14 Febreiro, 2012
Hoxe 14 de febreiro, día de San Valentín, os premiados do noso sorteo dunha bicicleta tandem vermella foron:
– En Ourense: Supermercado Aquí de Allariz, Josefa González Feijoo.
– En Pontevedra: Supermercado Aquié de O Porriño, Isolina Rodríguez Rodríguez.
Durante esta semana recolléronse máis de 18.000 solicitudes, grazas a todos os participantes e parabéns aos premiados.
http://www.grupocuevas.com/news/20120214_GanadorasTandem.pdf
6 Febreiro, 2012
Nos supermercados Aqui/Aquié estamos levando a cabo unha curiosa campaña de San Valentín e sorteamos entre os nosos clientes unha espectacular bicicleta tándem vermella que podes ver exposta nos centros Aquié de Ourense (Rúa Doctor Fleming Nº30) e en O Porriño (en Rúa Pinar Nº2).
Ao abonar a túa compra en caixa e ensinar o túa tarxeta cliente, recibirás un cupón. Escribe no cupón unha gabanza, a máis bonita, a máis graciosa ou a máis romántica que se che ocorra e deposítao na urna da promoción.
Con todos os cupóns recibidos realizaremos dous sorteos, un entre os clientes dos nosos centros da provincia de Pontevedra e outro entre os clientes dos centros da provincia de Ourense.
A data tope de recepción de cupóns é o sábado 11 de febreiro. Os gañadores serán informados telefonicamente da hora da entrega do tándem, que se realizará o 14 de febreiro.
As parellas deben andar xuntas e “AQUI” sabemos como conseguilo… XUNTOS EN TÁNDEM!
Ver imaxe da campaña
Ver galería
3 Febreiro, 2012
“A Tarde” emite un programa especial desde a feira de Xantar en Ourense. Cristina García entrevista a Francisco Gayoso, xerente de Ruta Jacobea, sobre as calidades dos pratos preparados para os supermercados Aquié. Mentres, Alberto Rivero, en directo desde a caseta, fala con María Castro, responsable de mercadotecnia de Grupo Cuevas para retrasmitir a preparación dun deses pratos: Plátano flambeado con chocolate.
Durante a xornada de hoxe, os visitantes de Xantar puideron ver en directo a preparación de varios pratos e puideron degustalo nas súas dúas modalidades: o prato recentemente preparado e o mesmo prato envasado.
No menú de hoxe: pementos de piquillo recheos de allo porro con salsa de queixo, guiso de sepia con patacas, brocheta de solombo con salsa de cogomelos e plátano flambeado con chocolate.
Oír programa
1 Febreiro, 2012
Do 1 ao 5 de febreiro terá lugar en Ourense, Xantar, Salón Galego de Gastronomía e Turismo, unha feira que alcanza a súa décimoterceira edición e que consagra a miles de persoas transformando o recinto de Expourense nun gran centro de restauración.
A sección QFH (¿Que Facemos Hoxe?/¿Que Hacemos Hoy?) dos nosos supermercados Aquié estará presente na feira. Na nosa caseta, N38, situado no corredor central, poderá asistir a un show cooking onde prepararemos diariamente en directo, un menú propio da nosa sección. Poderase degustar o prato recén preparado e o mesmo prato envasado.
Horario de demostración de 13:00 a 16:00:
Mércores, venres e domingo: Pementos de piquillo recheos de allo porro con salsa de queixo, guiso de sepia con patacas, brocheta de solombo con salsa de cogomelos e plátano flambeado con chocolate.
Xoves e sábado: Rissoto de verduras, pescada á galega, ragout de polo e filloas recheas de crema pasteleira.
Ademais, dentro do VII Encontro Ibérico sobre Dieta e Saúde, o venres día 3 ás 11:30 teremos un relatorio co título:
"Comida envasada saudable: a experiencia Aquié" impartida por Vitoria Solla Babio, responsable de Calidade de Villasenin S.A. – Grupo Ruta Xacobea.
Conocer ubicación en la feria
Conocer programa de jornadas
Saber más sobre la feria
Dossier de prensa
29 Xaneiro, 2012
Do 29 de xaneiro ao 1 de febreiro Cuevas e Cía Marron Glacé participa en ISM en Colonia (Alemaña).
ISM é a feira de doces e pastelería máis grande e importante a nivel mundial, que presenta todas as innovacións e artigos de tempada. ISM cobre toda a gama de confeitería en todos os seus sectores: chocolate, azucre de confeitería, pastelería, lambetadas, xeados e materiais en cru.
A feira está aberta só para especialistas e está dirixida a representantes de empresas almacenista e comerciante polo miúdo dos seguintes sectores: doces, alimentos, produtos biolóxicos, droguería, cafetería, pastelería e panadería, entre outros.
Ven a visitarnos, estamos no Hall 11.1 – Caseta G031a.
Saber máis sobre a feira
Descargar plano coa nosa localización
Ver fotografías