Noticias

Noticias y actualidad del Grupo Cuevas

Archivos

Corzo asado

15 Xullo, 2015

Corzo asado

Corzo asado

Ingredientes

Racións: 1 persona

  • 10 g Aceite de oliva
  • 5 g Allo
  • 50 g Cebola
  • 120 g Corzo
  • 0.5 g Loureiro
  • 150 g Pataca
  • 0.5 g Perexil
  • 40 g Pemento vermello
  • 0.5 g Sal
  • 20 g Vinagre
  • 40 g Viño branco

Instruccións

Córtase en toros o corzo e adóbase con aceite, vinagre e con allo, perexil e cebola moi picados. Déixase macerar durante catro días na neveira, de maneira que a carne súe. O sabor do adobo mesturarase co da carne e conseguirase un sabor máis intenso. Non se salga a peza ata o día anterior no que se cociñe, despois de escorrida. Dóurase o allo en aceite nunha cazola baixa, engádese o corzo, a folliña de loureiro, régase con abundante viño branco e un chorro de aceite. Despois dunhas voltas a lume intenso, pásase a unha bandexa de forno onde teremos unha cama de cebola e aceite. Cocíñase no forno a lume medio durante unha hora, que se pode prolongar segundo o tamaño dos anacos de corzo.

O corzo está englobado dentro da caza maior. A súa mellor época é o outono avanzado, de outubro a xaneiro. A súa carne é magra, tenra, saborosa e cunha característica moi especial, está suavemente perfumada, é dicir, ole a caza. O corzo posúe poucas calorías xa que a súa carne ten pouco contido graxo polo que é un bo prato para persoas que seguen algunha dieta baixa en calorías.

Crema de espárragos verdes con cogomelos de Coresma

Crema de espárragos verdes con cogomelos de Coresma

Crema de espárragos verdes con cogomelos de Coresma

Ingredientes

Racións: 1 persona

  • 5 g Caldo de polo
  • 40 g Espárrago verde
  • 3 g Manteiga
  • 0.5 g Pementa negra
  • 0.5 g Sal
  • 40 g Cogomelo

Instruccións

Estes cogomelos son dos poucos que se deben de lavar, xa que adoitan ter areas. Poñemos, ao lume, unha tarteira con auga, cando ferva botamos os espárragos e deixámolos facer durante uns 8 min. Tras estes minutos retíranse, rapidamente, e métense nun cazo con auga moi fría. Unha vez fríos, tritúranse e pásanse polo triturador. Engádeselle ao puré caldo de polo caseiro, sal e pementa e ponse a cocer. Á parte, nunha tixola, fritimos en manteiga os cogomelos ata que estean algo torradiños. Mestúrase coa crema e sérvese.

Tanto os espárragos como os cogomelos posúen poucas calorías xa que o seu contido en graxas é baixo. Os espárragos son diuréticos, é dicir, favorecen a eliminación de líquidos, polo que son moi apropiados para persoas que sofren retención de líquidos e hipertensión. Ademais, son ricos en vitamina C e fibra. Os cogomelos, pola súa parte, conteñen potasio que tamén favorece a eliminación de líquidos, así como moito fósforo, que axuda a activar as actividades mentais. Conteñen cantidades interesantes de ferro, cobre e cinc.

Crema fría de algas con ameixas

Crema fría de algas con ameixas

Crema fría de algas con ameixas

Ingredientes

Racións: 1 persona

  • 90 g Alga
  • 15 g Ameixa
  • 20 g Nata
  • 60 g Pataca
  • 1.5 g Pementa negra
  • 0.5 g Sal

Instruccións

Cortamos as algas (Nori verde, preferiblemente) en varios anacos e as patacas en dous. Poñemos nunha cazola auga con sal, as hortalizas, medio limón e quéntase ata ebulición, momento no que se baixa o lume e déixase cocer, lentamente, durante media hora aproximadamente. Unha vez feito, sácaselle o limón e déixase arrefriar. Pasamos a verdura polo triturador e mesturamos coa auga da cocción, acadando unha mestura lixeira. Engadimos a nata e unhas ameixas vivas e poñemos a mestura ao lume só ata que as ameixas se abran, salpementamos e deixamos arrefriar para servir.

