Caldeirada de abadexo

15 Xullo, 2015

Caldeirada de abadexo

Plato

Segundo prato

Ingredientes

Racións: 1 persona

200 g Abadexo
20 g Aceite de oliva
5 g Allo
50 g Cebola
155 g Pataca
1 g Pemento doce
1 g Sal

Instruccións

Sofritimos, na base dunha cazola, allo e cebola. Unha vez que adquiran cor engadimos o pescado, as patacas en toros e cubrimos todo con auga. O prato servímolo cuberto por unha allada feita, en aceite quente, con allos e pemento, para darlle, así, maior gusto ao prato.

A orixe da "caldeirada" provén da que facían os mariñeiros no mesmo barco cando pescaban. O peixe cocíase en caldeiros metálicos, de aí o nome de "caldeirada" e facíase co peixe que non ía destinado á venda. Esta "caldeirada" que se facía nos barcos ou no porto pasou a facerse nas cociñas, posteriormente, con peixe branco, como neste caso é o abadexo. O abadexo é un peixe branco, considerado como magro, polo seu mínimo contido en graxas. É rico en vitaminas A, D e B12 que se atopan sobre todo no seu fígado. Contén proteínas de calidade e graxas insaturadas do tipo omega 3 que protexen o corazón e preveñen de ataques cardíacos e de trombose cerebral.

Caldeirada

Plato Segundo prato

Ingredientes

Racións: 1 persona

15 g Aceite de oliva
4 g Allo
68 g Pescada
34 g Mero
85 g Pataca
1 g Pemento doce
72 g Peixe sapo
28 g Raia
24 g Rodaballo
2 g Vinagre

Instruccións

Sofritimos uns allos e, unha vez que adquiran cor, engadimos as patacas en toros e cubrimos con auga. Cocemos e, 5 min antes de que as patacas estean completamente feitas, engadimos os anacos das diferentes especies de peixe. Servimos o prato cuberto por unha allada feita en aceite quente con allos, pemento e vinagre, isto daralle maior gusto ao prato.

Considérase que este prato tivo a súa orixe cando os pescadores para aproveitar o que pescaban facían este guiso composto de peixe fresco. Cociñábase con multitude de peixes diferentes que non ían destinados á venda, e os pescadores ás veces no propio barco cociñaban o peixe nun caldeiro metálico, de aí o nome de "caldeirada". Nalgúns lugares da provincia da Coruña tamén se consome acompañado de marisco.

Caldeirada de xarda

Plato Segundo prato

Ingredientes

Racións: 1 persona

10 g Aceite de oliva
10 g Allo
140 g Xarda
40 g Cebola
40 g Chícharo
0.5 g Loureiro
100 g Pataca
0.5 g Pemento doce
40 g Pemento vermello
0.5 g Sal

Instruccións

Nunha cazola, refogamos en aceite pementos e cebola. Engádense as patacas en toros e cóbrense con auga. Aos 10 min, póñense os chícharos e o peixe deixando cocer 5 min máis. Unha vez feito, escórrese a auga sobrante e sérvese cun pouco de allada por enriba.

A cabala é un peixe azul cun contido graxo elevado. Trátase de ácidos graxos omega 3 que facilitan a diminución de colesterol e triglicéridos no sangue e reducen o risco de padecer enfermidades coronarias. Entre as vitaminas que contén a cabala destacan a B12, importante para o metabolismo, ademais de axudar á formación de glóbulos vermellos no sangue e ao mantemento do sistema nervioso central; e a B3 que beneficia ao sistema circulatorio. Destaca tamén a súa alta contribución proteica. Como inconveniente sinalar o seu contido en purinas que non a fai moi recomendable para persoas que sofren gota.

Caldeirada de congro

Plato Segundo prato

Ingredientes

Racións: 1 persona

15 g Aceite de oliva
5 g Allo
50 g Cebola
150 g Congro
40 g Chícharo
100 g Pataca
1 g Pemento doce
0.4000000059604645 g Sal

Instruccións

Nunha cazola con aceite, douramos o allo e a cebola. Posteriormente, cortamos as patacas en toros e engadímolas ao recipiente cuberto de auga. Deixamos transcorrer 10 min e botamos os chícharos e o peixe. Tras 5 min máis de tempo, escorremos a auga e colocamos no prato. Por ultimo, refogamos o prato coa allada.

O congro é un dos peixes con maior contido de vitamina A esencial para a retina e tamén para a función inmunitaria. Aínda que é un peixe semigraxo o seu contido de calorías non é elevado. É unha fonte de vitamina B1 que é importante no metabolismo dos hidratos de carbono, no funcionamento do corazón, nos músculos e no sistema nervioso, e de vitamina B2 importante para o crecemento corporal e a produción de glóbulos vermellos. Os chícharos que acompañan o congro proporcionan fibra e enerxía polo seu contido en hidratos de carbono e proteínas. As patacas tamén conteñen hidratos de carbono, vitamina C e potasio que favorece a eliminación de líquidos polo que son adecuadas para persoas hipertensas.

Caldeirada de pescada

Plato Segundo prato

Ingredientes

Racións: 1 persona

15 g Aceite de oliva
5 g Allo
50 g Cebola
50 g Chícharo
150 g Pescada
100 g Pataca
1 g Pemento doce
0.5 g Sal

Instruccións

Nunha pota refogar en aceite o allo e a cebola. Engadir as patacas en toros e cubrir con auga. Aos 10 min poñer os chícharos e o peixe deixando cocer 5 min máis. Escorrer a auga sobrante e servir cun pouco de allada por enriba.

Este xeito típico galego de preparar o peixe, denominado caldeirada, ten a súa orixe nos barcos mariñeiros. Acompañaban o peixe de ingredientes que tiñan na adega do barco como aceite, patacas, allos, cebolas, loureiro e pemento. Todos eles de doada conservación. A pescada presenta un contido graxo baixo e contén ácidos graxos omega 3 polo que se lle atribúen propiedades cardiosaudables. Polo seu baixo contido calorífico é adecuada para incluír en dietas de adelgazamento. En canto aos minerais que contén, destacan o fósforo que é responsable do mantemento de ósos e dentes e aumenta a resistencia física; o magnesio que axuda a persoas que sofren estrés e depresión e o iodo, que regula o funcionamento da hormona tiroidea.

Noticias

Archivos