15 Novembro, 2013
De novo campá sobre campá, os peixes no río, as comidas familiares, as luces, os adornos, os excesos… Un montón de cousas que se repiten cada ano. E como cada ano repítense tamén os bos propósitos, a alegría contaxiosa dos nenos, as primeiras saídas nocturnas dos adolescentes, o reencontro cos amigos que volven, momentos inesquecibles de viño e rosas, e a maxia que flota no aire e se coa polas fendas. Xa é Nadal!
En Grupo Cuevas desexamos que este Nadal veña con todo iso que fai destas datas algo tan especial, e que traia, ademais, sorrisos, abrazos, ilusión, traballo…
E se trae bágoas, que sexan de emoción.
Feliz Nadal!
Ver catálogo
10 Novembro, 2013
A produción de marron glacé está a pleno rendemento, acábanse de recoller as castañas e xa se prepara a campaña de Nadal, a de maiores vendas. A primeira fábrica que fixo este produto en España foi Cuevas. Actualmente, defendemos a universalidade da castaña galega en todo o mundo, estando presente en 26 países dos 5 continentes. Maite González, xerente de Cuevas e Cía, fala para o programa A Revista Fin de semana sobre os segredos desta auténtica delicatessen galega. Dende o minuto 38:40.
Ver programa
30 Outubro, 2013
O 30 de outubro o alumnado da materia de Envases e Embalaxes (3ª Deseño de Produtos de la EASD) visitou o supermercado Aquié, na rúa do Hórreo.
Ademais de recoller información para a investigación básica do proxecto de envase que están a realizar, o alumnado de Produtos foi recibido por Mari González Lamelas (Directora de Supermercados) para realizar un percorrido guiado por toda a tenda e coñecer un novo concepto de supermercado onde todo, ata o máis mínimo detalle, está deseñado para ter un sentido.
Ampliar noticia:
Web de la escuela:
24 Outubro, 2013
Empeza a tempada da castaña e aínda que este ano vén con atraso, espérase unha produción superior á do ano pasado. Maite González, xerente de Cuevas e Cía, fai un repaso polo ciclo de transformación da castaña para os informativos de Radio Galega. Dende o minuto 45.
Escoitar programa
13 Outubro, 2013
Por quinto ano consecutivo, Grupo Cuevas convocou o seu tradicional concurso de debuxos nos supermercados Aquié que este ano tiña como eixe principal: A que sabe o verán?
Os debuxos foron avaliados polo xurado que o tivo difícil para escoller entre o amplo abano de obras.
O xurado e os premiados foron os seguintes:
<b>Xurado centro de FLEMING</b>
Ana Garrido, Concelleira de educación
Mari Sol Rojo Vázquez, profesora en EASD Antonio Faílde
Artur Yuste, Director Grupo Cuevas
<b>Premiados centro de FLEMING</b>
Olga de Martín Cabano, Primer Premio (8 años)
Pablo Sprunken Ramos, Segundo Premio (10 años)
Ángel Prol Sánchez, Tercer Premio (5 años)
<b>Xurado centro de O PORRIÑO:</b>
Nelson Santos, Alcalde de O Porriño
Rita Mª Sío, Directora do Colexio Santo Tomás
Gino Rocal, Xefe de Publicidade de Atlántico Diario
<b>Premiados centro de O PORRIÑO</b>
Lara Bastos Cabaleiro, Primer Premio (8 años)
Clara Lorenzo Martínez, Segundo Premio (10 años)
Breixo Nogueiras Sánchez, Tercer Premio (9 años)
Ver reportaxe Fleming
Ver reportaxe Porriño
