Coello ao viño branco

15 Xullo, 2015

Coello ao viño branco

Plato

Segundo prato

Ingredientes

Racións: 1 persona

15 g Aceite de oliva
5 g Allo
155 g Coello
100 g Pataca
0.5 g Perexil
0.5 g Romeu
0.5 g Sal
22 g Viño branco

Instruccións

Adobar os anacos de coello cun adobo elaborado tras machucar o allo, o sal e o perexil. Deixalo repousar media mañá para que se impregne ben o sabor. Seguidamente, dourar o coello e, cando estea listo, engadir viño e reducilo sen baixar o lume. Finalmente, engadir ao conxunto un pouco de caldo e cocer a lume lento. Engadir máis caldo se fose necesario ata que a carne estea feita.

O coello é unha carne magra que se caracteriza pola súa excelente contribución de proteínas de alta calidade e a súa moderada cantidade de graxa. O suave sabor da súa carne admite todo tipo de acompañamento, neste caso é a pataca que é rica en hidratos de carbono complexos. A carne de coello é de doada dixestión e baixa en sodio, o que a fai axeitada para persoas hipertensas e, en xeral, para todos os grupos de poboación, tanto para a poboación infantil como para as embarazadas.

Coello asado

Plato Segundo prato

Ingredientes

Racións: 1 persona

2 g Allo
120 g Cebola
0.5 g Cravo
160 g Coello
0.5 g Loureiro
10 g Manteiga
100 g Pataca
1 g Perexil
0.5 g Pementa negra
0.5 g Sal
40 g Viño branco

Instruccións

Picamos ben a cebola, o allo, o perexil e adobamos o coello, xa cortado. Engadimos ao adobo vinagre e aceite. O coello deberá estar catro días no adobo e, despois, ao terceiro día, engadímoslle o sal. Nunha tixola con aceite a lume forte botamos o coello, unha folla de loureiro, un chorro de aceite e unha boa cantidade de viño branco. Despois, introducimos no forno nun recipiente cunha base de cebola picada e aceite. Asamos durante 1 h a temperatura media.

A carne de coello é un alimento con baixo contido en graxa, ao redor dun 5%, e mesmo algunhas pezas, como a perna e o lombo, poden ter entre un 2% e un 3%. É ideal para as dietas hipocalóricas que están dirixidas á perda ou mantemento de peso e, ademais, é un alimento cunha alta densidade nutricional xa que ten proteínas de alto valor biolóxico, cunha boa relación enerxía/proteína. A carne de coello, baixa en graxa, ten un perfil de ácidos graxos maioritariamente insaturados, cun contido de colesterol baixo.

Coello estufado

Plato Segundo prato

Ingredientes

Racións: 1 persona

10 g Aceite de oliva
5 g Allo
200 g Coello
30 g Chícharo
1 g Loureiro
150 g Pataca
40 g Pemento vermello
40 g Pemento verde
0.5 g Sal
50 g Tomate
20 g Viño branco
30 g Cenoria

Instruccións

Prepárase un adobo no morteiro con perexil, allo, sal e pementa e úntase moi ben con el o coello. Colócase nunha bandexa de forno na que se fai unha cama de cebola, manteiga, cravo e loureiro. Dáselle unhas voltas nesta salsa e métese ao forno a lume medio ata que estea dourado. Ábrese, un momento, o forno e báñase o coello con viño branco en abundancia e aprovéitase para colocar as patacas cortadas en dados para que se cociñen na salsa e no viño. Remátase a cocción a lume lento para conseguir unha carne tenra, substanciosa e saborosa.

O coello presenta unha carne magra, é dicir, con menor proporción de graxa e cun baixo contido en calorías. É unha importante fonte de minerais, tales como o fósforo, e vitaminas do grupo B, como a vitamina B3, beneficiosa para o crecemento e o desenvolvemento, ao mesmo tempo que destaca o seu baixo contido en sodio permitindo que se poida cociñar sen engadir sal. Trátase dunha carne de fácil dixestión. Este prato no que o coello se cociña estufado é unha das formas máis estendidas de cociñar o coello.

Coello con marisco

Plato Segundo prato

Ingredientes

Racións: 1 persona

10 g Aceite de oliva
5 g Allo
60 g Arroz
50 g Cebola
140 g Coello
11.75 g Gamba
70 g Lagostino
30 g Viño branco

Instruccións

O coello torado rustrirémolo lixeiramente nunha tixola con aceite quente, tras uns minutos engadiremos o allo e a cebola. Coceremos a mestura e engadiremos o marisco reservado para o prato e o viño cando ferva polo menos 15 min. Unha vez introducido o marisco coceremos, polo menos, 1 h máis.

A carne de coello ten un baixo contido en graxa por iso se considera unha carne magra. Tamén posúe un baixo nivel de colesterol. Debido ao seu baixo contido en sodio e en ácido úrico poden consumilo, sen problemas, as persoas hipertensas e con niveis elevados de ácido úrico en sangue. O marisco que acompaña o coello, neste caso as gambas e os lagostinos, conteñen unha cantidade interesante de proteínas. Ademais o seu contido en graxas é baixo e son de boa calidade polos ácidos graxos omega 3 que conteñen. Os lagostinos presentan un elevado contido en iodo. Ao contrario que a carne de coello, as gambas e lagostinos non son aconsellables en persoas con ácido úrico elevado e con dietas hiposódicas debido ao seu contido en sodio e purinas.

Coello en escabeche

Plato Segundo prato

Ingredientes

Racións: 1 persona

10 g Aceite de oliva
5 g Allo
200 g Coello
1 g Loureiro
150 g Pataca
1 g Sal
10 g Vinagre
40 g Viño branco

Instruccións

Tórase o coello e dóurase nunha cazola con aceite. Resérvase. Na mesma cazola dóuranse os dentes de allo cunha folla de loureiro, engádese o coello, sálgase e cóbrese con dobre medida de viño por cada medida de vinagre. Cocíñase lentamente ata que a carne estea tenra. Retírase do líquido de cocción e déixase arrefriar. Sérvese frío.

Esta receita permitía nas casas galegas de antano que o coello estivese dispoñible todo o ano para o seu consumo. O coello escabechábase para que se conservase todo o ano e se puidese recorrer a el en caso de escaseza doutro tipo de carne. Facíase tanto para os coellos de monte coma para os domésticos. Tamén era un prato moi valorado pola clase alta á que o campesiñado obsequiaba ou pagaba con esta conserva.

Noticias

Archivos