Empanada de bonito

15 Xullo, 2015

Empanada de bonito

Plato

Segundo prato

Ingredientes

Racións: 1 persona

15 g Aceite de oliva
50 g Bonito
25 g Cebola
55 g Fariña
15 g Ovo
7 g Fermento
25 g Pemento vermello
1 g Sal

Instruccións

Douramos en aceite o bonito cortado en cachos (se se trata de bonito en conserva engadímolo á hora de encher a empanada unha vez feita a masa), a cebola e os pementos picados en xuliana. Para elaborar a masa mesturamos o fermento, a auga morna, a fariña, o sal, o leite morno e o aceite no que douramos o recheo. Amasamos ben ata que se desprenda con facilidade das mans. Introdúcese o recheo na masa e métese ao forno 30 min a 180 ºC.

Esta é unha das empanadas máis elaboradas, coñecidas e consumidas de Galicia. O contido de calorías desta empanada é elevado polo que se debe consumir con moderación por persoas que seguen dietas de adelgazamento. O bonito destaca pola alta cantidade de proteínas que contén, polo que é adecuado o seu consumo durante a infancia, a adolescencia e o embarazo. Nestas etapas é necesaria unha proporción maior deste nutriente. O alto contido de vitamina B3 do bonito fai que sexa un alimento beneficioso para o sistema circulatorio e, ademais, pode axudar a reducir o colesterol. O bonito, pola súa elevada cantidade de vitamina E, ten propiedades antioxidantes.

Empanada de bacallau

Plato Segundo prato

Ingredientes

Racións: 1 persona

15 g Aceite de oliva
50 g Bacallau fresco
30 g Cebola
55 g Fariña
15 g Ovo
7 g Fermento
25 g Pemento vermello

Instruccións

Douramos nunha tixola con aceite o bacallau esmiuzado, a cebola e o pemento cortados en xuliana. Reservamos o aceite para utilizar na elaboración da masa. Para facer a masa botamos nunha cunca grande sen asas a fariña, facemos un oco no centro ao que lle engadiremos a auga morna, o sal, o fermento e o aceite reservado do recheo. Amasamos ben todo ata que se despegue das mans. Deixamos repousar un anaco para que colla volume e volvemos amasar. Metemos o recheo na masa e enfornamos 30 min a 180 ºC.

Esta sinxela empanada era habitual nos días de Coresma e tamén en Semana Santa en Galicia. O valor de calorías desta empanada é elevado polo que a deben consumir con moderación as persoas que seguen dietas de adelgazamento. O bacallau destaca pola súa alta cantidade de proteínas e é rico en calcio, polo que é un alimento óptimo para o crecemento que fortalece os ósos e prevén a osteoporose. Tamén é rico en fósforo que é necesario para o bo funcionamento do cerebro. Tamén posúe potasio que facilita a eliminación de líquidos e beneficia as persoas hipertensas, ademais de iodo que é necesario para o bo funcionamento da glándula tiroide. De maneira adicional, proporciona vitaminas do grupo B e liposolubles.

Empanada de xoubas

Plato Segundo prato

Ingredientes

Racións: 1 persona

10 g Aceite de oliva
25 g Cebola
55 g Fariña
15 g Ovo
7 g Fermento
25 g Pemento vermello
1 g Sal
50 g Xouba

Instruccións

Recheo: prepárase o recheo da empanada facendo un guiso en aceite cos pementos, coa cebola cortados en xuliana e coas xoubas cortadas. Masa: prepárase co aceite sobrante de guisar o recheo (100 cc), co fermento de panadaría, 125 cc de leite morno, 125 cc de auga morna, 350 g de fariña e sal. Trabállase a masa coas varas ata que se despegue da cunca que se estea a usar e despois, manualmente, durante 10 min. Déixase repousar, media hora, e estírase en dúas partes co rolo. Colócase a metade da masa sobre unha fonte de forno engraxada. Pícase a masa cun garfo e esténdese sobre ela o recheo. Cóbrese coa outra metade da masa, que tamén se pica cun garfo e se lle fai un burato no medio, a xeito de cheminea. Sélanse as dúas partes, adórnase con restos da masa e enfórnase durante media hora a 180 ºC.

É moi habitual atopar ao longo de toda Galicia multitude de pratos onde estas pequenas sardiñas son as protagonistas. Trátase dun peixe azul que contén ácidos graxos omega 3 que reducen os niveis de colesterol. Presentan un alto contido en auga. A sardiña é tamén unha boa fonte de nutrientes, especialmente de vitaminas A, D e calcio. A dixestión e a utilización metabólica é moi boa. Está desaconsellada para persoas que padezan gota polo seu contido en purinas.

Empanada de mazá

Plato Postre

Ingredientes

Racións: 1 persona

5 g Azucre
1 g Canela
30 g Fariña
2 g Fermento
2 g Manteiga
25 g Mazá
5 g Pasas de Corinto

Instruccións

A masa estará formada por fariña, manteiga, fermento e auga morna. Amasamos e deixamos repousar. Estirámola coa axuda dun rolo. Esparexemos con azucre e, sobre a base, colocamos os anacos de mazá previamente pelados. Poñemos as pasas e a manteiga ben repartidas pola superficie. Volvemos estender con azucre e canela. Tapamos a empanada coa outra capa de masa e enfornamos durante 1 h aproximadamente.

Esta empanada doce consúmese como sobremesa ou merenda. É unha especialidade tradicional galega. O seu ingrediente principal é a mazá que xa era, na antigüidade, unha das froitas máis comúns en Galicia. O emprego de froita como ingrediente principal para a elaboración de doces en Galicia xa é coñecido na Idade Media; no entanto, esta empanada de mazá é unha receita moito máis actual. A mazá ten un gran poder antioxidante debido ao seu contido en vitamina E e en substancias fotoquímicas presentes na pel. É rica en fibra e pode ter no organismo unha dobre función, laxante ou adstrinxente, segundo se consuma con pel ou sen ela. Tamén favorece a eliminación de líquidos polo seu contido en potasio.

Empanada de lombo de porco

Plato Segundo prato

Ingredientes

Racións: 1 persona

15 g Aceite de oliva
25 g Cebola
55 g Fariña
15 g Ovo
7 g Fermento
50 g Lombo de porco
1 g Pemento doce
25 g Pemento vermello
1 g Sal

Instruccións

Adóbanse con allo en po os filetes de lombo de porco e sazónanse. Dóuranse nunha tixola con aceite. Retirámolos e, no mesmo aceite, frítense o pemento vermello e a cebola cortados en xuliana. Retíranse, e cando estean un pouco fríos, engádese o pemento doce. Bótase o lombo de porco e xa está listo o recheo. Bótase nunha cunca grande ½ kg de fariña, faise un burato no centro no que se engadirá un pouco de auga morna con sal, o aceite sobrante do rustrido e o fermento. Amásase ben durante uns 10 min ata que se desprenda ben das mans. Deixamos a masa 1 h para que adquira volume e repetimos o amasado. Métese o recheo na masa e introdúcese no forno durante 35 ou 45 min entre 180 ºC e 200 ºC.

Tamén é coñecida como empanada de "raxo", típica da Galicia interior. Esta empanada faise coa carne picada e adobada do lombo de porco, máis coñecida como zorza. Esta zorza utilízase para facer o recheo dos chourizos ou tamén como prato principal acompañado dalgunha outra gornición.

Noticias

Archivos