Empanada de mexillóns e espinacas

15 Xullo, 2015

Empanada de mexillóns e espinacas

Plato

Segundo prato

Ingredientes

Racións: 1 persona

15 g Aceite de oliva
50 g Espinaca
55 g Fariña
16 g Ovo
15 g Leite desnatado
7 g Fermento
40 g Mexillón
1 g Pemento doce
25 g Pemento vermello
3 g Sal
20 g Salsa de tomate

Instruccións

Metemos as espinacas en auga fervendo durante 30 s e despois pasámolas a unha cazola con auga fría. Retirámolas e eliminámoslles a auga. Cocemos os mexillóns e retirámoslles as valvas. Douramos nunha tixola con aceite ben quente as cebolas e, unha vez douradas, engadímoslles as espinacas en anacos e a auga da cocción dos mexillóns. Deixamos ferver ata que perdan parte da auga e engadímoslles os mexillóns. Deixamos que repouse todo unhas horas. Despois, introducimos na masa da empanada. Para facer a masa botamos nunha cunca sen asas a fariña. Deixamos un oco no que engadimos a auga morna, o sal, o fermento e o aceite reservado do recheo. Amásase ben todo ata que se despegue das mans. Deixamos repousar un anaco para que colla volume e volvemos amasar. Enchemos a masa e metemos no forno de 35 a 45 min de 180 ºC a 200 ºC.

As empanadas de peixe son máis habituais na Galicia costeira. A empanada de mexillóns é típica nas Rías Baixas galegas. O mexillón posúe proteínas e un baixo contido graxo polo que o seu valor de calorías non é elevado. Os seus ácidos graxos son omega 3 polo que ten propiedades cardiosaudables. Contén minerais como o iodo, o calcio, o fósforo, o magnesio. É unha das fontes máis importantes de ferro. As espinacas teñen fibra e presentan cantidades elevadas de provitamina A e de vitaminas C e E, todas elas con efecto antioxidante. Tamén é unha importante fonte de iodo e fósforo.

Empanada de zorza

Plato Segundo prato

Ingredientes

Racións: 1 persona

15 g Aceite de oliva
5 g Allo
55 g Fariña
7 g Fermento
50 g Lombo de porco
2 g Pemento doce
2 g Pemento picante
1 g Sal

Instruccións

Empezamos por preparar a zorza coa que encheremos a empanada, haberaa que deixar en repouso durante un día Para facer a zorza engadimos aos ingredientes uns allos torados, ao final, e deixamos repousar. Douramos, lixeiramente, a zorza en aceite. Para elaborar a masa da empanada mesturamos auga morna cun chisco de sal e o fermento. Despois, imos botando a fariña ata que adquira unha textura que se desprenda das mans sen dificultade. Déixase 1 h en repouso e, logo, engadimos o aceite e un chisco de pemento e repetimos o amasado. Unha vez feita a masa introducímoslle o recheo que preparamos de zorza e metemos no forno a 180 ºC uns 40 min aproximadamente.

A empanada xurdiu na zona urbana do Mediterráneo nos séculos XII e XIII e atópase mencionada, por primeira vez, nas cancións de Afonso X, O Sabio. É un dos pratos galegos máis tradicionais e pode estar composto por gran variedade de recheos. A empanada de zorza é tradicional de Mondoñedo (Lugo). A zorza é a carne de porco picada e adobada que se usa no recheo dos chourizos. A súa cantidade de calorías non é moi alta e o seu contido proteico é elevado.

Empanada millo con berberechos

Plato Segundo prato

Ingredientes

Racións: 1 persona

30 g Aceite de oliva
45 g Berberecho
65 g Cebola
55 g Fariña de millo
15 g Fariña de trigo
3 g Fermento
10 g Pemento vermello
1 g Sal
5 g Tomate

Instruccións

A masa estará formada por fariña de millo, fariña de centeo, fermento e auga morna. Amasamos todo e deixámolo repousar. Estiramos a masa coa axuda dun rolo para formar a base. Para o recheo sofritimos unhas cebolas, un chisco de perexil, uns pementos e pemento doce. Colocamos, sobre a base,unha capa deste rustrido e enriba deste colocamos os berberechos previamente fervidos en auga. Tapamos a empanada coa outra capa de masa e enfornamos durante 1 h aproximadamente.

