Arroz con feixóns verdes e setas

15 Xullo, 2015

Arroz con feixóns verdes e setas

Plato

Primeiro prato

Información nutricional:

Kcal: 238,9
Proteínas: 7,2%
Hidratos de carbono: 52,1%
Lípidos:40,6%

Ingredientes

75 g arroz
160 g caldo de verduras
50 g feixóns verdes
30 g setas
20 g cebola
1 dente (5g) allo
1 cullerada (10mL) aceite oliva
sal ao gusto

Instruccións

Tempo preparación: De 30 a 40 minutos

Picar a cebola e o allo en brounoisse (cadradito moi fino) e os feixóns verdes en xuliana (tiriñas moi finiñas). Nunha paelleira rustrir a cebola e o allo ata que empeza a tomar cor. Incorporar os feixóns verdes e as setas. Refogar todo o conxunto e engadir o arroz. Mollar co dobre de cantidade de caldo que de arroz, pon a punto de sal e deixar que coza uns 18 minutos. Unha vez cociñado sacar do lume e deixar repousar durante 5 minutos.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Refogado de gulas e champiñóns

Plato Primeiro prato

Información nutricional:

Kcal: 204,4
Proteínas: 23,4%
Hidratos de carbono: 14,6%
Lípidos: 62%

Ingredientes

125 g champiñóns
80 g gulas
50 g tomate cherry
1 dente (5g) allo
1 cullerada sopeira (10mL) aceite oliva
chile
sal ao gusto

Instruccións

Tempo preparación: De 10 a 15 minutos

Limpar e cortar en láminas os champiñóns. Pelar e cortar en láminas os dentes de allo. Refogar nunha tixola con aceite de oliva os dentes de allo e cando comeza a dourarse, agregar os champiñóns laminados. Tapar a tixola e deixar cociñar a lume suave durante 10 minutos, removendo de cando en vez para que se cociñen de xeito uniforme. Unha vez cocinados os champiñóns agregar as gulas, remover, poñer a punto de sal, cubrir cun pouco de perexil e reservar. Acompañar con tomatiño cherry.

Vantaxes:
Neste prato combínanse as propiedades das gulas (surimi) que son un concentrado de proteínas insolubles e posúen baixa cantidade de lípidos, coas características dos champiñóns que é un dos fungos máis consumidos debido ás súas propiedades remineralizantes e organolépticas. Éstes non presentan un gran contido en minerais, pero si presentan unha gran variedade dos mesmos. Contén, ademais, pequenas cantidades de vitamina A, C, D e B1. O contido calórico deste alimento é baixo, sendo moi adecuado en dietas depurativas ou para perder peso. O seu aporte de fibra non soluble favorece un efecto saciante. Aporta un contido en graxas moi baixo sendo estas moi saudables (acedo linoleico). E o seu contido en selenio confírelle un efecto antioxidante.

Arroz con cabaza, porro e mexillóns

Plato Primeiro prato

Información nutricional:

Kcal: 218,9
Proteínas: 15,7%
Hidratos de carbono: 58,3%
Lípidos: 26,0%

Ingredientes

80 g arroz
60 g cabaza
50 g mexillóns
30 g porro
160 mL caldo verduras
1 dente (5g) allo
1 cullerada (10mL) aceite oliva
perexil
sal ao gusto

Instruccións

Tempo preparación: De 15 a 20 minutos

Limpar e cortar en rebandas os porros, pelar e trocear a cabaza pelada e filetear os allos. Rustrir as verduras no aceite, agregar o arroz e deixar dourar levemente a mestura, removendo constantemente. Mollar o arroz co dobre de caldo vexetal quente e ao final da cocción agregar os mexillóns xa abertos sen cuncha e o perexil troceado moi fino. Deixar que se cocine de novo por espazo de 1 minuto. Servir inmediatamente.

