Ensalada morna de pasta fresca con caviar vexetal

15 Xullo, 2015

Ensalada morna de pasta fresca con caviar vexetal

Plato

Primeiro prato

Ingredientes

Racións: 1 persona

5 g Aceite de oliva
20 g Oliva negra
5 g Allo
50 g Berenxena
40 g Cebola
50 g Espaguetes
0.5 g Estragón
10 g Limón
0.5 g Pementa negra

Instruccións

Asamos a berenxena, o allo, a cebola bañados de aceite de oliva no forno a uns 170 ºC, durante unha hora. Unha vez asados e fríos, cortamos en cadradiños (do tamaño de graos de arroz) a berenxena, a cebola, ademais das olivas negras. Introducimos, no recipiente do batedor, os allos, o zume de limón, o sal, a pementa negra, o aceite de oliva e o estragón. Bátese ata conseguir unha emulsión e vértese sobre a mestura picada anteriormente. Á parte, cócese a pasta fresca. Mestúrase todo e sérvese.

A pasta contén unha gran cantidade de hidratos de carbono de absorción lenta (amidón), tamén proteínas (glute), e unha cantidade moi baixa de graxas. A berenxena pola súa parte contén fibra e potasio, este último é necesario para a actividade muscular. O seu compoñente maioritario é a auga. O allo reduce o colesterol. É un depurador do sangue e é eficaz en casos de hipertensión, ademais de posuír efectos antibacterianos. Todas estas propiedades débense a un composto de xofre denominado alicina, e tamén a unha substancia volátil denominada ajona, que se obtén cando é machucado. A cebola favorece a dixestión. Polos seus compostos ricos en xofre prevén enfermidades infecciosas, tamén ten efectos depuradores do sangue polo que é aconsellable para persoas diabéticas.

Ensalada mixta

Plato Primeiro prato

Ingredientes

Racións: 1 persona

5 g Aceite de oliva
25 g Cebola
65 g Leituga
80 g Tomate
3 g Vinagre

Instruccións

Lavamos os ingredientes e cortámolos. Colocámolos nunha fonte regamos con aceite e vinagre ao gusto.

A ensalada mixta combina moi ben con todo tipo de pratos, ademais de ser idónea, polo seu baixo contido calorífico, para incluír nas dietas de adelgazamento. A leituga contén fibra e é diurética, o que axuda a persoas con retención de líquidos. Tamén posúe vitamina C e A que son antioxidantes. O tomate é un bo desintoxicante, xa que elimina ácido úrico e reduce o colesterol. Son unha fonte de potasio, fósforo e magnesio, necesarios para a actividade normal de nervios e músculos.

Filete de porco

Plato Segundo prato

Ingredientes

Racións: 1 persona

30 g Aceite de oliva
105 g Filete de porco magro
155 g Pataca
1 g Sal

Instruccións

Fritir o filete, nunha tixola, con abundante aceite.

O filete de porco é un corte de carne magra xa que contén poucas graxas. A carne de porco é unha fonte de proteína esencial porque ten un alto contido de aminoácidos esenciais, algúns deles non son sintetizados polo organismo humano. O contido en colesterol do filete é baixo polo que está recomendado para persoas con hipercolesterolemia. Tamén o poden consumir as persoas que padecen gota xa que a carne de porco é unha das que menos purinas contén.

Fanecas fritidas con cachelos

Plato Segundo prato

Ingredientes

Racións: 1 persona

15 g Aceite de oliva
138 g Faneca
15 g Fariña
10 g Limón
125 g Pataca
1 g Sal

Instruccións

Rebózanse as fanecas, previamente preparadas, en fariña e frítense en aceite quente. Mentres tanto, prepáranse os cachelos cocendo as patacas con monda e partidas en dúas en abundante auga con sal. Cando estean a media cocción, escórreselles a auga e déixase o pucheiro preto do lume para que rematen de cocer e se sequen coa calor.

A faneca é un peixe branco moi consumido en Galicia que presenta gran cantidade de espiñas. O seu contido graxo é baixo aínda que vai incrementado pola súa fritura en aceite. A contribución de vitaminas é elevada, destacando a vitamina A e a B12. A vitamina A é fundamental para a visión mentres que a B12 prevén a anemia perniciosa. A faneca é un alimento de doada dixestión e con poucas calorías. As patacas cocidas (cachelos) posúen poucas calorías. Conteñen unha boa cantidade de vitamina C, fibra e potasio. Ademais, non conteñen glute polo que resultan axeitadas para persoas celíacas.

Fabada galega

Plato Primeiro prato

Ingredientes

Racións: 1 persona

15 g Chourizo
45 g Faba fresca
25 g Morcilla
20 g Touciño entrefebrado

Instruccións

Botaremos nun cazo con auga anacos bastante grandes de allo, cebola e outros non tan grandes de rabo, pata e orella de porco. Despois, incluiremos as fabas xunto con pemento e tras uns minutos engadimos o xamón, o chourizo e xusto despois o touciño e a morcilla. Poñerémolo a lume alto ata que ferva a auga e despois a lume lento durante aproximadamente unhas 2 h.

As fabas constituían a base da alimentación popular galega no século XIX. O cultivo da faba está moi estendido en Galicia. As fabas conteñen unha cantidade importante de proteínas que supera mesmo á das carnes, pero a súa calidade é inferior. Por outra banda, son tamén importantes en calquera dieta equilibrada debido a que a súa inxestión proporciona un alto valor de saciedade grazas aos seus hidratos de carbono complexos de lenta absorción. É destacable o contido en calcio, fibra e vitaminas B1, B2, B9, e C. Tamén conteñen ferro cuxa absorción a favorece o contido de vitamina C das fabas.

Noticias

Archivos