Caldeirada de año

15 Xullo, 2015

Caldeirada de año

Plato

Segundo prato

Ingredientes

Racións: 1 persona

10 g Aceite de oliva
5 g Allo
40 g Caldo de carne
15 g Cebola
160 g Año
1 g Loureiro
15 g Pan
120 g Pataca
0.5 g Pementa negra
15 g Pemento vermello
0.5 g Sal
40 g Viño branco

Instruccións

Cortar o año en anacos, salpementar e dourar en aceite. Á parte, refogamos o allo, a cebola, e o pemento vermello co loureiro en aceite. Engadimos o año, mollando este con viño branco e un pouco de caldo deixando reducir. Sacamos o año da salsa, engadimos pan fritido e trituramos a salsa. Despois engadimos a pataca, previamente fritida e cortada en dados. Deixamos cocer todo xunto uns minutos.

A carne de año é moi apreciada, por iso se consume en numerosas celebracións. É fonte de proteínas de alto valor biolóxico. A carne de año considérase graxa pero depende da idade do animal. O año de leite o que menos graxa contén e esta é doada de eliminar. O seu contido en colesterol é elevado polo que se debe consumir ocasionalmente. Destaca a cantidade de ferro de doada absorción necesario para previr anemias.

Caldeirada de peixe sapo

Plato Segundo prato

Ingredientes

Racións: 1 persona

20 g Aceite de oliva
5 g Allo
50 g Cebola
50 g Chícharo
120 g Pataca
1 g Pemento doce
160 g Peixe sapo
1 g Sal

Instruccións

Sofritimos na base dunha cazola o pemento e a cebola, unha vez que adquiran cor engadimos o pescado fileteado, as patacas en toros e cubrimos todo con auga. Cocemos, e 5 min antes de retirar do lume incorporamos os chícharos para que estes non se pasen. O prato servirase cuberto por unha allada feita en aceite quente con allos e pemento para darlle así maior gusto ao prato.

O peixe sapo era un peixe pouco valorado. É coñecido por este debido ao seu aspecto. As "caldeiradas" feitas con este peixe son frecuentes na Galicia costeira e cocíñanas os mariñeiros no barco, engadindo tamén outros peixes, e tamén adoitan facerse nas tabernas dos portos. O peixe sapo non ten escamas nin espiñas, isto facilita que o consuma a poboación infantil e as persoas maiores. Debido ao seu baixo contido graxo resulta doado de dixerir e, ademais, posúe poucas calorías que beneficia as persoas que seguen dietas de adelgazamento.

Croques con arroz

Plato Segundo prato

Ingredientes

Racións: 1 persona

15 g Aceite de oliva
70 g Arroz
0.5 g Azafrán
33 g Berberecho
5 g Cebola
1 g Limón
1 g Sal

Instruccións

Douramos a cebola en aceite ben quente, despois botamos o arroz e os berberechos. Regamos a auga con azafrán que achegará cor á mestura. Botamos un chorriño de limón antes de servilos quentes.

O berberecho, denominado croque en Galicia, contén niveis moi baixos de graxas e, polo tanto, a súa cantidade de calorías é baixa. Destaca polo ferro que contén, que contribúe a evitar a anemia, e polo seu alto valor de proteínas. Así mesmo, son unha fonte de minerais como o fósforo que intervén na formación e no mantemento dos ósos, no desenvolvemento dos dentes, e no metabolismo celular. Non se aconsellan en caso de hiperuricemia ou gota polo seu contido en purinas. O arroz proporciona ao prato hidratos de carbono e dálle enerxía. É fonte de fibra e actúa beneficiosamente en persoas con problemas de hipertensión debido á cantidade de potasio e ao seu baixo contido en sodio. Tamén é recomendable para celíacos xa que non contén glute. Contén unha boa cantidade de fósforo ideal na etapa de crecemento.

Caldeirada de pargo

Plato Segundo prato

Ingredientes

Racións: 1 persona

10 g Aceite de oliva
5 g Allo
50 g Cebola
50 g Chícharo
100 g Pataca
1 g Pemento doce
1 g Sal
140 g Zapata

Instruccións

Sofritimos na base dunha cazola o pemento e a cebola, unha vez que adquiran cor engadimos o pescado fileteado, as patacas en toros e cubrimos todo con auga. Cocemos e 5 min antes de retirar do lume, incorporamos os chícharos para que estes non se pasen. Serviremos o prato cuberto por unha allada feita en aceite quente con allos e pemento para darlle así maior gusto ao prato.

Este peixe, tamén coñecido co nome de cazón, é moi apreciado polas persoas mariñeiras xa que o preparaban e o consumían a bordo dos barcos. Ten un contido moi baixo de graxas polo que é moi axeitado para incluír en dietas hipocalóricas. Destaca a súa cantidade de fósforo, necesario para o crecemento dos ósos e, ademais, participa no metabolismo enerxético entre outras funcións. Entre as vitaminas que contén destaca a B12, esencial para a síntese da hemoglobina e a elaboración de células, como así tamén para o bo estado do sistema nervioso.

Raxo asado con ovo

Plato Primeiro prato

Ingredientes

Racións: 1 persona

60 g Ovo
5 g Limón
100 g Lombo de tenreira
10 g Manteiga
1 g Sal

Instruccións

Nun recipiente botamos a manteiga e introducímolo no forno ata que colla temperatura a manteiga. Mentres, axudándonos dun fío fino, enrolamos o lombo e botámoslle o sal. Poñemos o lombo no recipiente dentro do forno e deixámolo unha hora e media. De vez en cando, dámoslle a volta ao lombo para que se faga polos dous lados e botámoslle auga quente por encima. Unha vez que apaguemos o forno, deixamos repousar. Para servir o raxo cortámolo en filetes finos acompañados dun ovo fritido.

O lombo de porco, tamén coñecido en Galicia como "raxo", é unha boa fonte de proteínas e, ao considerarse unha carne magra, o seu contido graxo non é moi elevado con ácidos graxos insaturados aos que se atribúen propiedades cardiosaudables. Destaca o seu contido en vitamina B1 que participa no metabolismo dos hidratos de carbono entre outras funcións. O ovo frito que acompaña ao lombo de porco, contén proteínas de moi elevado valor biolóxico. A clara é a que contén a maior parte de proteínas do ovo. Na xema concéntrase o maior número de graxas nas que predominan os ácidos graxos insaturados, beneficiosos para o corazón e o colesterol.

Noticias

Archivos