Filete de rapante á galega

15 Xullo, 2015

Filete de rapante á galega

Plato

Segundo prato

Ingredientes

Racións: 1 persona

15 g Aceite de oliva
10 g Allo
40 g Cebola
150 g Rapante
40 g Chícharo
100 g Pataca
2 g Pemento doce
1 g Sal

Instruccións

Botamos nunha cazola as patacas cortadas en láminas grosas xunto coa cebola e co loureiro. Deixamos uns 8 min de cocción, e despois botamos o rapante deixándoo outros 5 min. Douramos nunha tixola con aceite o allo e o pemento. Para a presentación do prato poñemos as patacas cocidas, enriba destas o rapante cos chícharos cocidos e, por último, engadimos a allada.

O rapante é un peixe cun baixo contido graxo, de doada dixestión e contén poucas calorías. Destaca o seu contido en magnesio necesario para a transmisión do impulso nervioso, e para o mantemento do músculo cardíaco. Tamén posúe fósforo para o mantemento de ósos e dentes. Os chícharos que acompañan o rapante neste prato proporcionan moita fibra que reducen os niveis de colesterol e a aparición de enfermidades cardiovasculares. Constitúen unha boa contribución de proteína vexetal.

Filete de tenreira

Plato Segundo prato

Ingredientes

Racións: 1 persona

30 g Aceite de oliva
105 g Filete de tenreira
155 g Pataca
1 g Sal

Instruccións

Fritir o filete, nunha tixola, con abundante aceite.

O filete de tenreira contén poucas graxas polo que o seu contido de calorías é apto para o seu consumo por calquera tipo de persoa. Contén proteínas de alto valor biolóxico necesarias para a construción e reparación de tecidos e tamén para manter o noso sistema inmune. Tamén contén ferro biodispoñible, isto é, de doada asimilación. Destaca o contido de vitamina B12. Tanto o ferro como a vitamina B12 preveñen a anemia.

Fritadas de bacallau

Plato Primeiro prato

Ingredientes

Racións: 1 persona

10 g Aceite de oliva
80 g Bacallau fresco sen sal
35 g Fariña de trigo
32.5 g Ovo

Instruccións

Fervemos o peixe en auga e, unha vez fervido, desfacémolo coas mans ou coa axuda dun garfo para obter unha pasta. Á parte, batemos as xemas dos ovos e mesturámolas con fariña. Despois, xuntamos esta masa coa pasta de bacallau e engadímoslle as claras dos ovos, previamente batidas a punto de neve. Fritimos a masa resultante en aceite quente.

O bacallau é un peixe que presenta un baixo contido graxo polo tanto, un baixo nivel de calorías, pero nesta receita estes niveis aumentan pola fritura. É unha fonte de proteínas de alto valor biolóxico doadas de dixerir, e, ademais, as espiñas son doadas de retirar. Entre os minerais que contén destaca a presenza de potasio que é un mineral necesario para o bo funcionamento do sistema nervioso e a actividade muscular. Tamén contén fósforo que está presente en ósos e dentes. Intervén no sistema nervioso e na actividade muscular, e participa en procesos de obtención de enerxía.

Filloa con recheo de crema

Plato Postre

Ingredientes

Racións: 1 persona

2 g Azucre
10 g Fariña
2 g Fariña de millo
10 g Ovo
15 g Leite
10 g Leite desnatado
0 g Rela de limón
5 g Xema de ovo

Instruccións

Mestúrase o ovo co azucre, engadindo a fariña, posteriormente, e procurando unha completa disolución desta. Vertemos o leite sobre o conxunto. Unha vez homoxeneizada a mestura, lévase á tixola, xa quente, cun chisco de aceite. Ao rematar, unha vez formada a filloa, énchese con crema.

A filloa con recheo de crema está, hoxe en día, dentro da categoría das sobremesas pero na antigüidade era un alimento principal para a familia. A filloa estaba feita con sangue do porco da matanza pero tamén había unha variedade que se facía con fariña de cereal, que podía ser de millo nas bisbarras nas que predominaba este cereal ou de trigo que era máis habitual nas bisbarras do interior de Galicia.

Filloa

Plato Postre

Ingredientes

Racións: 1 persona

5 g Fariña
5 g Ovo
20 g Leite
1 g Sal
1 g Touciño

Instruccións

Mestúrase o ovo co azucre, engadindo a fariña, posteriormente, e procurando unha completa disolución desta. Vertemos o leite sobre o conxunto. Unha vez homoxeneizada a mestura lévase á tixola, xa quente, cun chisco de aceite.

Desde a prehistoria moi diversas culturas consumiron tortas de cereal moi parecidas ás filloas. Na antigüidade facíanse sobre superficies planas sobre o lume, que en moitos casos eran pedras planas. Hoxe en día, a filloa considérase unha sobremesa doce pero hai uns anos era un sustento principal nas casas galegas e era un prato salgado acompañado en moitos casos de carne sobrante ou de touciño.

Noticias

Archivos