Arroz con chipiróns e allos tenros

15 Xullo, 2015

Arroz con chipiróns e allos tenros

Plato

Primeiro prato

Información nutricional:

Kcal: 487,1
Proteínas: 40,2%
Hidratos de carbono: 38,4%
Lípidos: 21,3%

Ingredientes

80 g arroz
80 g chipiróns
60 g allos tenros
60 g salsa de tomate
250 mL caldo de peixe
5 g pemento choriceiro
1 dente (5g) allo
1 g caiena
colorante alimentario
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Nunha cazola ou paelleira con aceite de oliva, refogar os chipiróns e os allos limpos troceados. Poñer o pemento choriceiro e caiena. Engadir o arroz para refogarlo todo. Poñer a salsa de tomate. Cubrir todo co caldo coloreado. Deixar a lume vivo durante uns 10 minutos, rectificando de sal se fose necesario. Deixar a lume medio durante uns 8 minutos máis. Para rematar deixar repousar uns minutos antes de servilo.

Vantaxes:
O aporte enerxético do chipirón é baixo e non presenta cantidades significativas de hidratos de carbono. Posúe proteínas de alto valor biolóxico e é rica en minerais como o fósforo e sodio, este último non beneficia ás persoas con hipertensión arterial. Tamén posúe vitaminas como a B3, a B12, vitamina A e D, pero todas en cantidades baixas. O chipirón non é apropiado para persoas que teñan o colesterol elevado, xa que este alimento posúe cantidades altas desta substancia; tampouco se recomenda en persoas con hipertensión arterial.

Crema de cenoria e cabaciño

Plato Primeiro prato

Información nutricional:

Kcal: 105,5
Proteínas: 8,4%
Hidratos de carbono: 49,9%
Lípidos: 41,6%

Ingredientes

150 g cenoria
80 g cabaciño
30 g cebola
20 g porro
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Pelar o cabaciño e a cenoria, cortar en dados e reservar. Limpar a cebola, o allo e o porro, cortar en xuliana (corte en tiras finas) e rustrir nunha cazola con aceite de oliva quente. Unha vez cociñada a verdura agregar a cenoria e o cabaciño, refogar o conxunto e cubrir con auga. Deixar cocinar a lume moderado durante 30 min. nunha pota normal ou 15 minutos nunha pota a presión. Unha vez cocida a verdura, pasámola polo pasapurés ou pola batidora. Poñer a punto de sal e agregar unha cullerada de aceite de oliva virxe para refinar a crema. Servimos quente.

Vantaxes:
A cenoria é un alimento excelente dende o punto de vista nutricional grazas ó seu contido en vitaminas e en sales minerais. O seu gran atractivo débese á presenza do beta-caroteno ou provitamina A. Isto, xunto co seu aporte en vitamina E, fai desta hortaliza unha fonte natural de antioxidantes. O cabaciño destaca polo seu elevado contido en auga e aporte en hidratos de carbono. Contén vitamina A, B, C; magnesio, sodio, iodo, ferro, calcio e potasio. Ademais, posúe acción antioxidante, regula os niveis de auga na célula, e mellora o funcionamento intestinal e dixestivo.

Coello á provenzal

Plato Segundo prato

Información nutricional:

Kcal: 452,8
Proteínas: 18,3%
Hidratos de carbono: 19,6%
Lípidos: 62,1%

Ingredientes

150 g coello
60 g tomate
50 g pataca
40 g cabaciño
30 g pemento vermello
25 g berenxena
25 g cebola
15 g salsa tomate
1 cullerada sopeira (10mL) aceite oliva
sal ao gusto

Instruccións

Tempo preparación: De 40 a 50 minutos

Trocear e salpementar o coello. Dourar nunha tixola con aceite de oliva e reservar. Mentres, nunha cazola, pochar os dentes de allo e a cebola picados, e pemento vermello troceado, cando a cebola estea case transparente, engadir a berenxena e o cabaciño cortados en cubos, mesturar ben e engadir os tomates pelados cortados en cubos coa salsa de tomate. Engadir o coello troceado, tapar e deixar cocer a lume lento durante uns 40 minutos. Acompañar de pataca cocida.

Vantaxes:
O coello pola súa composición está recomendado en caso de seguir dietas baixas en graxa e colesterol, en caso de trastornos cardiovasculares. Ó ser unha carne branca, o seu contido en ácido úrico é menor en comparación coas carnes vermellas, o que a converte nunha carne apta para persoas con hiperuricemia ou gota.Contén proteínas de boa calidade en cantidades similares ó resto de carnes. Destaca sobre o resto de carnes polo seu elevado contido en potasio, fósforo e calcio. Ademais, o aporte de sodio é moderado, polo tanto o seu consumo é adecuado en casos de hipertensión.

Inconvenientes:
Debido a abundancia de fibras musculares o coello é unha carne máis difícil de dixerir, e isto pódeno notar as persoas que sofren de estómago delicado.

Acelgas con salsa de allo

Plato Primeiro prato

Información nutricional:

Kcal: 198,5
Proteínas: 9,1%
Hidratos de carbono: 42,2%
Lípidos: 48,7%

Ingredientes

150 g acelgas
50 g pataca
50 g cenoria
1 dente (5g) allo
pementón doce
sal ao gusto

Instruccións

Tempo preparación: Menos de 5 minutos

Cocer en abundante auga con sal as patacas, as rebandas de cenoria e as acelgas, escorrer e servir coa salsa allada. Elaboración da salsa de allo: dourar os allos en aceite, retiralos e engadir o vinagre e o pemento doce.

Vantaxes:
O principal compoñente das acelgas é a auga, e as porcentaxes dos macronutrientes (proteínas, hidratos de carbono e lípidos) son moi baixas, polo que se converte nun alimento moi recomendado en dietas de adelgazamento. As acelgas son ricas en nutrientes reguladores como fibra, minerais e vitaminas, presenta un elevado contido en folatos, provitamina A e vitamina C. En canto os minerais, contén potasio, magnesio, sodio, iodo, ferro e calcio. Todas estas substancias aportan numerosos beneficios para o organismo. Ademais contén ácido oxálico, que prevén a formación de cálculos renais e artrites.

Tallaríns gratinados con feixóns verdes e gambas

Plato Primeiro prato

Información nutricional:

Kcal: 313,9
Proteínas: 23,1%
Hidratos de carbono: 36,7%
Lípidos: 40,1%

Ingredientes

80 g pasta (tallaríns)
70 g feixón verde
40 g gambas
30 g cebola
10 g queixo relado
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 30 a 40 minutos

Cocer os tallaríns en abundante auga fervendo cunha pizca de sal. Refrescar e escorrer. Nunha tixola, refogar a cebola e os feixóns verdes xunto cos dentes de allo, todo iso cortado en brounoisse (cuadradiños pequenos). Unha vez refogada a verdura, engadir as gambas. Subir a intensidade do lume e deixar que se mesture, poñer a punto de sal e, nese momento, agregar a pasta cocida. Refogar todo o preparado uns instantes e cubrir co queixo relado e gratinar.

Vantaxes:
As principais características da pasta son o seu grande aporte en hidratos de carbono de absorción lenta (amidón) e en proteínas (glute), e o seu baixo contido en graxas. Ademais, ten a vantaxe de que é moi fácil de cociñar. Ademais este prato complétase co aporte en proteínas de alto valor biolóxico e tamén cos minerais das gambas. E con la riqueza en fibra dos feixóns verdes.

Noticias

Archivos