Noticias y actualidad del Grupo Cuevas
18 Xullo, 2015
La Región e o Progreso, coa colaboración do Consorcio da Ribeira Sacra, publican este fin de semana un especial sobre “Os Sabores da Ribeira Sacra” co obxectivo de promover a concesión, por parte da Unesco, do título de Patrimonio da Humanidade para a Ribeira Sacra.
Ver anuncio
15 Xullo, 2015
Información nutricional:
Kcal: 412,4
Proteínas: 36,7%
Hidratos de carbono: 26,4%
Lípidos: 37,0%
Tempo preparación: De 20 a 30 minutos
Limpar, filetear e cortar o salmón en dados e insertalos nunha espetada. Á parte, facer a salsa quentando aceite nun cazo, engadir a fariña e cociñar un minuto. Mollar co caldo de peixe remover coa variña para desfacer os grumos. Poñer a punto de sal e engadir as herbas aromáticas. Cocer o arroz en auga abundante por separado e refrescar. A continuación, mesturar en frío. Servir o arroz no fondo do prato. Enriba a espetada á prancha e cubrir coa salsa.
Vantaxes:
O salmón é un peixe azul, cun alto contido en proteínas e ácidos omega 3, que contribúen a baixar o colesterol. Ademais os ácidos graxos omega-3 axudan a controlar a presión arterial, melloran a función cardíaca e reducen o impacto doutros factores de risco cardiovascular. Á súa riqueza en graxa fai que o salmón conteña cantidades interesantes dalgunhas vitaminas como A e D, tamén é fonte de magnesio e iodo.
Inconvenientes:
Ó igual que os demais peixes azuis, o salmón presenta o inconveniente de que conter purinas, que no organismo se transforman en ácido úrico, polo que é aconsellable limitar o seu consumo en caso de hiperuricemia ou gota.
Información nutricional:
Kcal: 295,2
Proteínas: 21,4%
Hidratos de carbono: 11,8%
Lípidos: 66,8%
Tempo preparación: De 20 a 30 minutos
Limpar, lavar e cortar en dados (paisana) o repolo. Cocer en auga abundante e escorrer. Á parte, nunha pota refogar no aceite as cenorias en dados e o chourizo en rebandas. Engadir o repolo e remover. Acompañar de ovo cocido.
Vantaxes:
O repolo destaca pola elevada presenza de auga na súa composición. Este alimento aporta ó organismo potasio, magnesio, calcio e vitaminas. Contén boas cantidades de fibra e hidratos de carbono, fundamentais para a recuperación de enerxía e resistencia físicas. Ademais, o repolo presenta betacaroteno ou provitamina A, vitamina C, E, niacina e folatos. A transformación do betacaroteno en vitamina A axuda á visión, ó bo estado das mucosas, cabelo, pel, ósos e ó bo funcionamento do sistema inmunolóxico.
Información nutricional:
Kcal: 367,5
Proteínas: 42,1%
Hidratos de carbono: 30,5%
Lípidos: 27,4%
Tempo preparación: De 15 a 20 minutos
Limpar e cortar o congro. Cocer en auga con loureiro as patacas cortadas en rebandas grosas. Ós 8 min. engadir o congro e cocer de 5 a 8 min. máis. Á parte, preparar a salsa co aceite, allo e pemento doce. Servir o peixe enriba das patacas, acompañado por chícharos cocidos á parte e salsa allada por riba.
Vantaxes:
O congro é un peixe semigraxo. O seu contido proteico non é moi elevado, pero as súas proteínas son dun alto valor biolóxico. Contén diferentes vitaminas e minerais. A vitamina que destaca na súa composición nutricional é a vitamina A, de feito, é o peixe máis rico neste nutriente a excepción das angulas e as anguías. Este prato tamén presenta pataca, cuxa principal compoñente despois da auga, é o amidón. Cabe destacar o seu baixo aporte de proteínas e graxas. Ademais é unha importante fonte de minerais como potasio, magnesio e fósforo, e vitaminas do grupo B (tiamina, niacina) e C. Estas substancias son beneficiosas para o organismo, xa que melloran as doenzas relacionadas cos riles ou cistite. Tamén é aconsellable o seu consumo pola a súa acción diurética e depuradora.
Información nutricional:
Kcal: 323,3
Proteínas: 22,4%
Hidratos de carbono: 7,1%
Lípidos: 70,4%
Tempo preparación: De 5 a 10 minutos
Preparar a salsa rosa con maionesa e ketchup. Engadir os pauciños de cangrexo en tiras finas, o ovo previamente cocido en dados e o millo. Suxerencia de acompañar con leituga.
Vantaxes:
Neste prato combínanse as propiedades dos pauciños de cangrexo (surimi) que son un concentrado de proteínas insolubles e posúen baixa cantidade de lípidos, coas características do ovo que é o alimento que contén o mellor perfil proteico e do seu contido lipídico, máis da metade son graxas insaturadas; ademais, contén dous carotenoides que interveñen favorablemente na saúde visual.
Inconvenientes:
Debe controlarse o consumo de maionesa, debido ó seu alto contido en graxas.