21 Febreiro, 2014
Os supermercados Aquié chegaron á capital de Galicia. O grupo ourensán Cuevas abriu recentemente un novo centro na esquina de República Arxentina e Hórreo, ocupando unha superficie duns mil metros cadrados. O supermercado Aquié ofrece unha serie de "acenos" aos seus clientes a través de exposicións temáticas que loitan contra o tedio de facer a compra. Para abrir refacho en Santiago, dende hoxe e ata o 14 de marzo, Aquié móstranos algúns dos traxes tradicionais galegos de entroido. Desta forma, nos corredores do súper os clientes poderán atopar, entre outros, traxes de Peliqueiros de Laza, Troteiros de Bande, Pantallas de Xinzo, Felos de Maceda etc.
Ver imaxe
9 Febreiro, 2014
A cuarta e penúltima xornada do salón internacional de gastronomía e turismo Xantar, que alberga o recinto feiral de Expourense dende o pasado mércores, viviu como acto central a entrega dos "Premios especiais Xantar" con motivo da internacionalidade", que recoñecen aos mellores postos da feira.
Os catro galardoados nesta cerimonia foron as casetas do Barco de Valdeorras (vencedora na categoría de "Mellor posto restaurante"), Cafés Lisboa ("Mellor posto de alimentación"), Entidade Turismo Porto e Norte de Portugal ("Mellor acción promocional en materia de turismo") e Grupo Cuevas e Aquié ("Mellor actividade relacionada coa saúde e a nutrición")
Ampliar noticia
6 Febreiro, 2014
Os alumnos de 2º de Bacharelato do Colexio Plurilingüe Santa Teresa de Jesús realizaron unha visita guiada ao supermercado Aquié do grupo ourensano Cuevas, na que puideron coñecer polo miúdo e de primeira man, as interioridades dos modernos sistemas de almacenaxe, distribución e comercialización desta empresa.
Ver fotografías
Ver reportaxe
5 Febreiro, 2014
Do 5 ao 9 de febreiro ten lugar en Ourense, Xantar, Salón Galego de Gastronomía e Turismo, unha feira que alcanza o seu décimoquinta edición e que consagra miles de persoas transformando o recinto de Expourense nun gran centro de restauración.
Un ano máis Grupo Cuevas estará presente coa súa marca de supermercados Aquié. O posto reproduce a sección QFH (Que Facemos Hoxe) presente nos supermercados desta cadea onde os clientes teñen un menú diferente cada día do ano.
No posto, os visitantes participarán nun estudo de mercado votando polo sándwich que mais lles guste entre 3 novas variedades. O máis votado porase á venda:
Suprema de touciño entrefebrado e berenxena
Mouse de cogomelos con polo
Imperial de marisco
Ademais, o posto contará cun show cooking en directo (de 12:30 a 16:30) onde os asistentes, ademais de ver como se preparan os pratos do QFH, poderán participar nun curioso xogo tratando de acertar cal é o prato preparado no momento e o prato rexenerado no microondas, deixando en evidencia que os pratos do QFH son totalmente naturais, sen conservantes nin colorantes.
Saber máis sobre a feira
Ver reportaxe TVG (minuto 33:00)
Oir entrevista Onda Cero