Na elaboración desta crema utilízase a alga Nori que favorece a diminución do colesterol e de metais pesados no sangue. Ten contidos moi altos en proteínas, ferro, potasio, magnesio, calcio, provitamina A, vitaminas B e iodo. As ameixas teñen poucas calorías ao prato. Debido ao seu contido en ferro recoméndase para persoas que padecen anemia ou que practican actividades físicas intensas. Proporcionan proteínas de elevado valor biolóxico e presentan unha cantidade considerable de potasio que favorece a eliminación de líquidos. Así é adecuado para persoas hipertensas.

Crema fría de nécoras

Crema fría de nécoras

Crema fría de nécoras

Ingredientes

Racións: 1 persona

  • 2 g Aceite de oliva
  • 5 g Allo
  • 30 g Arroz
  • 0.20000000298023224 g Azafrán
  • 5 g Caldo de peixe
  • 3 g Manteiga
  • 30 g Nécora
  • 50 g Pataca
  • 0.20000000298023224 g Pementa negra
  • 30 g Porro
  • 30 g Tomate
  • 15 g Viño branco

Instruccións

Cocer as nécoras no caldo de peixe. Escorrer, separar a carne de corpos e patas e reservala. Ferver o caldo coas cascas e cos restos das nécoras, xunto coa pataca torada, os porros, previamente salteados con manteiga, o tomate, o aceite de oliva, o allo picado, o azafrán, o viño branco, a manteiga, a pementa moída e o arroz. Deixar que coza, durante 20 min, a lume vivo. Pasar pola trituradora. Poñer a lume medio e incorporar a crema de leite; deixar uns minutos máis ata obter unha consistencia cremosa. Rectificar de sal. Deixar que se arrefríe, bater de novo e gardar no frigorífico. Ao servir, mesturar coa carne de nécora esmigallada.

As nécoras teñen un contido baixo de graxas. A súa contribución proteica é elevada, e ao igual que acontece con outros mariscos e o de purinas tamén. As persoas con problemas de gota deben evitar o seu consumo. O tomate é un grande antioxidante polo seu contido en vitamina C e tamén é rico en cobre e potasio o que beneficia a persoas hipertensas. O porro, ao igual que o tomate, tamén contén potasio que é idóneo para persoas con problemas reumáticos, gota e enfermidades de ril. Ao ser unha fonte de fibra actúa como un laxante natural. Presenta unha boa cantidade de vitamina C. As patacas conteñen enerxía polo seu contido en hidratos de carbono. Tamén conteñen vitamina C e fibra.

Croquetas caseiras

Croquetas caseiras

Croquetas caseiras

Ingredientes

Racións: 1 persona

  • 5 g Aceite de oliva
  • 12.5 g Faldra de tenreira
  • 2.5 g Fariña
  • 5 g Ovo
  • 27.5 g Leite
  • 5 g Pan relado
  • 10 g Polo
  • 1 g Sal

Instruccións

Ponse a tixola, no lume, co aceite. Unha vez un pouco quente (bastante antes de botar fume), apártase a tixola e vaise botando cunha cullerada de madeira a fariña á tixola, movéndoa ata que se vexa que se fai masa. Ponse, novamente, a tixola no lume, non forte, e engádeselle o leite pouco a pouco, sen parar de mover a masa ata que esta estea cocida e consistente. Entón, engádeselle o sal e a carne picada. Déixase cocendo, na tixola, sen parar de movela ata que se espese. Unha vez espesa a baléirase nunha fonte e déixase arrefriar. Bátense os ovos á parte. Unha vez fría facemos anaquiños, dáselle forma de croqueta. As croquetas móllanse no ovo batido e úntanse de pan relado. Vanse colocando, nunha fonte, e están listas para fritir cando se queira. Frítense as croquetas en bastante aceite quente que as cubra. Cando se poñen douradas, sácanse.

As croquetas son orixinarias de Francia pero en España son moi populares. Consómense habitualmente como aperitivo. Deben consumirse con moderación por persoas con sobrepeso ou con problemas de colesterol xa que a fritura que require o seu cociñado fai que conteñan máis calorías. A carne de polo e de tenreira proporcionan proteínas, ferro de doada absorción que axuda a combater a anemia, cinc que é un bo antioxidante; fósforo que intervén na formación e no mantemento dos ósos, no desenvolvemento dos dentes e potasio que axuda a persoas que sofren retención de líquidos.