Asado de porco con piña

15 Xullo, 2015

Asado de porco con piña

Plato

Segundo prato

Información nutricional:

Kcal: 579,9
Proteínas: 28,1%
Hidratos de carbono: 31,7%
Lípidos: 40,2%

Ingredientes

120 g lombo porco
80 g pataca
75 g piña
100 mL zume piña
100 mL caldo carne
75 mL viño branco
2 dentes (10g) allo
perexil
1 cullerada sopeira (10mL) aceite oliva
sal ao gusto

Instruccións

Tempo preparación: De 10 a 15 minutos

Dourar o lombo de porco nunha tixola con aceite, troceado en anacos máis ben pequenos. Engadir o caldo e zume ata completar cocción da carne, se é necesario engadir máis líquido. Acompañar de patacas fritas e de piña marcada á prancha.

Vantaxes:
A carne de porco contén todas as substancias minerais esenciais para o organismo (excepto o calcio). Destaca o seu aporte de ferro hemo, facilmente absorbible. A carne de porco non aporta vitaminas liposolubles, fóra das vísceras como o fígado, rico en vitamina A e D. Si contén vitaminas do complexo B, excepto o ácido fólico.

Inconvenientes:
O porco dixírese con bastante máis dificultade que outras carnes, sendo o seu consumo pouco adecuado para nenos e persoas maiores. Tampouco se aconsella para hipertensos e para persoas con exceso de colesterol. Polo seu elevado índice de graxa aconséllase un consumo prudente e medido.

Fabas brancas con ameixas

Plato Primeiro prato

Información nutricional:

Kcal: 339,9
Proteínas: 28,2%
Hidratos de carbono: 52,8%
Lípidos: 19,0%

Ingredientes

70 g fabas brancas
60 g ameixas
50 g tomate
30 g cebola
1 dente (5g) allo
pemento doce
1 cullerada (5mL) aceite oliva
sal ao gusto

Instruccións

Tempo preparación: De 20 a 30 minutos

Poñer as fabas a remollo en auga fría, durante a noite anterior. Pochar a cebola picada, o tomate pelado e cortado en anacos pequenos, o loureiro, o allo e o pementón no aceite e cubrir con auga fría. Cando rompe o fervor, baixar o lume, e deixar cocer lentamente, procurando que as fabas estean sempre cubertas de auga para que non solten a pel. Unha vez tenras, sazonar de sal e introducir as ameixas ata que se abran. Retirar do lume e deixar repousar, tapadas, uns dez minutos antes de servilas.

Vantaxes:
As fabas son alimentos ricos en fibra, folatos, potasio e ferro, pero os seus compoñentes principais son os hidratos de carbono. Aportan unha cantidade importante de proteína vexetal, de peor calidade cá de orixe animal, xa que non presentan todos os aminoácidos esenciais. Axudan a previr o estreñimiento, diminuír o colesterol en sangue e manter os niveis de glucosa en sangue grazas ó seu elevado contido en fibra soluble.

Pementos vermellos con champiñóns estufados

Plato Primeiro prato

Información nutricional:

Kcal: 158,7
Proteínas: 7,7%
Hidratos de carbono: 32,7%
Lípidos: 59,6%

Ingredientes

120 g pemento vermello
80 g champiñóns
50 g cebola vermella
1 dente (5g) allo
1 cullerada (10mL) aceite oliva
sal ao gusto

Instruccións

Tempo preparación: De 40 a 50 minutos

Asar os pementos vermellos no forno a 170º C durante 35 minutos, untados con aceite de oliva e un pouco de sal. Pelar os pementos e reservar xunto cos mollos do asado e un pouco de aceite de oliva. Limpar a cebola vermella e cortar en xuliana (tiras finas), pelar os allos e cortar en láminas. Nunha cazola dourar co aceite de oliva a cebola e o allo. Agregar os champiñóns limpos e troceados. Deixar que se cociñen durante 10 minutos a lume suave.

Vantaxes:
Os hidratos de carbono son o compoñente maioritario dos pementos. Tamén teñen un elevado contido en auga e o seu contido en lípidos é moi escaso, isto fai que o seu valor calórico sexa baixo. É un dos alimentos máis ricos en vitamina C, incluso proporciona o dobre desta vitamina que a laranxa. Pero tamén é rico en carotenos, como o beta-caroteno ou provitamina A. Ademais, como as verduras en xeral, os pementos son ricos en fibra. E en canto ós minerais, contén, principalmente, fósforo, potasio, magnesio e calcio.

Palometa á galega

Plato Segundo prato

Información nutricional:

Kcal: 435
Proteínas: 30,6%
Hidratos de carbono: 23,2%
Lípidos: 46,2%

Ingredientes

150 g palometa
100 g pataca
20 g chícharos
2 dentes (10g) allo
pementón doce
loureiro
2 culleradas (20mL) aceite oliva
sal ao gusto

Instruccións

Tempo preparación: De 15 a 20 minutos

Limpar e cortar a palometa en tranchas. Poñer a cocer en auga con loureiro as patacas cortadas en rebandas grosas. Aos 8 min. engadir o peixe e cocer de 5 a 8 minutos máis. Separadamente, preparar unha allada co aceite, allo e pementón. Servir a palometa enriba das patacas acompañado por chícharos cocidos a parte e a salsa allada por enriba.

Vantaxes:
A palometa é un peixe semigraxo. Destaca polo seu contido en proteínas, superior ó da grande parte dos peixes, sendo estas de gran valor biolóxico. A palometa tamén aporta diferentes vitaminas e minerais, sendo a vitamina B12 a máis abundante, ata superando os niveis que conteñen ovos e algunhas carnes. Este prato tamén presenta pataca, cuxo principal compoñente despois da auga é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e C. Estas substancias son beneficiosas para o organismo, xa que melloran as doenzas relacionadas cos riles ou cistite, ademais é aconsellable o seu consumo debido a súa acción diurética e depuradora.

Espinacas á crema con gambas e pauciños

Plato Primeiro prato

Información nutricional:

Kcal: 212,4
Proteínas: 40,1%
Hidratos de carbono: 23,7%
Lípidos: 36,2%

Ingredientes

150 g espinacas
30 g gambas
30 g pauciños cangrexo
100 mL leite desnatado
6 g fariña
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 20 a 30 minutos

Cocer as espinacas en auga abundante, refrescar e escorrer. Nunha tixola dourar os dentes de allo, pelados e cortados en láminas, cando collan cor, engadir as espinacas, os pauciños de cangrexo e as gambas peladas. Refogar o conxunto durante 3 minutos. Separadamente, preparar unha bechamel; quentar o aceite nun cazo e engadir a fariña. Remover con variña e engadir o leite quente. Remover ata que ferva e espese. Engadimos sal, pementa e noz moscada ao gusto. Engadir o refogado e mesturar ben deixando cocer todo xunto uns minutos máis.

Vantaxes:
As espinacas son unha fonte importante de minerais como o magnesio, potasio, calcio, fósforo e sodio. Conteñen importantes cantidades de ácido fólico, e de betacarotenos, precursores da vitamina A, que actúan contra o envellecemento celular. Tamén son ricas en vitamina C e E, de acción antioxidante, e vitaminas do grupo B. Ademais, apenas conteñen graxas. Son unha das hortalizas con maior nivel de proteínas e a proporción de fibra é considerable.

Inconvenientes:
O ferro de orixe animal absórbese mais facilmente que o presente nos vexetais. Por tanto, para un bo aporte de ferro é necesario o consumo de alimentos de orixe animal.

Noticias

Archivos