Ensalada de gambas con feixóns brancos

15 Xullo, 2015

Ensalada de gambas con feixóns brancos

Plato

Primeiro prato

Ingredientes

Racións: 1 persona

5 g Aceite de oliva
20 g Oliva
5 g Allo
30 g Cebola
30 g Gamba
50 g Feixón branco
60 g Leituga
10 g Limón
0.5 g Ourego
0.5 g Pementa branca
0.5 g Sal
40 g Tomate

Instruccións

Facer unha vinagreta co aceite, o zume de limón, o sal, a pementa, os allos e o ourego. Mesturar a xudías, as gambas picadas, as olivas cortadas en rodas e a cebola picada fina. Acomodar sobre unha cama de leituga. Bañar coa vinagreta e decorar con tomates cortados.

As gambas son ricas en proteínas, iodo e colesterol polo que é recomendable un consumo moderado por persoas con hipercolesterolemia, pero conteñen poucas calorías e graxas. Tamén conteñen purinas, polo que as persoas que seguen dietas baixas en ácido úrico deben evitalas. Os feixóns brancos proporcionan fibra ao prato e potasio que, ao favorecer a eliminación de líquidos, beneficia ás persoas hipertensas. Tamén conteñen fósforo que contribúe a mellorar as funcións do cerebro e a mellorar a resistencia física. Entre as vitaminas que conteñen destacan a B1 e a B9 ou ácido fólico.

Ensalada de tomate

Plato Primeiro prato

Ingredientes

Racións: 1 persona

5 g Aceite de oliva
20 g Cebola
150 g Tomate
3 g Vinagre

Instruccións

Lavamos os ingredientes e cortámolos. Colocámolos nunha fonte, e regamos con aceite e vinagre ao gusto.

Este prato é baixo en calorías polo que está recomendado para persoas que seguen dietas de adelgazamento. Presenta un importante contido de hidratos de carbono, o que lle confire un lixeiro sabor doce. Contén fibra polo que axuda a regular o tránsito intestinal. O tomate é un bo antioxidante polo seu contido en licopenos, isto axuda a previr a aparición dalgúns tipos de cancro. Tamén teñen función antioxidante debido a vitamina A e a C que proporciona. A vitamina A axuda a manter unha boa visión, pel, cabelo e ósos. A vitamina C axuda na absorción do ferro, ten propiedades antiinfecciosas e antitóxicas.

Ensalada de patacas e mexillóns

Plato Primeiro prato

Ingredientes

Racións: 1 persona

0.5 g Aceite de oliva
40 g Cebola
60 g Ovo
1 g Loureiro
100 g Leituga
35 g Mexillón
60 g Pataca
1 g Perexil
0.5 g Sal
0.5 g Vinagre

Instruccións

Colocamos nunha fonte a leituga, as patacas cocidas con loureiro e os mexillóns cocidos de igual modo, e enchemos cunha salsa de cebola, ovo, perexil, aceite e vinagre.

As patacas son ricas en hidratos de carbono e en fibra. Esta última fai que sexan adecuadas para persoas que seguen dietas de adelgazamento. Ademais o seu contido en calorías é baixo. Son unha boa fonte de vitamina C, ferro e magnesio pero pobres en potasio e sodio o que as fai axeitadas para persoas con hipertensión. O mexillón contén proteínas de boa calidade. Ademais, o seu nivel de graxas e calorías é baixo. Destaca, tamén, o iodo na súa composición. A leituga posúe fibra á ensalada pero con pouco sodio polo que é boa para persoas hipertensas. Tamén ten funcións antioxidantes pola presenza da vitamina C, E e o betacaroteno.

Ensalada de queixo e marmelo con vinagreta de mel

Plato Primeiro prato

Ingredientes

Racións: 1 persona

5 g Aceite de oliva
9 g Améndoa torrada
30 g Endivia
40 g Leituga
30 g Mazá
30 g Marmelo
5 g Mel
15 g Noz
9 g Piñón
40 g Queixo fresco
0.5 g Sal
5 g Vinagre

Instruccións

Cortar en dados o queixo fresco e a carne de marmelo. Resérvanse nunha cunca grande. Á parte, lávanse as leitugas e límpanse as follas de endivia, córtanse e póñense na cunca grande. Pelar e cortar en cuarteiróns a mazá. Nunha tixola cun pouco de aceite, dourar os piñóns e as améndoas e pasar ao vaso do batedor xunto cunha parte de vinagre por catro de aceite, o mel, o sal e bátese para facer a vinagreta. Colocar nos pratos poñendo o que temos na cunca, os cuarteiróns de mazá salteados e por enriba a vinagreta á que, no momento de servir, se lle botan as noces un pouco esmiuzadas. Se apetece pódese poñer tamén por enriba un pouco de ceboliño.

O queixo fresco ten unha alta concentración de proteínas, calcio e vitaminas A e D pero é baixo en graxas. Isto fai que o seu consumo nos proporcione menos calorías e a dixestión sexa máis doada. O marmelo é unha boa fonte de minerais como o potasio, fibra e cantidades non moi elevadas de vitamina C. Á leituga atribúenselle propiedades dixestivas e supón unha pequena cantidade de calorías. É rica en fibra e ferro e ten un baixo contido en proteínas e hidratos de carbono. As endivias tamén conteñen poucas calorías. Son ricas en vitamina K, á que se lle atribúen propiedades coagulantes do sangue. Tamén teñen unha boa cantidade de ácido fólico que é necesario para a formación de glóbulos vermellos e, así, previr as anemias.

Ensalada de tomate e cabaciña

Plato Primeiro prato

Ingredientes

Racións: 1 persona

5 g Aceite de oliva
80 g Cabaciña
0.5 g Ourego
10 g Pasas de Corinto
15 g Piñón
15 g Queixo relado
0.20000000298023224 g Sal
80 g Tomate
3 g Vinagre

Instruccións

Lavar os tomates e cortalos en anacos. Lavar a cabaciña, cortala en rodas finas e poñerlle un pouco de sal e aceite. Introducir, uns 5 min, no microondas. Unha vez que a cabaciña arrefríe, un pouco, colocala encima do tomate. Distribuír por encima os dados de queixo, as pasas, os piñóns e o ourego. Seguidamente, botar o sal, o vinagre e o aceite.

O tomate tróuxose de América do Sur e introduciuse en Europa no século XVI. É un alimento con escasa cantidade de calorías. A maior parte do seu peso é auga e o segundo constituínte, en importancia, son os hidratos de carbono. Son ricos en vitamina C, A e E. Tamén conteñen licopenos que teñen poder antioxidante, estes son máis abundantes cando o tomate está maduro. Pola súa banda, a cabaciña é rica en fibra e con poucas calorías. É idónea para dietas de adelgazamento. Destaca o seu contido en potasio que intervén na actividade muscular e combate a hipertensión.

Noticias

Archivos