30 Novembro, 2012
O sistema loxístico, financiado no marco do Plan Galego de I+D+i Incide, foi presentada este venres na sede de Grupo Cuevas por Salustiano Mato, reitor da Universidade de Vigo; Artur Yuste, director xeral de Grupo Cuevas e Víctor Lorenzo, director de Tecnoloxía do Grupo Cuevas.
O novo sistema está deseñado para planificar as rutas loxísticas e para optimizar as vendas. Foi realizado co Grupo de Sistemas Informáticos de Nova Xeración da Escola Superior de Enxeñería Informática de Ourense, con Florentino Fernández e Juan Francisco Gálvez á cabeza, durante os últimos tres anos.
A aplicación permite que os comerciais poidan optimizar o seu tempo e evitar quilómetros inútiles deseñando a mellor ruta dependendo das necesidades de cada cliente e os horarios que mellor lle van para atender ao vendedor, tamén facilita información ao comercial sobre establecementos que poden converterse en clientes potenciais dentro desa ruta. Ademais, tamén axiliza as rutas loxísticas de entrega e as recalcula en tempo real en casos de calquera incidencia, como estradas cortadas.
Con tan só un mes de funcionamento, o sistema xa supón un importante aforro en custos como o do combustible ademais de facer máis cómodo e efectivo o traballo dos comerciais.
Ampliar información
23 Novembro, 2012
Baixo o lema “Chega ti a onde non dan chegado os Reis Meigos” Grupo Cuevas propúxose que ningún neno quede sen xoguetes este Nadal. Ata o próximo 7 de xaneiro, aquelas persoas que o desexen poderán entregar todo tipo de xoguetes, sempre que estean en bo estado, en calquera dos nosos establecementos Aquí, Aquié e Plenus. A única condición é que os xoguetes non sexan bélicos nin promovan calquera tipo de actitude violenta. Queremos sensibilizar aos nosos nenos para que comprendan a necesidade de ser solidarios con aquelas persoas que menos teñen, especialmente nestas datas.
Todo o material recollido antes do 6 de xaneiro será entregado a organizacións non lucrativas para a súa repartición no período do Nadal. Os recollidos logo desta data, serán xestionados polas mesmas organizacións que traballan para mellorar a calidade de vida da infancia en dificultade.
20 Novembro, 2012
Dar a coñecer as principais variedades de castañas, as súas características, como identificalas e as súas calidades para os distintos usos culinarios, son algúns dos obxectivos da exposición organizada polo Grupo Cuevas nas súas tendas Aquié.
A mostra complétase con imaxes e lendas sobre as orixes do castiñeiro, receitas para cociñar coas castañas máis adecuadas, e unha sección coas achegas dalgúns dos mellores cociñeiros españois que participaron no Foro Castaña, entre eles Jordi Roca, Andrea Tumbarello, Pepe R. Rei ou Juan Mari Arzak.
A exposición inclúe unha detallada explicación do proceso seguido para a elaboración do mundialmente recoñecido marron glacé, ademais de todas as propostas que ofrece a ampla Liña Chef, desde Castañas en almíbar ata a Guarnición de castañas con ciruelas, piñones e cogomelos, para converter de modo fácil e nun minuto un prato básico noutro moi especial.
A iniciativa enmárcase dentro das iniciativas do Grupo Cuevas para dar a coñecer a castaña ourensá como marca de prestixio, e fomentar a súa presenza e o seu aprecio na gastronomía española. Os resultados deste labor reflíctense xa nas cartas dos restaurantes máis galardoados do país, onde a castaña foise introducindo de forma crecente, recomendándose nalgún caso pratos como Caza dos montes de Toledo con castaña de Ourense ou castaña de Cuevas.
A exposición estará aberta en Aquié Ourense e Aquié Porriño durante o mes de novembro.
12 Novembro, 2012
Cristina García no programa A Tarde de Radio Galega, fala con Eva Delgado, Directora de Liña Distribución en Grupo Cuevas, sobre as cestas de Nadal.
Os lotes e cestas adáptanse ás necesidades dos clientes en función do seu orzamento ou de características concretas como que todos os artigos sexan con denominación de orixe de Galicia.
Minuto 47 a 54.
Escoitar programa en:
10 Novembro, 2012
Maite González, xerente de Cuevas e Cía, explica a delicada preparación do noso marron glacé. O ouro dos montes galegos elabórase durante 240 horas pasando por un proceso de cocción, pelado a man, baño en almíbar, glaseado e embasado.
Parte 3. Minuto 1:34 a 3:12
Ver reportaxe en:
