Capón asado estilo Arzúa

15 Xullo, 2015

Capón asado estilo Arzúa

Plato

Segundo prato

Ingredientes

Racións: 1 persona

10 g Aceite de oliva
5 g Allo
150 g Capón
40 g Coñac
100 g Pataca
1 g Perexil
50 g Pemento vermello
50 g Pemento verde
1 g Sal
40 g Viño branco

Instruccións

Preparar un adobo con allo, perexil e aceite, untar con el o capón a véspera. Poñer o capón a asar nunha fonte con pemento vermello e verde e esparexer con viño branco e coñac. Cando o capón estea dourado e a punto de rematar a cocción engadir na fonte as patacas cortadas en cadrados pequenos para que se asen co animal.

Nesta vila coruñesa son moi numerosas as feiras nas que se venden os capóns uns días antes do Nadal. Este capón deriva da galiña de Mos. O capón cástrase pouco despois de nacer e cébase. Ten unha carne tenra, saborosa e aromática. A carne do capón ten máis calorías que a do polo xa que contén máis graxa pero séguese considerando unha carne magra, polo que o pode consumir calquera persoa. Destaca na carne deste animal o contido en vitamina A necesaria para o desenvolvemento dos ósos ou o fósforo vital para a formación dos ósos e dos dentes.

Capón con ostras

Plato Segundo prato

Ingredientes

Racións: 1 persona

30 g Agulla de tenreira
120 g Capón
30 g Ovo
1 g Limón
5 g Manteiga
1 g Noz moscada
15 g Ostra
100 g Pataca
1 g Pementa negra
38 g Porro
1 g Sal
5 g Touciño

Instruccións

Frítese nunha tixola a carne de tenreira picada xunto coa noz moscada e o touciño cortado finamente. Engádenselle dez ostras e dous ovos crus, así obtemos unha masa coa que encher o capón. Enchemos con esta masa o capón xa baleirado e cósese con fío para pechar. Bótaselle o sal e o exterior do capón úntase con manteiga de porco. Introdúcese ao forno a lume medio e de cando en vez é conveniente mollalo co zume que solta. Cando leva hora e media no forno, compróbase, coa axuda dunha agulla, se está ben asado. Se a agulla se introduce con facilidade no capón isto significa que xa está listo.

O capón e as ostras foron, antano, alimentos reservados a señores e familias con recursos económicos suficientes para o goce dun manxar exclusivo das grandes ocasións. O capón, na Idade Media, formaba parte dos banquetes da xente nobre. Na actualidade, consúmese moito nas celebracións do Nadal. O capón ten un contido en graxas baixo polo que se considera unha carne magra. Destaca, pois, o seu contido proteico, ademais de minerais como o ferro, o cinc, o fósforo e o potasio. As ostras, pola súa parte, son ricas en iodo que é beneficioso para o metabolismo. Conten cinc que facilita a asimilación e o almacenamento da insulina. Entre as vitaminas que conteñen as ostras destaca a B12 que é importante para o metabolismo e, ademais, axuda á formación de glóbulos vermellos no sangue.

Castañas en leite

Plato Postre

Ingredientes

Racións: 1 persona

100 g Castaña
100 g Leite

Instruccións

Eliminamos a casca das castañas e botámolas nunha cazola con auga uns minutos. Retiramos as castañas e quitámoslles a pel. Poñémolas a cocer, xa peladas, nunha cazola e botámoslles fiúncho e sal. Cando estean a medio facer, apartámolas do lume, para engadirlles leite quente. Volvemos deixar ao lume ata que estean completamente feitas. Para presentalas podémoslles engadir chocolate, azucre ou canela.

Este era un prato principal no inverno, sobre todo nas zonas montañosas do interior de Galicia. Era moi común que en todas as casas das aldeas houbese algunha vaca para que abastecese toda a familia de leite e acompañábase de castañas cocidas, secas ou frescas. As castañas conteñen unha importante cantidade de hidratos de carbono, os cales se absorben lentamente polo organismo, o que facía que se eliminase a sensación de fame durante un longo período de tempo, ademais de proporcionar enerxía.

Carne ao caldeiro

Plato Segundo prato

Ingredientes

Racións: 1 persona

10 g Aceite de oliva
170 g Faldra de tenreira
5 g Manteiga
120 g Pataca
1 g Pemento doce
1 g Sal

Instruccións

Cortar a carne en anacos e poñer a cocer cun anaco de manteiga. Cando a carne estea branda retírase a auga e cócese a pataca en anacos grandes. Servir a carne coa pataca cocida e condimentar con aceite de oliva virxe extra, sal e pemento (mestura doce e picante).

Este prato moi popular en Galicia é habitual en feiras e, ao igual que o famoso "polbo á feira", cocíñase en grandes recipientes metálicos nestas romarías. É unha sinxela receita que pode levar diversos acompañamentos como patacas cocidas. A carne vai aliñada con aceite de oliva e pemento. A carne pode ser de vaca ou tenreira. Se é de tenreira contén menos graxas e calorías e, ademais, é máis dixerible aínda que non tan saborosa nin nutritiva, xa que contén máis auga. A carne de vacún é rica en proteínas e ferro hemo que é de doada absorción e axuda a combater a anemia.

Castañas cocidas

Plato Postre

Ingredientes

Racións: 1 persona

35 g Castaña
0 g Licor doce (Anís)
1 g Sal

Instruccións

Antes de cocer as castañas, procedemos a quitarlles a casca exterior, deixando a pel. Botámolas nunha cazola cun chisco de sal, unhas pinguiñas de anís e bastante auga. Deixámolas cocer 30 ou 40 min.

Esta era un xeito máis de cociñar a castaña na Galicia rural de antano, por iso podía chegar a formar parte de todos os menús diarios. No almorzo preparábase con leite, ao mediodía utilizábase como gornición e pola noite podíanse tomar asadas ou cocidas. A castaña ten un gran valor nutritivo. É rica en hidratos de carbono e de absorción lenta, o que facía que se producise sensación de saciedade durante máis tempo. Tamén contén vitaminas do grupo B, magnesio e cobre, este último axuda a previr e combater a anemia, por iso antigamente tamén formaban parte da dieta das persoas enfermas.

Noticias

Archivos