Cocido de entroido

15 Xullo, 2015

Cocido de entroido

Plato

Segundo prato

Ingredientes

Racións: 1 persona

50 g Agulla de tenreira
70 g Cabeza de porco
50 g Chourizo
50 g Galiña
20 g Garavanzo
40 g Xamón
80 g Lacón
100 g Pataca
30 g Rabo de porco
115 g Repolo
15 g Touciño

Instruccións

Para que as carnes non resulten tan salgadas, introdúcense en auga o día antes, así perden parte do sal. Comezamos introducindo, nunha pota alta, o lacón, o xamón, a cabeza de porco, a tenreira, a galiña e os chourizos. Á media hora, retiramos os chourizos e un pouco de auga para cocer, á parte, os garavanzos. Tamén, coceremos, á parte, o repolo e as patacas. Cando todo estea ben cocido, devolvo á pota os chourizos (así quentaranse antes de ser servidos). Serviremos as carnes nunha mesma fonte e o resto noutra (ou se se prefire os garavanzos e o chourizo nun terceira fonte).

Este prato preside a mesa en Galicia nos fríos días de inverno na época do Entroido onde o porco é o principal protagonista. O Entroido celébrase especialmente nas localidades ourensás de Laza, Verín e Xinzo de Limia. O cocido é un alimento moi completo desde o punto de vista nutricional xa que contén todos os ingredientes necesarios para unha dieta axeitada. Contén proteínas (nas carnes), hidratos de carbono (nas patacas e nos garavanzos) e minerais (fósforo, ferro, cal, potasio, sodio e magnesio).

Coliflor á galega

Plato Primeiro prato

Ingredientes

Racións: 1 persona

10 g Aceite de oliva
5 g Allo
210 g Coliflor
60 g Ovo

Instruccións

Cocer a coliflor en auga fervendo con sal e reservar. Preparar unha allada quentando o aceite para fritir o allo ata que este doure e, engadir unha vez temperado, o pemento doce. Deixamos repousar. Cocemos un ovo para servir xunto coa coliflor.

O coliflor contén moi poucas calorías, xa que apenas ten graxas e tamén presenta unha pequena cantidade de hidratos de carbono. A elevada proporción de potasio que contén fai que favoreza a eliminación de líquidos o que unido ás súas escasas calorías fai que sexa perfecta para incluír nunha dieta de adelgazamento. O ovo cocido que acompaña á coliflor é rico en proteínas doadamente dixeribles e o seu contido en calorías é relativamente baixo. A xema concentra as vitaminas liposolubles (A, D e E), os carotenoides (antioxidantes) e a colina que é un nutriente esencial para o funcionamento cardiovascular e cerebral. A clara ten case un 90% de auga e proteínas, entre as que destaca sobre todo a ovoalbúmina.

Paspallás con feixóns

Plato Segundo prato

Ingredientes

Racións: 1 persona

10 g Aceite de oliva
5 g Allo
50 g Cebola
140 g Paspallás
10 g Fariña
0 g Óso de xamón
80 g Feixó
100 g Pataca
0.5 g Sal
30 g Tomate

Instruccións

Elaboramos un caldo con óso de xamón, que nos servirá para cocer, posteriormente, o paspallás e os feixóns. Despois, facemos un rustrido con cebola, allo e tomates. Unha vez feito o rustrido, incorporámoslle un pouco de fariña diluída en auga quente. Servimos o paspallás e os feixóns bañados co rustrido.

O paspallás ten unha carne preta e branca que é moi apreciada e, ademais, é unha das que menos calorías ten debido ao seu menor contido en graxa, por iso o paspallás pode substituír a outras carnes máis graxas. A carne de paspallás contén vitamina B3, ademais de graxas e ferro. Tamén é rica en proteínas, mesmo en maior cantidade que a carne de polo ou de pavo. É pobre en colesterol polo que é unha boa alternativa cando se leva unha dieta de adelgazamento.

Paspallás en salsa ao viño branco

Plato Segundo prato

Ingredientes

Racións: 1 persona

155 g Paspallás
0.5 g Limón
10 g Manteiga
50 g Nata
100 g Pataca
120 g Uva branca
5 g Viño branco

Instruccións

Preparar unha salsa tras cocer, por unha parte, en viño albariño unhas uvas ás que previamente se lle quitaron as pebidas e, por outra, ferver a nata líquida ata que reduza. Finalmente, mesturar ambas as dúas partes e eliminar as pebidas das uvas. Asar as perdices no forno untadas con manteiga de porco para que se douren ben. Dispoñer nunha cazola as perdices asadas e a salsa de viño. Ferver, un instante, para que collan o sabor.

O paspallás presenta un baixo contido en graxas, calorías e colesterol. Son apreciadas pola súa carne fina e tenra. Ten un gran contido proteico recomendado para épocas de crecemento. En canto ás vitaminas, destaca o contido en vitamina B3 que axuda a reducir o nivel de colesterol e, ademais, é recomendable para combater enfermidades como a diabete ou a artrite. Tamén é abundante a vitamina B6 que fai que sexa moi recomendable en casos de diabete, depresión e asma.

Coliflor fritida

Plato Primeiro prato

Ingredientes

Racións: 1 persona

15 g Aceite de oliva
160 g Coliflor
5 g Fariña
54 g Ovo
0.5 g Sal

Instruccións

Cocemos a coliflor e, unha vez fría, rebózase en fariña e ovo e frítese.

A coliflor ten un baixo contido en graxa e produce sensación de fartura polo que a súa presenza en dietas de adelgazamento é moi habitual. Ten un alto contido en auga e tamén en fibra. As principais propiedades nutricionais do coliflor céntranse na súa gran cantidade de vitamina C e minerais como potasio ou sodio. Unha das características que marcan a esta verdura é a súa extremada facilidade de dixestión. A suavidade con que se procesa no estómago, convértea nun alimento aconsellado para as persoas pacientes con úlceras ou gastrite. Para as persoas con problemas renais e de retención de líquidos a coliflor é diurética e facilita a eliminación da acumulación de líquidos nos tecidos e nos ouriños.

Noticias

Archivos