Vantaxes:
O compoñente maioritario do arroz é o amidón (70-80%). O contido de proteínas do arroz rolda o 7%, e contén naturalmente apreciables cantidades de tiamina ou vitamina B1, riboflavina ou vitamina B2 e niacina ou vitamina B3, así como fósforo e potasio. Pero no proceso de refinamento e pulido, pérdese ata o 50% do seu contido en minerais e o 85 % das vitaminas do grupo B, quedando xa que logo convertido nun alimento sobre todo enerxético. O arroz é un alimento positivo para a prevención e mellora dalgunhas patoloxías, como a hipertensión e a hipercolesterolemia, debido ó seu baixo contido en sodio. Ademais, a súa excelente dixestibilidade, ligada a unha acción astrinxente (debida á carencia de fibra), fan do arroz un alimento indicado para recuperar a mucosa intestinal tras unha gastroenterite.

Chícharos con bacon

Plato Primeiro prato

Información nutricional:

Kcal: 360,3
Proteínas: 13%
Hidratos de carbono: 21,6%
Lípidos: 65,4%

Ingredientes

150 g chícharos
30 g bacon
40 g cebola
1 dente (5g) allo
1 cullerada sopeira (10mL) aceite oliva
sal ao gusto

Instruccións

Tempo preparación: De 15 a 20 minutos

Cocer os chícharos en abundante auga fervendo e sal. Unha vez cocidos enfrialo rápidamente para que manteñan a cor verde intenso. Picar os allos e a cebola en brunoisse (picado fino) e rustrir nunha tixola co aceite de oliva a lume suave. Cando a cebola e o allo estean dourados engadir o bacon en tiras e refogar ata que este quede cruxente. A continuación agregar os chícharos e dar un fervor a todo o conxunto, ata que estes adquiran o brillo do refogado de bacon.

Vantaxes:
Os chícharos compóñense fundamentalmente de auga, pero destacan os hidratos de carbono, vitaminas do grupo B e C, minerais (fósforo e magnesio) e fibra , que aportan numerosos beneficios para o organismo. Estas substancias (en especial a vitamina C, calcio, magnesio, ácidos e fibras solubles) favorecen a circulación do sangue diminuíndo o colesterol. Posúen un efecto regulador do azucre en sangue que intervén no mantemento dos niveis. Aportan proteínas vexetais e minerais construtivos favorecendo o desenvolvemento das células e a súa renovación.

Polo á rioxana

Plato Segundo prato

Información nutricional:

Kcal: 518,6
Proteínas: 38,2%
Hidratos de carbono: 23,7%
Lípidos: 38,1%

Ingredientes

150 g zanco polo
100 g pataca
100 mL caldo polo
20 g chícharos
20 g pemento verde
20 g pemento vermello
15 g chourizo
15 g cebola
10 mL viño branco
1 dente (5g) allo
1 cullerada sopeira (10mL) aceite oliva
perexil
pementa
sal ao gusto

Instruccións

Tempo preparación: De 40 a 50 minutos

Pelar e picar a cebola; filetear os allos; cortar os pementos en tiras e o chourizo en rebandas; sazonar o polo con sal e pementa e picar o perexil. Quentar unha pota cun pouco de aceite, dourar o polo por ambos lados, nese mesmo aceite rustrir a cebola e o allo. Incorporar o perexil, os pementos e o chourizo e deixar cocer durante uns 10 minutos. Incorporar o viño, o caldo de polo e os chícharos; tapar e deixar cocer 40 minutos. Acompañar de patacas fritas cortadas en dados.

Vantaxes:
A carne de polo é boa fonte de proteínas, con aminoácidos esenciais de fácil dixestión. Caracterízase polo seu baixo contido en graxas, e a pouca que presenta prevén contra enfermidades cardiovasculares. Predominan vitaminas do grupo B, tales como a niacina, piridoxina, roboflavina tiamina ou acedo fólico. Tamén é rica en minerais como potasio, ferro e fósforo.

Noticias

Archivos