Berenxenas gratinadas en salsa caseira

15 Xullo, 2015

Berenxenas gratinadas en salsa caseira

Plato

Primeiro prato

Información nutricional:

Kcal: 170,3
Proteínas: 19,4%
Hidratos de carbono: 30,1%
Lípidos: 50,5%

Ingredientes

150 g berenxena
100 g tomate
40 g pemento verde
40 g cebola
10 g queixo relado
1 dente (5g) allo
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Trocear a berexena e asar ao forno a 170 ºC durante 20 minutos aproximadamente. Cortar a cebola, o pemento verde e o allo todo iso en brounoisse e rustrir o conxunto cun pouco de aceite de oliva nunha tixola. Cando a cebola tome cor engadir o tomate natural troceado e deixar que se cocine durante 15 minutos. Nunha fonte de forno facer unha cama de salsa caseira, dispoñer a berenxena enriba, cubrir lixeiramente con queixo relando e introducir no forno a 200ºC ata que se gratine a superficie.

Vantaxes:
A berenxena é moi pouco enerxética, o 92% da súa composición é auga. Contén vitaminas do grupo B, A, C e ácido fólico; o mineral máis abundante é o potasio, e en menor medida fósforo, calcio, magnesio e ferro. O seu leve sabor amargo é debido á gran cantidade de compoñentes antioxidantes que posúe, por iso é recomendado o seu consumo en dietas de adelgazamento.

Crema Vichyssoise (de pataca e porro)

Plato Primeiro prato

Información nutricional:

Kcal: 218,9
Proteínas: 7,8%
Hidratos de carbono: 50,3%
Lípidos: 41,9%

Ingredientes

100 g pataca
100 g porro
100 mL caldo verduras
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cortar os ingredientes en rebandas finas e refogar nunha pota con aceite de oliva. Cubrir co caldo de verduras e cociñar durante 10 minutos. Triturar e servir quente.

Vantaxes:
O principal compoñente da pataca despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e vitamina C. Estas substancias son beneficiosas para o organismo, xa que melloran as doenzas relacionadas cos riles ou cistite. É aconsellable o seu consumo pola súa acción diurética e depuradora.

Inconvenientes:
A pesar do seu contido en vitamina C, pérdese a maior parte desta vitamina co pelado, e o resto durante o proceso de cocción.

Braseado de verduras con pataca e aliño de módena

Plato Primeiro prato

Información nutricional:

Kcal: 205,6
Proteínas: 10,0%
Hidratos de carbono: 66,8%
Lípidos: 23,2%

Ingredientes

120 g pataca
100 g cebola
70 g tomate
60 g pemento verde
60 g pemento vermello
vinagre módena
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 30 a 40 minutos

Fornear todas as verduras enteiras, previamente lavadas, a 170 ºC. Retirar cando estean asadas (aproximadamente 1 hora). Seguidamente, quitar as sementes dos pementos e cortar en tiras, cortar en cuartos a cebola e o tomate e colocar nunha fonte fonda para que se mesturen todos os mollos. Engadir sal, aceite de oliva e vinagre de módena. Deixar a mestura en maceración polo menos durante unha hora. Acompañar de pataca cocida. Servir quente ou frío.

Vantaxes:
A combinación de pementos verde e vermello, cebola e tomate aporta ao organismo importantes cantidades de vitaminas do grupo B, A e C, e minerales tales como potasio, magnesio, ferro ou calcio, entre outros. Ademais presentan substancias cun elevado poder antioxidante, propiedade que favorece a loita fronte aos radicais libres que provocan o envellecemento celular.

Pavo á pepitoria

Plato Segundo prato

Información nutricional:

Kcal: 458,7
Proteínas: 41,7%
Hidratos de carbono: 26,1%
Lípidos: 32,2%

Ingredientes

150 g peituga pavo
1 (100g) pataca
60 mL caldo carne
30 g pemento verde
30 g tomate
30 g cebola
10 g fariña
1 dente (5g) allo
1 cullerada sopeira (10mL) aceite oliva
pementa
sal ao gusto

Instruccións

Tempo preparación: De 30 a 40 minutos

Picar a cebola, o pemento verde, o tomate e o allo en brounoisse (picado en cuadradiño fino). Nunha cazola pochar a verdura cun pouco de aceite e a lume suave, engadir dous culleradas de fariña, refogar e verter o viño branco, o caldo de carne, e deixar que comece a ferver. Trocear a peituga, salar lixeiramente, pasar por fariña e fritir nunha tixola. Unha vez dourados introducímolos na salsa previamente preparada; aos 10 minutos engadir a pataca troceada e deixar que coza dentro da salsa ata que a pataca este cocida.

Vantaxes:
O pavo é fonte de proteínas, vitaminas do grupo do complexo B e ácido fólico e de minerais como o fósforo, o potasio, o magnesio, o ferro e o zinc. A carne de pavo contén maior proporción de graxa insaturada que axuda a previr os problemas do corazón. E ademais presenta menor contido en graxas saturadas e menor valor calórico.

Xamonciños de polo asados con cebola ao viño branco

Plato Segundo prato

Información nutricional:

Kcal: 388
Proteínas: 38,7%
Hidratos de carbono: 25,1%
Lípidos: 36,2%

Ingredientes

150 g polo
50 g arroz
50 g cebola
50 mL viño branco
3 g allo
1 cullerada (10mL) aceite oliva
pementa
sal ao gusto

Instruccións

Tempo preparación: De 20 a 30 minutos

Salpementar os zancos de polo previamente limpos e untar de aceite de oliva. Colocalos nunha bandexa apta para o forno e asar a 170ºC durante 20 minutos. Colocar a cebola cortada en tiras finas (corte en juliana) nunha cazola co aceite de oliva. Cociñar coa cazola tapada aproximadamente durante 30 minutos a lume suave, xunto co viño branco. Unha vez cociñados os zancos de polo servilos coa gornición da cebola refogada co viño branco e cos mollos do asado. Acompañar de arroz branco.

Vantaxes:
A carne de polo contén aminoácidos esenciais de fácil asimilación, e polo tanto é unha boa fonte de vitaminas. O seu baixo contido en graxas fai que o aporte calórico non sexa elevado. Contén vitaminas do grupo B, como niacina, piridoxina, riboflavina, tiamina e ácido fólico. Ademais é rica en minerais como potasio, ferro e fósforo.

Noticias

Archivos