Esta empanada faise na vila coruñesa de Noia pero, en xeral, en todas as Rías Baixas. Diferénciase das demais porque se fai con fariña de millo en vez de fariña de trigo. Caracterízase porque a masa non queda uniforme e compacta, como a de trigo, senón prensada. O berberecho achéganos unha baixa cantidade de graxa ao igual que de colesterol. Destaca o seu contido en ferro axeitado para persoas con anemia e tamén fai que este sexa un alimento recomendado para persoas que practican deportes intensos xa que estas persoas teñen un gran desgaste deste mineral.

Empanada de zamburiñas

Plato Segundo prato

Ingredientes

Racións: 1 persona

30 g Aceite de oliva
5 g Allo
2 g Azafrán
40 g Cebola
90 g Fariña
5 g Fermento
2 g Pemento doce
40 g Pemento vermello
1 g Sal
50 g Tomate
90 g Zamburiña

Instruccións

Douramos o pemento cortado en anacos, a cebola e o allo picados e unha vez dourados engadimos o azafrán, o xamón, as zamburiñas e o tomate. Para facer a masa botamos nun recipiente a fariña e engadimos, nun oco que faremos na fariña, auga morna cun chisco de sal, o aceite do rustrido de antes e o fermento desfeito. Deixamos repousar 1 h e repetimos o amasado. Metemos o recheo dentro da masa e introducímola no forno a 180 ºC ou a 200 ºC de maneira que a calor enforne a empanada pola parte superior e inferior. O tempo no forno será de 35 a 45 min.

A zamburiña é un marisco cuxa zona principal de extracción son as Rías Baixas galegas. Cultívanse en bateas, sobre todo na ría de Arousa. A tempada da zamburiña é o outono. Caracterízanse polo seu intenso sabor a mar. É un marisco cun baixo contido en calorías e en graxas. Ten unha importante cantidade de vitamina A que xoga un papel importantísimo para manter unha boa visión e. Ademais, é un antioxidante. Tamén conteñen vitamina B que intervén no crecemento, mantén o sistema inmunolóxico e a produción de enerxía.

Ensalada de camaróns agróns, tomate e aguacate

Plato Primeiro prato

Ingredientes

Racións: 1 persona

5 g Aceite de oliva
90 g Agrón
35 g Camarón
10 g Limón
50 g Tomate

Instruccións

Poñemos auga a ferver e cando chegue ao punto de ebulición metemos e sacamos rapidamente os camaróns e cubrimos con sal gordo e deixámolos así durante un par de horas, así acadarán o punto de sal adecuado. Pelamos os tomates e eliminámoslles as pebidas, picamos a polpa, en dados do tamaño do garavanzo, e aliñámolos con aceite e sal. Lavamos os agróns e seleccionamos as follas e colocámolas, nun prato, en forma de leito. Preparamos, á parte, unha vinagreta lixeira con aceite e zume de limón rebaixado con auga para facelo máis suave, un pouco de pementa negra. Batemos a mestura ata conseguir que emulsione. Sobre o leito de agróns, colocaremos unha capa de tomate mesturado previamente con aguacate e sobre isto, os camaróns. Regamos coa vinagreta e sérvese.

Tanto os camaróns como os agróns e o tomate presentan un baixo contido en calorías, a excepción do aguacate cuxo nivel de graxas e calorías é máis elevado. Estas graxas son monoinsaturadas e considéranse saudables. Os camaróns conteñen ácidos graxos omega 3 que se consideran cardiosaudables. Os agróns polo seu contido en fibra teñen un alto poder de saciedade. O tomate, pola súa parte, é unha boa fonte de vitamina C e ten un gran poder antioxidante debido ao seu contido en betacarotenos. O aguacate tamén ten un bo contido en fibra polo que é beneficioso para reducir o colesterol.

Noticias

Archivos