11 Agosto, 2014
Mario, o logroñés de 12 anos que se converteu este ano no primeiro MasterChef Júnior de España pola súa disciplina e o seu talento, visitou o pasado venres o noso establecemento Aquié situado na rúa Doutor Fleming (Ourense). Mario, que se dirixía ás Xornadas gastronómicas da Festa do Polbo do Carballiño, decidiu pasar por Aquié para abastecerse de todo o necesario para realizar a súa exhibición de cociña. Chamoulle especialmente a atención a sección QFH (Que Fago Hoxe?) que ofrece un menú diferente cada día, garantindo unha alimentación sa e equilibrada. Expertos nutricionistas da Universidade de Vigo e prestixiosos cociñeiros galegos traballan cada día nestes menús. Pratos elaborados con produtos que conservan o sabor, a textura, os aromas e as propiedades da cociña tradicional máis esmerada.
Ver imaxe
4 Xullo, 2014
Durante este mes de xullo poderás contemplar e gozar dunha magnífica colección de cabaceiros mentres fas a compra nos nosos centro Aquié de Santiago de Compostela (República Arxentina Nº2). As reproducións, a escala 1:10, son unha réplica exacta de cabaceiros reais elaborados polas mans de Xosé Arturo Fernández, un dos máis recoñecidos e expertos artesáns.
Os cabaceiros teñen en cada zona de Galicia unhas características propias que foron creándose a base da experiencia dos propios agricultores segundo as variedades climáticas de cada lugar. Desta forma, non só conservábase en boas condicións o millo senón tamén o peixe, os embutidos e outros alimentos.
En Aquié poderás encontrar cabaceiros de madeira, de varas, ao estilo Pontevedra (combinan madeira e pedra), con teitos de lousa ou de tella… Porque en Aquié a compra pode ser diferente.
16 Xuño, 2014
Seis dos máis destacados deportistas do Porriño de todos os tempos estarán presentes nunha exposición conxunta promovida polo Grupo Cuevas no seu supermercado Aquié (Rúa Pinal, Nº2, O Porriño), na que se poderá coñecer o historial, parte do equipamento utilizado e algúns dos galardóns que os distinguiron entre os mellores da súa especialidade.
Nesta exposición, na que colaborou o propio Concello, están representados destacados campións do deporte como Abel Maceiras, Javier Rodriguez, Jesús Martínez, José González, ou clubs como o Club Balomnano Xuvenil Feminino ou o Club Zeltia F.C.
Con esta iniciativa, aberta a todo o público, o Grupo Cuevas avanza no seu obxectivo de facilitar o coñecemento e o acceso a distintas actividades destacadas dende unha perspectiva diferente e nun lugar tan especial como é un supermercado, polo que tamén propicia os seus clientes unha compra entretida e proveitosa.
Ata o 15 de xullo poderanse ver no Aquie de C/Doutor Fleming (Ourense) unha curiosa exposición de rodas auténticas de competición. Os clientes poderán observar mentres fan a compra diferentes rodas dende Fórmula 1 ata autocrós, de neve ou asfalto, de Fernando Alonso ou de Reverter. Porque non todas as rodas son iguais nin teñen a mesma historia.
Ver imaxe
5 Xuño, 2014
Un grupo de 75 nenos do Colexio Carmelitas, de entre 3 e 4 anos, de 1º de infantil, visitou recentemente a plataforma Frunatur no polígono de San Cibrao dás Viñas. Con esta visita pretendían estudar máis a fondo o apartado de froitas e verduras. Pola súa banda, Frunatur colabora dende hai anos coa educación de hábitos saudables.
No seu primeiro día de excursión, os alumnos puideron ver como se recepciona a mercadoría, como se envasa e manipula e como se lle dá saída. Na zona de traballo examinaron con interese a ampla exposición de froitas e verduras. Puideron entrar nalgunha das cámaras frigoríficas onde se manteñen os produtos no seu axeitado grao de humidade e temperatura e tamén puxeron en práctica os seus coñecementos na ampla zona de reciclado.
Ver imaxes
