cociñado serán de 10 min a 220 ºC aproximadamente.

O xurelo é un peixe azul, é dicir, un peixe graxo. Esta graxa, rica en ácidos graxos omega 3, contribúe a reducir os niveis de colesterol e de triglicéridos en sangue, e tamén se reduce o risco de arteriosclerose e de formación de trombos. Recoméndase a presenza na dieta de peixes azuis porque grazas á calidade da súa graxa colaboran na redución do risco de enfermidades cardiovasculares. É unha boa fonte de proteínas de alto valor biolóxico, de vitaminas do grupo B e minerais como o magnesio.

Xabaril guisado estilo Viana do Bolo

Plato Segundo prato

Ingredientes

Racións: 1 persona

5 g Aceite de oliva
5 g Allo
60 g Arroz
50 g Cebola
140 g Xabaril
2 g Manteiga
0.5 g Ourego
0.5 g Perexil
0.5 g Sal
20 g Viño branco
10 g Viño doce
30 g Cenoria

Instruccións

Para que quede saboroso é moi importante adobar a peza de carne polo menos 12 h antes de cociñalo para que macere durante todo ese tempo e penetre ben o sabor. Para o adobo é necesario machucar nun morteiro un bo chorro de aceite, viño, allo moi picado, perexil e ourego fresco, e un chisco de sal. O seguinte paso é selar a peza de carne nunha pota ao lume cun pouco de aceite. A continuación, engadir o viño branco, xenerosamente, e deixar cocer a lume suave durante bastante tempo. Para darlle un sabor especial pódese engadir tamén un chorro de viño doce. O acompañamento ideal para o xabaril son as patacas cociñadas ao gusto.

Esta receita prepárase, como o seu propio nome indica, na bisbarra de Viana do Bolo, situada na zona oriental da provincia de Ourense. A mellor época para preparar este prato é de mediados de outono a finais de inverno, posto que é a tempada de caza do xabaril silvestre. A carne de xabaril caracterízase pola súa dureza e pola súa cor vermella intensa. Trátase dunha carne magra e con gran contido proteico. Destaca o seu elevado contido en ácido oleico que aumenta o chamado colesterol bo (HDL) e reduce o colesterol malo (LDL) en sangue, reducindo así o risco de padecer enfermidades cardiovasculares. Contén case todas as vitaminas, entre as que destacan as vitaminas do grupo B e, en especial a vitamina B3, a vitamina B12 e o folato ou vitamina B9. Estas vitaminas posúen accións antianémicas que regulan o metabolismo e teñen unha acción protectora cardiovascular.

Noticias

Archivos